ସିଦ୍ଧରମୈୟାଙ୍କ ବିରୋଧରେ ମାମଲା ରୁଜ୍ଜୁ କଲା ଇଡି

ବେଙ୍ଗାଲୁରୁ : କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ସମସ୍ୟା ବଢିଚାଲିଛି। ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ସିଦ୍ଧରମୈୟାଙ୍କ ବିରୋଧରେ ମାମଲା ରୁଜୁ କରିଛି। ଗତ ସପ୍ତାହରେ କର୍ଣ୍ଣାଟକ ଲୋକାୟୁକ୍ତ ମୁଖ୍ୟମନ୍ତ୍ରୀ ଏବଂ ଅନ୍ୟମାନଙ୍କ ବିରୋଧରେ ଠକେଇ ଏବଂ ଅନ୍ୟାନ୍ୟ ଧାରାରେ ମାମଲା ରୁଜୁ କରିଥିଲେ। ଏହି ମାମଲା ମୈସୁର ନଗର ଉନ୍ନୟନ କର୍ତ୍ତୃପକ୍ଷ (ମୁଡା) ପ୍ଲଟ୍ ଆବଣ୍ଟନ ସହ ଜଡ଼ିତ। ଅଦାଲତଙ୍କ ନିର୍ଦ୍ଦେଶ ପରେ ମୁଖ୍ୟମନ୍ତ୍ରୀ ସିଦ୍ଧରମୈୟା ଓ ଅନ୍ୟମାନଙ୍କ ବିରୋଧରେ ମାମଲା ରୁଜୁ ହୋଇଛି।

ସିଦ୍ଧରମୈୟା ତାଙ୍କ ପତ୍ନୀ ବିଏମ୍ ପାର୍ବତୀଙ୍କୁ ମୁଡା ପକ୍ଷରୁ ୧୪ଟି ଜାଗା ଆବଣ୍ଟନରେ ଅନିୟମିତତା ହୋଇଥିବା ଅଭିଯୋଗ ହୋଇଛି। ଅଭିଯୋଗ ହୋଇଛି ଯେ ୨୦୧୧ରେ କର୍ଣ୍ଣାଟକ ମୁଖ୍ୟମନ୍ତ୍ରୀଙ୍କ ପତ୍ନୀଙ୍କୁ ମହୀଶୂର ନଗର ଉନ୍ନୟନ କର୍ତ୍ତୃପକ୍ଷ ସମସ୍ତ ନିୟମ ଉଲ୍ଲଂଘନ କରି ୧୪ଟି ଆବାସ ସ୍ଥଳ ଦେଇଥିଲେ।

ସିଦ୍ଧରମୈୟା ତାଙ୍କ ପତ୍ନୀ ବିଏମ୍ ପାର୍ବତୀଙ୍କୁ ମୁଡା ପକ୍ଷରୁ ୧୪ଟି ଜାଗା ଆବଣ୍ଟନରେ ଅନିୟମିତତା ହୋଇଥିବା ଅଭିଯୋଗ ହୋଇଛି। ଅଭିଯୋଗ ହୋଇଛି ଯେ ୨୦୧୧ରେ କର୍ଣ୍ଣାଟକ ମୁଖ୍ୟମନ୍ତ୍ରୀଙ୍କ ପତ୍ନୀଙ୍କୁ ମହୀଶୂର ନଗର ଉନ୍ନୟନ କର୍ତ୍ତୃପକ୍ଷ ସମସ୍ତ ନିୟମ ଉଲ୍ଲଂଘନ କରି ୧୪ଟି ଆବାସ ସ୍ଥଳ ଦେଇଥିଲେ। ରାଜ୍ୟରେ ବିରୋଧୀ ଭାରତୀୟ ଜନତା ପାର୍ଟି ଏହି ପ୍ରସଙ୍ଗରେ ଲଗାତାର ବିକ୍ଷୋଭ ପ୍ରଦର୍ଶନ କରୁଛି ଏବଂ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ଇସ୍ତଫା ଦାବି କରୁଛି।

ଲୋକାୟୁକ୍ତଙ୍କ ଦ୍ୱାରା ରୁଜୁ ହୋଇଥିବା ମାମଲାରେ ସିଦ୍ଧରମୈୟାଙ୍କୁ ଏକ ନମ୍ବର ଅଭିଯୁକ୍ତ କରାଯାଇଥିବାବେଳେ, ତାଙ୍କ ପତ୍ନୀ ବିଏମ୍ ପାର୍ବତୀଙ୍କୁ ୨ ନମ୍ବର, ତାଙ୍କ ଭିଣୋଇ ମଲ୍ଲିକାର୍ଜୁନ ସ୍ୱାମୀ ଙ୍କୁ ୩ ନମ୍ବର ଏବଂ ଦେବରାଜୁଙ୍କୁ ଅଭିଯୁକ୍ତ କରାଯାଇଛି, ଯେଉଁମାନଙ୍କଠାରୁ ମଲ୍ଲିକାର୍ଜୁନ ସ୍ୱାମୀ ଜମି କିଣି ପାର୍ବତୀଙ୍କୁ ଉପହାର ଦେଇଥିଲେ, ତାଙ୍କୁ ୪ ନମ୍ବର ଅଭିଯୁକ୍ତ କରାଯାଇଛି।

କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟା କହିଛନ୍ତି ଯେ ମୁଡା ପ୍ରସଙ୍ଗରେ ତାଙ୍କୁ ଟାର୍ଗେଟ କରାଯାଉଛି କାରଣ ବିରୋଧୀ ତାଙ୍କୁ ଡରୁଛନ୍ତି । ଏହା ତାଙ୍କ ବିରୋଧରେ ଏକ ଷଡ଼ଯନ୍ତ୍ର ବୋଲି ମଧ୍ୟ ସେ କହିଛନ୍ତି ।