ନିର୍ଦ୍ଦେଶକ ମୋତେ ବିକ୍ରି କରି ଦେଇଥିଲେ: କାଷ୍ଟିଂ କାଉଚ୍ ନେଇ ଖୁସି ମୁଖାର୍ଜୀଙ୍କ ବଡ଼ ଖୁଲାସା

ମୁମ୍ବାଇ:  ଟିଭିରୁ ବଲିଉଡ୍ ପର୍ଯ୍ୟନ୍ତ ନିଜର ପରିଚୟ ସୃଷ୍ଟି କରିଥିବା ଅଭିନେତ୍ରୀ ଖୁସି ମୁଖାର୍ଜୀ ପ୍ରାୟତଃ ତାଙ୍କର ଗ୍ଲାମର ଏବଂ ବୋଲ୍ଡ ଫ୍ୟାଶନ୍ ସେନ୍ସ ପାଇଁ ଖବରରେ ରହିଥାନ୍ତି।  ଖୁସି ନିକଟରେ ଏକ ସାକ୍ଷାତକାରରେ ତାଙ୍କ ଜୀବନ ସହିତ ଜଡିତ ଏକ ଘଟଣା ସେୟାର କରିଥିଲେ, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା।

ଖୁସି ମୁଖାର୍ଜୀ ଏକ ସାକ୍ଷାତକାରରେ ଗଣମାଧ୍ୟମକୁ କହିଥିଲେ ଯେ, ସେ ମଧ୍ୟ କାଷ୍ଟିଂ କାଉଚ୍‌ର ଶିକାର ହୋଇଛନ୍ତି। ସେ କହିଥିଲେ, ଏହି ଘଟଣା ତାଙ୍କ ସହିତ ହାଇଦ୍ରାବାଦରେ ଘଟିଥିଲା।  ଯେତେବେଳେ ଜଣେ ଚଳଚ୍ଚିତ୍ର ନିର୍ଦ୍ଦେଶକ ତାଙ୍କୁ ଠକେଇ କରି ଜଣେ ପ୍ରଯୋଜକଙ୍କ ପାଖକୁ ପଠାଇଥିଲେ ଏବଂ ତାଙ୍କୁ ନଜଣାଇ ଏଥିପାଇଁ ପ୍ରଯୋଜକଙ୍କଠାରୁ ମୋଟା ଅଙ୍କର ଟଙ୍କା ଆଦାୟ କରିଥିଲେ।

କାଷ୍ଟିଂ କାଉଚ୍ ଉପରେ ବଡ଼ ଖୁଲାସା କରି ସେ କହିଲେ, ନିର୍ଦ୍ଦେଶକ ମୋତେ କହିଥିଲେ ଯେ, ଏକ ଗୁରୁତ୍ୱପୂର୍ଣ୍ଣ ବୈଠକ ଅଛି ଏବଂ ସେ ମୋତେ ଜଣେ ପ୍ରଯୋଜକଙ୍କ ସହ ପରିଚିତ କରାଇବାକୁ ଚାହୁଁଛନ୍ତି। କିନ୍ତୁ ପରେ ମୁଁ ଜାଣିଲି ଯେ, ସେ ମୋ ସାକ୍ଷାତ ପାଇଁ ସେହି ପ୍ରଯୋଜକଙ୍କଠାରୁ ଏକ ଲକ୍ଷ ଟଙ୍କା ନେଇଛନ୍ତି। ଯେତେବେଳେ ମୁଁ ସେଠାରେ ପହଞ୍ଚିଲି, ପ୍ରଯୋଜକ କହିଲେ, ତୁମକୁ ମୋ ସହିତ ବେଡ୍ ସେୟାର କରିବାକୁ ପଡିବ। ମୁଁ ତୁରନ୍ତ ମନା କରିଦେଇଥିଲି।  ମୁଁ କହିଥିଲି, ମୋ ପାଖରେ ଏ ବିଷୟରେ କୌଣସି ସୂଚନା ନାହିଁ।

ଅଧିକ ପଢ଼ନ୍ତୁ: \ମୋଦୀ-ଶାହଙ୍କ କ୍ଷମତା କମିବ: ରାଷ୍ଟ୍ରୀୟ ଅଧ୍ୟକ୍ଷ ଅଧିକ ଶକ୍ତିଶାଳୀ ହେବେ, ନାଗପୁରରୁ ଆସିଲା ନୂଆ ବାର୍ତ୍ତା!

