ଉତ୍ତରାଖଣ୍ଡ ପଞ୍ଚାୟତ ନିର୍ବାଚନର ଫଳାଫଳ; କମାଲ କଲେ ଦୁଇ ଯାଆ

ନୂଆଦିଲ୍ଲୀ: ଉତ୍ତରାଖଣ୍ଡ ପଞ୍ଚାୟତ ନିର୍ବାଚନର ଫଳାଫଳ ପ୍ରାୟ ପ୍ରକାଶ ପାଇଯାଇଛି। ଏପରି ପରିସ୍ଥିତିରେ କିଛି ପ୍ରାର୍ଥୀ ବିଜୟର ହ୍ୟାଟ୍ରିକ୍ ହାସଲ କରୁଥିବା ବେଳେ ଆଉ କିଛି ଗୋଟିଏ ଭୋଟରେ ଜିତିଯାଇଛନ୍ତି। 

ସମ୍ପ୍ରତି ଉତ୍ତରାଖଣ୍ଡ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ବିଜୟୀ ହୋଇଥିବା ଦୁଇଜଣ ପ୍ରାର୍ଥୀ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି। ଏ ଦୁଇଜଣ ପ୍ରାର୍ଥୀ ସମ୍ପର୍କରେ ଦୁଇଯାଆ। ଦୁଇଯାଆଙ୍କ ମଧ୍ୟରୁ ଧନୌଲା ସହସ୍ତ୍ରଧାର ଗ୍ରାମ ପଞ୍ଚାୟତ ନିର୍ବାଚନରେ ସୋନିଆ ଥାପା ପ୍ରଧାନ ପଦବୀରେ ବିଜୟୀ ହୋଇଥିବା ବେଳେ ସାକ୍ଷୀ କ୍ଷେତ୍ର ପଞ୍ଚାୟତର ନିର୍ବାଚନରେ ବିଜୟୀ ହୋଇଛନ୍ତି। 

ଏହି ଦୁଇ ଯାଆଙ୍କ ପୂର୍ବରୁ ପିଥୋରାଗଡ଼ ଜିଲ୍ଲାର ଗ୍ରାମପଞ୍ଚାୟତ ରିଠା ରେତୋଲିର ଗ୍ରାମବାସୀମାନେ ଗୋଟିଏ ପରିବାରର ଦୁଇଯାଆଙ୍କୁ ସେମାନଙ୍କର ମୁଖ୍ୟ ଭାବରେ ନିର୍ବାଚିତ କରିଥିଲେ। ବଡ଼ ଯାଆ କ୍ଷେତ୍ର ପଞ୍ଚାୟତର ସଦସ୍ୟ ଭାବେ ନିର୍ବାଚିତ ହୋଇଥିବା ବେଳେ ସାନଯାଆ ଗ୍ରାମ ମୁଖିଆ ଭାବେ ନିର୍ବାଚିତ ହୋଇଥିଲେ। ଏହି ପରିବାର ଗତ ୪୦ବର୍ଷ ଧରି ପଞ୍ଚାୟତ ନିର୍ବାଚନରେ ନିଜର ପତିଆରା ବିସ୍ତାର କରି ଆସୁଛନ୍ତି।

ସୂଚନା ଅନୁଯାୟୀ, ୧୯୮୦ ରୁ ୨୦୦୯ ପର୍ଯ୍ୟନ୍ତ ନିଶା ଏବଂ ଜାନକୀଙ୍କ ଶ୍ୱଶୁର ବଳଦତ୍ତ ଧାରିଆଲ ନିରନ୍ତର ଗ୍ରାମମୁଖୀ ହୋଇଥିଲେ। ତା'ପରେ ୨୦୦୯ରେ ବଳଦତ୍ତ ଧାରିଆଲଙ୍କ ପତ୍ନୀ ଅମ୍ବିକା ଧାରିଆଲ ଗ୍ରାମମୁଖୀ ହୋଇଥିଲେ। ଅମ୍ବିକାଙ୍କ କାର୍ଯ୍ୟକାଳ ମଧ୍ୟରେ ବୋହୂ ଜାନକୀ କ୍ଷେତ୍ର ପଞ୍ଚାୟତ ସଦସ୍ୟ ପଦରେ ରହିଥିଲେ।