ଡୋନାଲ୍ଡ ଟ୍ରମ୍ପ୍‌ଙ୍କ ଅସଲ ମୁଖା ଖୋଲିଲା: ହ୍ୱାଇଟ୍ ହାଉସରେ ଦୁଇ ଜିହାଦୀ ସଦସ୍ୟ

ୱାଶିଂଟନ: ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ସରକାରରେ ଦୁଇ ଜଣ ପୂର୍ବତନ ଜିହାଦୀଙ୍କୁ ବଡ଼ ଦାୟିତ୍ୱ ଦିଆଯାଇଛି। ସେମାନଙ୍କ ନାମ ହେଉଛି ଇସମାଇଲ୍ ରୋୟର ଏବଂ ଶେଖ୍ ହମଜା ୟୁସୁଫ୍। ତାଙ୍କ ବିରୁଦ୍ଧରେ ୨୦୦୦ ମସିହାରେ ପାକିସ୍ତାନରେ ଲସ୍କର-ଏ-‌ତୋଇବାର ତାଲିମ ଶିବିରକୁ ଯାଇଥିବାର ଅଭିଯୋଗ ଅଛି।

ବର୍ତ୍ତମାନ ତାଙ୍କୁ ହ୍ୱାଇଟ୍ ହାଉସ୍ ବୋର୍ଡର ସଦସ୍ୟ ଭାବରେ ନିଯୁକ୍ତ କରାଯାଇଛି। ଏହା ଦ୍ବାରା ଟ୍ରମ୍ପ୍‌ଙ୍କ ମୁଖା ଖୋଲି ଅସଲ ଚେହେରା ବାହାରେ ପ୍ରକାଶ ପାଇଥିବା ନେଇ ଚର୍ଚ୍ଚା ହେଉଛି।

ଆମେରିକୀୟ ତଦନ୍ତକାରୀ ସାମ୍ବାଦିକ ଲୌରା ଲୁମରଙ୍କ ରିପୋର୍ଟ ଅନୁଯାୟୀ, ହ୍ୱାଇଟ୍ ହାଉସର ସରକାରୀ ୱେବସାଇଟରେ ଘୋଷଣା କରାଯାଇଥିବା ହ୍ୱାଇଟ୍ ହାଉସର ପରାମର୍ଶଦାତା ବୋର୍ଡରେ ଦୁଇଜଣ ପୂର୍ବତନ ଜିହାଦୀଙ୍କୁ ନିଯୁକ୍ତ କରାଯାଇଛି। ଇସମାଇଲ ରୋୟର ଏବଂ ଜାଇତୁନା କଲେଜର ସହ-ପ୍ରତିଷ୍ଠାତା ଶେଖ ହମଜା ୟୁସୁଫ, ଉଭୟଙ୍କର ଇସଲାମିକ ଜିହାଦୀଙ୍କ ସହ ସମ୍ପର୍କ ସତ୍ତ୍ୱେ ସେମାନଙ୍କୁ ତାଲିକାରେ ସାମିଲ କରାଯାଇଛି।

ସେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ପୋଷ୍ଟ କରି କହିଛନ୍ତି, ଆମେରିକୀୟମାନଙ୍କୁ ଟାର୍ଗେଟ କରି ଆତଙ୍କବାଦୀ କାର୍ଯ୍ୟକଳାପ ପାଇଁ ୨୦ ବର୍ଷ ଜେଲରେ ଥିବା ଜେହାଦୀ ଇସମାଇଲ ରୋୟରଙ୍କୁ ଆଜି ହ୍ୱାଇଟ୍ ହାଉସ୍ ପରାମର୍ଶଦାତା ବୋର୍ଡ ଅଫ୍ ଲେଡ୍ ଲିଡର୍‌ର ସଦସ୍ୟ ଭାବରେ ମନୋନୀତ କରାଯାଇଥିବା ଘୋଷଣା ମୁଁ ସ୍ୱତନ୍ତ୍ର ଭାବରେ ରିପୋର୍ଟ କରିଛି। ମୁଁ ଆପଣଙ୍କୁ ଏହା ଜଣାଇ ଦୁଃଖର ସହ କହୁଛି ଯେ, ଶେଖ୍ ହମଜା ୟୁସୁଫ୍ ମଧ୍ୟ ଜଣେ ଜିହାଦୀ ଯିଏ ଜିହାଦର ପ୍ରକୃତ ପରିଭାଷା ବିଷୟରେ ମିଥ୍ୟା କହିଛନ୍ତି ଏବଂ ମୁସଲିମ୍ ବ୍ରଦରହୁଡ୍ ଏବଂ ହମାସ ସହିତ ଜଡିତ।

