ଫଡନାଭିସ୍‌ଙ୍କ ନୂଆ କ୍ୟାବିନେଟ: ଶପଥ ଗ୍ରହଣ ଅପରାହ୍ନ ୪ଟାରେ, ତାଲିକାରେ ୩ ମହିଳା

ମୁମ୍ବାଇ: ମହାରାଷ୍ଟ୍ରରେ ଏକ ନୂତନ ସରକାର ଗଠନ କରାଯାଇଛି। ବର୍ତ୍ତମାନ ସିଏମ୍ ଦେବେନ୍ଦ୍ର ଫଡନାଭିସ୍‌ଙ୍କ ନୂତନ କ୍ୟାବିନେଟକୁ ସମ୍ପ୍ରସାରଣ କରାଯିବ, ଯେଉଁଥିପାଇଁ ପ୍ରସ୍ତୁତି ଶେଷ ହୋଇଛି।

ମହାରାଷ୍ଟ୍ର ସରକାରଙ୍କ ନେତୃତ୍ୱାଧୀନ ବିଜେପିର କ୍ୟାବିନେଟ ସମ୍ପ୍ରସାରଣ ୧୫ ଡିସେମ୍ବର ରବିବାର ହେବ। ଅପରାହ୍ନ ୪ ଟାରେ ନାଗପୁରରେ ଆୟୋଜିତ ଏକ ସମାରୋହରେ ନୂତନ ମନ୍ତ୍ରୀମାନେ ଶପଥ ଗ୍ରହଣ କରିବେ। ବିଜେପିର ଜଣେ ବରିଷ୍ଠ ନେତା କହିଛନ୍ତି ଯେଳ ୩୦-୩୨ ମନ୍ତ୍ରୀ ଶପଥ ଗ୍ରହଣ କରିବାର ସମ୍ଭାବନା ରହିଛି।

ଏହାପରେ ରାଜ୍ୟ ବିଧାନସଭାର ସପ୍ତାହବ୍ୟାପୀ ଶୀତ ଅଧିବେଶନ ଡିସେମ୍ବର ୧୬ ସୋମବାର ଠାରୁ ନାଗପୁରରେ ଆରମ୍ଭ ହେବ। ଦେବେନ୍ଦ୍ର ଫଡନାଭିସଙ୍କ ନୂତନ କ୍ୟାବିନେଟ ପାଇଁ ରବିବାର ଶପଥ ଗ୍ରହଣ କରିବାକଥିବା ବିଧାୟକଙ୍କ ପାଖକୁ ଫୋନ୍ କଲ୍ ଯାଇଛି। 

ମହାରାଷ୍ଟ୍ର କ୍ୟାବିନେଟ ସମ୍ପ୍ରସାରଣ ଉପରେ ବିଜେପି ନେତା ମାଧୁରୀ ମିସାଲ କହିଛନ୍ତି, "ମୁଁ ଜାଣିବାକୁ ପାଇଲି ଯେ, ମୋର ନାମ ତାଲିକାରେ ଅଛି। ଆମେ ଅପରାହ୍ନ ୪ ଟାରେ ଶପଥ ଗ୍ରହଣ କରିବୁ। ଆମ ସରକାର ସର୍ବଦା ମହିଳାଙ୍କୁ ସମ୍ମାନ ଦେଇ ଆସୁଛନ୍ତି। ଲାଡଲି ବହେନ ଯୋଜନା ମାଧ୍ୟମରେ ସମଗ୍ର ରାଜ୍ୟର  ମହିଳାମାନେ ସମ୍ମାନ ପାଇବାକୁ ଯାଉଛନ୍ତି ଏବଂ ୩ ମହିଳାଙ୍କ ନାମ ମଧ୍ୟ ସମାଜରେ ସମ୍ମାନ ପାଇବାକୁ ଯାଉଛି, ଦଳର ନେତୃତ୍ୱ ଆମକୁ ଯାହା ଦାୟିତ୍ବ ଦେବେ ତାହା ଆମେ ପୂରଣ କରିବୁ।

ମହାରାଷ୍ଟ୍ର କ୍ୟାବିନେଟ ସମ୍ପ୍ରସାରଣ ଉପରେ ବିଜେପି ନେତା ