ଗୃହ ମନ୍ତ୍ରାଳୟକୁ ନେଇ ବିଜେପି-ଶିବସେନା ମଧ୍ୟରେ ଟଣାଓଟରା

ମୁମ୍ବାଇ : ମହାରାଷ୍ଟ୍ରରେ ମହାୟୁତିର ନୂଆ ସରକାର ଗଠନ ପାଇଁ କାଉଣ୍ଟଡାଉନ ଆରମ୍ଭ ହୋଇଯାଇଛି । ଡିସେମ୍ବର ୫ତାରିଖରେ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହେବ। ଇତି ମଧ୍ୟରେ ଏହା ମଧ୍ୟ ସ୍ପଷ୍ଟ ହୋଇଯାଇଛି ଯେ ମୁଖ୍ୟମନ୍ତ୍ରୀ ବିଜେପିରୁ ହିଁ ହେବେ । ଏ ନେଇ ମହାଯୁତିର ୩ ଦଳ ବିଜେପି, ଶିବସେନା ଓ ଏନସିପି ମଧ୍ୟରେ ଏକରକମ ସହମତି ସୃଷ୍ଟି ହୋଇଛି । 

ଏହା ସତ୍ତ୍ବେ ସରକାର ଗଠନ କ୍ଷେତ୍ରରେ ଆଉ ଏକ ସମସ୍ୟା ଦେଖାଦେଇଛି । ମିଳିଥିବା ସୂଚନା ଅନୁସାରେ ଗୃହ ବିଭାଗକୁ ନେଇ ବିଜେପି ଓ ଶିବସେନା ମଧ୍ୟରେ ମତଭେଦ ରହିଛି । ଏକନାଥ ସିନ୍ଦେ ଗୃହ ବିଭାଗ ମାଗୁଥିବାବେଳେ ବିଜେପି ସେଥିପାଇଁ ରାଜି ହେଉନାହିଁ । ଏହି ବିଭାଗକୁ ନିଜ ପାଖରେ ରଖିବାକୁ ଚାହୁଁଛି ବିଜେପି । 

ଏକନାଥ ସିନ୍ଦେଙ୍କ ଶିବସେନା କହିଛି ଯେ ଯେତେବେଳେ ଦେବେନ୍ଦ୍ର ଫଡନବୀସ ଡେପୁଟି ସିଏମ ଥିଲେ ସେତେବେଳେ ସେ ଗୃହ ମନ୍ତ୍ରାଳୟ ଦାୟିତ୍ୱରେ ଥିଲେ । ସେହି ଅନୁଯାୟୀ ଯଦି ସିନ୍ଦେ ଡେପୁଟି ସିଏମ୍ ହୁଅନ୍ତି, ତେବେ ଗୃହ ବିଭାଗ ତାଙ୍କ ସହ ରହିବା ଉଚିତ। କିନ୍ତୁ ଏଥିପାଇଁ ବିଜେପି ପ୍ରସ୍ତୁତ ନଥିବା ସୂତ୍ରରୁ ଜଣାପଡ଼ିଛି। 

ଏକନାଥ ସିନ୍ଦେଙ୍କ ଶିବସେନା କହିଛି ଯେ ଯେତେବେଳେ ଦେବେନ୍ଦ୍ର ଫଡନବୀସ ଡେପୁଟି ସିଏମ ଥିଲେ ସେତେବେଳେ ସେ ଗୃହ ମନ୍ତ୍ରାଳୟ ଦାୟିତ୍ୱରେ ଥିଲେ । ସେହି ଅନୁଯାୟୀ ଯଦି ସିନ୍ଦେ ଡେପୁଟି ସିଏମ୍ ହୁଅନ୍ତି, ତେବେ ଗୃହ ବିଭାଗ ତାଙ୍କ ସହ ରହିବା ଉଚିତ। କିନ୍ତୁ ଏଥିପାଇଁ ବିଜେପି ପ୍ରସ୍ତୁତ ନଥିବା ସୂତ୍ରରୁ ଜଣାପଡ଼ିଛି। 

ସୂତ୍ରଅନୁସାରେ ଶିବସେନାକୁ ନଗର ଉନ୍ନୟନ ଓ ଏମଏସଆରଡିସି ବିଭାଗ ମିଳିପାରେ। ଶିବସେନା ମଧ୍ୟ ମହାରାଷ୍ଟ୍ରର ୧୦ରୁ ଅଧିକ ସହରରେ ପାଳକ ମନ୍ତ୍ରୀ ( ଗାର୍ଜିଆନ ମିନିଷ୍ଟର) ପଦବୀ ଦାବି କରିଛି।