ସେ କହିଛନ୍ତି ଯେ, ୯/୧୧ ଘଟଣାର ଦୁଇ ଦିନ ପୂର୍ବରୁ, ୟୁସୁଫ୍ ଜଣେ ପୁଲିସ ଅଧିକାରୀଙ୍କ ହତ୍ୟା ପାଇଁ ବିଚାରାଧୀନ ଜମିଲ ଅଲ୍ ଅମିନଙ୍କ ପାଇଁ ଏକ ପାଣ୍ଠି ସଂଗ୍ରହ କାର୍ଯ୍ୟକ୍ରମରେ ଭାଷଣ ଦେଇଥିଲେ। ତାଙ୍କ ଭାଷଣ ସମୟରେ ୟୁସେଫ୍ ଆମେରିକାକୁ ଏକ ଜାତିଭେଦବାଦୀ ଦେଶ ବୋଲି ଅଭିଯୋଗ କରିଥିଲେ ଏବଂ ଆଲ-ଅମିନଙ୍କୁ ଫସାଇ ଦିଆଯାଇଛି ବୋଲି ଅଭିଯୋଗ କରିଥିଲେ।

ପରବର୍ଷ ଆଲ-ଅମିନଙ୍କୁ ହତ୍ୟା ପାଇଁ ଦୋଷୀ ସାବ୍ୟସ୍ତ କରାଯାଇଥିଲା। ୟୁସେଫ ଏହା ମଧ୍ୟ କହିଥିଲେ ଯେ, ୧୯୯୦ ମସିହାରେ ନ୍ୟୁୟର୍କର ଐତିହାସିକ ସ୍ଥାନ ଉପରେ ବୋମା ବିସ୍ଫୋରଣ ଷଡ଼ଯନ୍ତ୍ର କରିବା ପାଇଁ ଦୋଷୀ ସାବ୍ୟସ୍ତ ହୋଇଥିବା ଶେଖ ଓମାର ଅବଦେଲ ରହମାନଙ୍କ ବିରୁଦ୍ଧରେ ଅନ୍ୟାୟ ଭାବରେ ବିଚାର କରାଯାଇଥିଲା।

ଆମେରିକୀୟ ତଦନ୍ତକାରୀ ସାମ୍ବାଦିକ ଲୌରା ଲୁମରଙ୍କ ଅନୁଯାୟୀ, ମୁସଲିମ ବ୍ରଦରହୁଡ୍ ହମାସ ଜିହାଦୀ ଇସମାଇଲ୍ ରୋୟର, ଯିଏ ଏକ ଆତଙ୍କବାଦୀ ଶିବିରରେ ତାଲିମ ନେବା ପାଇଁ ପାକିସ୍ତାନ ଯାତ୍ରା କରିଥିଲେ ଏବଂ ଆମେରିକା ଉପରେ ଆକ୍ରମଣ କରିବା ପାଇଁ ଇସଲାମିକ୍ ଆତଙ୍କବାଦୀଙ୍କୁ ତାଲିମ ଦେଇଥିବା ଭର୍ଜିନିଆ ଜିହାଦୀ ନେଟୱାର୍କର ଅଂଶ ଥିଲେ। ଏହା ଏଫବିଆଇ ଦ୍ୱାରା ତଦନ୍ତ କରାଯାଇଥିଲା।  ତେବେ ଘୋଷଣା ଅନୁଯାୟୀ, ହ୍ୱାଇଟ୍ ହାଉସ୍ ପରାମର୍ଶଦାତା ବୋର୍ଡ ଅଫ୍ ଲେ ଲିଡର୍ସରେ ତାଙ୍କର ନାମ ଅଛି।

