ବହୁ ସଂଖ୍ୟାକ ରାସନ କାର୍ଡ ପ୍ରଦାନ କରିବା ଦାବି କେବଳ ଲୋକ ଦେଖାଣିଆ: ସୁପ୍ରିମକୋର୍ଟଙ୍କ ବଡ଼ ମନ୍ତବ୍ୟ

ନୂଆଦିଲ୍ଲୀ: ଏକ ମାମଲାର ଶୁଣାଣି ସମୟରେ ସୁପ୍ରିମକୋର୍ଟ ବୁଧବାର କହିଛନ୍ତି ଯେ, ଅନେକ ରାଜ୍ୟ ରାସନ ବଣ୍ଟନ ବ୍ୟବସ୍ଥା ମାଧ୍ୟମରେ ଅସହାୟ ଲୋକଙ୍କୁ ସବସିଡିଯୁକ୍ତ ଅତ୍ୟାବଶ୍ୟକ ସାମଗ୍ରୀ ଯୋଗାଇବାକୁ ଦାବି କରୁଛନ୍ତି। କିନ୍ତୁ ଏହି ରାସନ ବିପିଏଲ୍ ହିତାଧିକାରୀ ପରିବାର ପର୍ଯ୍ୟନ୍ତ ପହଞ୍ଚୁ ନାହିଁ।

ସୁପ୍ରିମକୋର୍ଟ ପଚାରିଥିଲେ ଯେ, ରାଜ୍ୟଗୁଡ଼ିକ କ’ଣ ରାସନ କାର୍ଡକୁ ଲୋକ ଦେଖାଣିଆ ପାଇଁ ବ୍ୟବହାର କରୁଛନ୍ତି? ପ୍ରକୃତରେ କ’ଣ ଲାଭଗୁଡ଼ିକ ବିପିଏଲ୍ ପରିବାରମାନଙ୍କ ପାଖରେ ପହଞ୍ଚୁଛି?

ପ୍ରକୃତ ବିପିଏଲ୍ (ଦାରିଦ୍ର୍ୟ ସୀମାରେଖା ତଳେ) ପରିବାର ପାଇଁ ଉଦ୍ଦିଷ୍ଟ ସୁବିଧାଗୁଡ଼ିକ କ’ଣ ସେହି ଲୋକଙ୍କ ପକେଟକୁ ଯାଉଛି ଯେଉଁମାନେ ଏହାର ଯୋଗ୍ୟ ନୁହଁନ୍ତି?

ଶୁଣାଣିରେ କରୋନାର କଥା କୁହାଯାଇଥିଲା। ସୁପ୍ରିମକୋର୍ଟରେ ଜଷ୍ଟିସ ସୂର୍ଯ୍ୟକାନ୍ତ ଏବଂ ଏନ. କୋଟିଶ୍ୱର ସିଂହଙ୍କ ନେତୃତ୍ବରେ ଗଠିତ ଖଣ୍ଡପୀଠ ଏହି ମାମଲାର ଶୁଣାଣି କରୁଛନ୍ତି। କୋର୍ଟ କହିଛନ୍ତି ଯେ, ରାସନ କାର୍ଡଗୁଡ଼ିକୁ ସେହି ରାଜ୍ୟମାନେ ଦେଖାଇବା ପାଇଁ ବ୍ୟବହାର କରନ୍ତି ଯେଉଁମାନେ ଦାବି କରୁଛନ୍ତି ଯେ, ସେମାନେ ବହୁ ସଂଖ୍ୟକ ରାସନ କାର୍ଡ ଜାରି କରିଛନ୍ତି।

ଅଧିକ ପଢ଼ନ୍ତୁ: ସନ୍ତାନ ଜନ୍ମ କରିବା ପାଇଁ ବିଦେଶୀ ଯୁବତୀଙ୍କୁ କିଣୁଛି ଚୀନ୍: ମୂଲ୍ୟ ମାତ୍ର ୨ ଲକ୍ଷ

କୋଭିଡ୍ -୧୯ ମହାମାରୀ ସମୟରେ ପ୍ରବାସୀ ଶ୍ରମିକମାନେ ସମ୍ମୁଖୀନ ହେଉଥିବା ଅସୁବିଧାକୁ ଦୃଷ୍ଟିରେ ରଖି ଦାଖଲ ଏକ ମାମଲାର ଶୁଣାଣି କରି କୋର୍ଟ ଏହି ମନ୍ତବ୍ୟ ଦେଇଛନ୍ତି। 

ଅଧିକ ପଢ଼ନ୍ତୁ: ସମସ୍ୟାର ସମାଧାନ ନହେଲେ ମାର୍ଚ୍ଚ ୨୨ରେ ଜୀବନ ହାରିଦେବି: ଯବାନ