ତେବେ  ପ୍ରଯୋଜକ ମୋତେ ବାଧ୍ୟ କରିବାକୁ ଚେଷ୍ଟା କରି ନଥିଲେ, କିନ୍ତୁ ସେ ମୋତେ ଫେରିଯିବାକୁ କହିଥିଲେ। ସେ ମୁମ୍ବାଇ ଫେରିବା ପାଇଁ ମୋର ଟିକେଟ୍ ମଧ୍ୟ ବୁକ୍ କରିଥିଲେ। କିନ୍ତୁ ସେହି ସମ୍ପୂର୍ଣ୍ଣ ଅଭିଜ୍ଞତା ମୋତେ ଭିତରୁ ଭାଙ୍ଗି ଦେଇଥିଲା।

ଏହି ଖୁଲାସା ପରେ, ଖୁସି ମୁଖାର୍ଜୀଙ୍କୁ ସୋସିଆଲ ମିଡିଆରେ ବହୁତ ସମର୍ଥନ ମିଳୁଛି, ଯଦିଓ ସେ ପୂର୍ବରୁ ଅନେକ ଥର ଟ୍ରୋଲ୍‌ର ଶିକାର ହୋଇଛନ୍ତି। ନିକଟରେ, ତାଙ୍କର ଏକ ବୋଲ୍ଡ ଡ୍ରେସ୍‌କୁ ନେଇ ସୋସିଆଲ ମିଡିଆରେ  ବିବାଦ ସୃଷ୍ଟି ହୋଇଥିଲା। ପାପାରାଜି ତାଙ୍କୁ ସାଇଡ୍ କଟ୍ ଡ୍ରେସ୍ ପିନ୍ଧିଥିବା ସମୟରେ କ୍ୟାମେରାରେ କଏଦ୍ କରିଥିଲା, ଯେତେବେଳେ ଡ୍ରେସ୍‌ଟି ପବନରେ ଉଡ଼ି ଯାଇଥିଲା, ଯାହା ଯୋଗୁ ତାଙ୍କୁ ଟ୍ରୋଲ୍ କରାଯାଇଥିଲା।

ଟିଭି ଅଭିନେତ୍ରୀ ଫଲକ ନାଜ ମଧ୍ୟ ଏହି ଭିଡିଓ ଉପରେ ପ୍ରତିକ୍ରିୟା ପ୍ରକାଶ କରି ଖୁସିଙ୍କୁ ଭର୍ତ୍ସନା କରିଥିଲେ।  ସୂଚନାଯୋଗ୍ୟ, ଖୁସି ଏବଂ ଫଲକଙ୍କ ମଧ୍ୟରେ ବହୁତ ଦିନ ଧରି ଏକ ଶୀତଳ ଯୁଦ୍ଧ ଚାଲିଛି।   ତେବେ କାଷ୍ଟିଂ କାଉଚ୍ ନେଇ ସାକ୍ଷାତକାର ମାଧ୍ୟମରେ ଖୁସିଙ୍କ  ଏହି ସାହସିକ ପଦକ୍ଷେପ ତାଙ୍କ ପ୍ରଶଂସକ ଏବଂ ଫିଲ୍ମ ଇଣ୍ଡଷ୍ଟ୍ରି ମଧ୍ୟରେ ପରିବର୍ତ୍ତନର ଆଶା ସୃଷ୍ଟି କରିଛି ।

ଅଧିକ ପଢ଼ନ୍ତୁ: ୧.୨୫ ଲକ୍ଷ ଟଙ୍କିଆ ଫୋନ୍‌ ଧରିବେ ମନ୍ତ୍ରୀ ଓ ୧.୫୦ ଲକ୍ଷ ଟଙ୍କିଆ ଧରିବେ ମୁଖ୍ୟମନ୍ତ୍ରୀ

casting couch | Khushi Mukherjee