ଅଧିକ ପଢ଼ନ୍ତୁ: ୭ଦଳ ୫୯ ସଦସ୍ୟ: ୩୩ ଦେଶରେ ଖୋଲିବେ ପାକିସ୍ତାନର ଆତଙ୍କବାଦ ମୁଖା, ଜାଣନ୍ତୁ କେଉଁ ଗ୍ରୁପରେ କିଏ ଅଛନ୍ତି...

ଲୌରା ଲୁମର ଆହୁରି କହିଛନ୍ତି ଯେ, ୨୦୦୩ ମସିହାରେ, ରୋୟରଙ୍କୁ ଆତଙ୍କବାଦ ସମ୍ବନ୍ଧୀୟ ଅଭିଯୋଗରେ ଅଭିଯୁକ୍ତ କରାଯାଇଥିଲା। ଯେଉଁଥିରେ ଆମେରିକା ବିରୁଦ୍ଧରେ ଯୁଦ୍ଧ କରିବାର ଷଡଯନ୍ତ୍ର ଏବଂ ଅଲ-କାଏଦା ଏବଂ ଲସ୍କରକୁ ସାହାଯ୍ୟ କରିବା ଅଭିଯୋଗ ଆଦି ଅନ୍ତର୍ଭୁକ୍ତ ଥିଲା। ସେ ୨୦୦୪ ମସିହାରେ ବିସ୍ଫୋରକ ବ୍ୟବହାରରେ ସହାୟତା ଏବଂ ପ୍ରୋତ୍ସାହନ ଦେବା ପାଇଁ ଦୋଷୀ ସାବ୍ୟସ୍ତ ହୋଇଥିଲେ। ଯାହା ପାଇଁ ତାଙ୍କୁ ୨୦ ବର୍ଷ ଜେଲଦଣ୍ଡ ଦିଆଯାଇଥିଲା।  ସେ ୧୩ ବର୍ଷ ଜେଲରେ ବିତାଇଛନ୍ତି।

ସେ କହିଛନ୍ତି ଯେ, ଆଜି ହ୍ୱାଇଟ୍ ହାଉସ୍ ନିଜ ୱେବସାଇଟରେ ଘୋଷଣା କରିଛି, ଟ୍ରମ୍ପ ପ୍ରଶାସନ ନିଜର ଧାର୍ମିକ ସ୍ୱାଧୀନତା କମିସନର ପରାମର୍ଶଦାତା ବୋର୍ଡର ସଦସ୍ୟମାନଙ୍କୁ ନାମିତ କରିଛନ୍ତି। ଏହା ସମ୍ଭବତଃ ରାଷ୍ଟ୍ରପତି ଟ୍ରମ୍ପ୍‌ଙ୍କ ଦ୍ୱାରା ନୁହେଁ ବରଂ ତାଙ୍କ କର୍ମଚାରୀମାନଙ୍କ ଦ୍ୱାରା କରାଯାଇଛି। ମୁଁ ସନ୍ଦେହ କରୁଛି ଯେ, ରାଷ୍ଟ୍ରପତି ଟ୍ରମ୍ପ୍ ଏଥିରେ ସାମିଲ ଥିଲେ।

ଅଧିକ ପଢ଼ନ୍ତୁ: କନେଷ୍ଟବଳଙ୍କୁ ମଦ୍ୟପଙ୍କ ଆକ୍ରମଣ ଅଭିଯୋଗ, ଦୁଇ ଯୁବକ ଅଟକ

USA | donald-trump | white-house