ଭୁପେଶ ବଘେଲଙ୍କ ଘରୁ ଚଢଉ ସାରି ଫେରୁଥିବାବେଳେ ଇଡି ଅଧିକାରୀଙ୍କ ଉପରେ ଆକ୍ରମଣ

ଭିଲାଇ: ସୋମବାର (ଅଗଷ୍ଟ ୧୦) ଛତିଶଗଡ଼ର ଭିଲାଇରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)ର ଏକ ଟିମ୍ ଉପରେ ଆକ୍ରମଣ ହୋଇଛି। ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କ ବାସଭବନରୁଚଢ଼ଉ ପରେ ଟିମ୍ ଘରୁ ବାହାରକୁ ଯାଉଥିବା ବେଳେ କିଛି ବ୍ୟକ୍ତି ସେମାନଙ୍କୁ ଆକ୍ରମଣ କରିଥିଲେ। ଏବେ ଇଡି ଏହି ମାମଲାରେ ମାମଲା ରୁଜୁ କରିବ ବୋଲି ସୂଚନା ମିଳିଛି।

 ସେପଟେ କଂଗ୍ରେସ କର୍ମୀ ଓ ବଘେଲଙ୍କ ସମର୍ଥକମାନେ ଘର ବାହାରେ ବିକ୍ଷୋଭ ପ୍ରଦର୍ଶନ କରିଥିଲେ। ଏହାପରେ କିଛି ଅଜଣା ବ୍ୟକ୍ତି ଦଳ ଉପରେ ଆକ୍ରମଣ କରିଥିଲେ। ପ୍ରାଥମିକ ସୂଚନା ଅନୁଯାୟୀ, ଇଡି ଟିମ୍ ଉପରେ ଇଟା ଓ ପଥରରେ ଆକ୍ରମଣ କରାଯାଇଥିଲା। ଟିମ୍ ର ଗାଡ଼ିର ଆଗ ଓ ପଛ ପଟୁ ବଡ଼ ବଡ଼ ପଥର ଫିଙ୍ଗିଥିବା ସୂଚନା ମିଳିଛି। ଏଥିରେ କାରର କାଚ ଭାଙ୍ଗିଯାଇଛି । ତେବେ ଏଥିରେ ଅଧିକାରୀମାନଙ୍କର କୌଣସି କ୍ଷୟକ୍ଷତି ନେଇ କୌଣସି ସୂଚନା ମିଳିନାହିଁ।

ମଦ ଦୁର୍ନୀତିରେ ଭୂପେଶଙ୍କ ପୁଅ ଅଭିଯୁକ୍ତ

ଛତିଶଗଡ଼ର ଦୁର୍ଗ ଜିଲ୍ଲାରେ ମଦ ଦୁର୍ନୀତି ସଂକ୍ରାନ୍ତ ୧୪ଟି ସ୍ଥାନରେ ସର୍ଚ୍ଚ ଅପରେସନ କରାଯାଇଥିଲା। ଏଥିରେ ଭୂପେଶ ବାଘେଲଙ୍କ ପୁଅ ଚୈତନ୍ୟ ବଘେଲ ଏବଂ ତାଙ୍କ ଘନିଷ୍ଠ ସହଯୋଗୀ ଲକ୍ଷ୍ମୀ ନାରାୟଣ ବଂଶଲ ଓରଫ ପପୁ ବଂଶଲଙ୍କ ଘର ଥିଲା। ମଦ ଦୁର୍ନୀତିରେ ପ୍ରାୟ ୨୧୬୧ କୋଟି ଟଙ୍କା ହଡ଼ପ ହୋଇଥିବା ଇଡି କହିଛି। ବିଭିନ୍ନ ଯୋଜନା ମାଧ୍ୟମରେ ବେଆଇନ ଭାବେ ଏହି ଟଙ୍କା ହଡ଼ପ କରାଯାଇଥିଲା ଏବଂ ଚୈତନ୍ୟ ବାଘେଲ ଏହି ଟଙ୍କା ପାଇଥିବା ଲୋକଙ୍କ ମଧ୍ୟରେ ଥିଲେ।