ପେଟିଏମରେ ୬୧୧ କୋଟିର ଅନିୟମିତତା ଅଭିଯୋଗ, ନୋଟିସ ଜାରି କଲା ଇଡି

ନୂଆଦିଲ୍ଲୀ : ବୈଦେଶିକ ମୁଦ୍ରା ପରିଚାଳନା ଆଇନ (ଫେମା), ୧୯ର ଉଲ୍ଲଂଘନ ପାଇଁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ୱାନ୍୯୭ କମ୍ୟୁନିକେସନ୍ ଲିମିଟେଡ୍ (ପେଟିଏମର ମୂଳ କମ୍ପାନୀ) ଏବଂ ଏହାର ପରିଚାଳନା ନିର୍ଦ୍ଦେଶକଙ୍କ ସମେତ ଅନ୍ୟାନ୍ୟ ସଂପୃକ୍ତ କମ୍ପାନିଗୁଡ଼ିକୁ କାରଣ ଦର୍ଶାଅ ନୋଟିସ୍ (ଏସସିଏନ୍) ଜାରି କରିଛି। ଏହି ମାମଲାରେ ସମୁଦାୟ ୬୧୧ କୋଟି ଟଙ୍କାର ଅନିୟମିତତା ହୋଇଥିବା ଅଭିଯୋଗ ହୋଇଛି।

ଇଡିର ଅନୁସନ୍ଧାନରୁ ଜଣାପଡିଛି ଯେ ୱାନ୍୯୭ କମ୍ୟୁନିକେସନ୍ ଲିମିଟେଡ୍ (ଓସିଏଲ୍) ସିଙ୍ଗାପୁରରେ ବିଦେଶୀ ପୁଞ୍ଜିନିବେଶ କରିଥିଲା କିନ୍ତୁ ଆବଶ୍ୟକ ଅନୁଯାୟୀ ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ)କୁ ରିପୋର୍ଟ କରିନଥିଲା। ଏହାବ୍ୟତୀତ କମ୍ପାନୀ ବିଦେଶୀ ନିବେଶକଙ୍କଠାରୁ ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ (ଏଫଡିଆଇ) ପାଇଥିଲେ ମଧ୍ୟ ଆରବିଆଇ ଦ୍ୱାରା ଧାର୍ଯ୍ୟ  ନିୟମପାଳନ କରିନଥିଲା ।

ଇଡିର ଅନୁସନ୍ଧାନରୁ ଜଣାପଡିଛି ଯେ ୱାନ୍୯୭ କମ୍ୟୁନିକେସନ୍ ଲିମିଟେଡ୍ (ଓସିଏଲ୍) ସିଙ୍ଗାପୁରରେ ବିଦେଶୀ ପୁଞ୍ଜିନିବେଶ କରିଥିଲା କିନ୍ତୁ ଆବଶ୍ୟକ ଅନୁଯାୟୀ ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ)କୁ ରିପୋର୍ଟ କରିନଥିଲା। ଏହାବ୍ୟତୀତ କମ୍ପାନୀ ବିଦେଶୀ ନିବେଶକଙ୍କଠାରୁ ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ (ଏଫଡିଆଇ) ପାଇଥିଲେ ମଧ୍ୟ ଆରବିଆଇ ଦ୍ୱାରା ଧାର୍ଯ୍ୟ  ନିୟମପାଳନ କରିନଥିଲା ।

ଇଡି ଏହି ନୋଟିସ୍ ଜାରି କରି ଫେମା, ୧୯ ଅଧୀନରେ ବିଚାର (ନ୍ୟାୟିକ ପ୍ରକ୍ରିୟା) ଆରମ୍ଭ କରିବାକୁ ପ୍ରସ୍ତୁତ ହେଉଛି। ଯଦି ତଦନ୍ତରେ ଉଲ୍ଲଂଘନ ପ୍ରମାଣିତ ହୁଏ, ତେବେ ଏହି କମ୍ପାନୀଗୁଡ଼ିକ ଉପରେ ପ୍ରବଳ ଜରିମାନା ଆଦାୟ କରାଯାଇପାରେ।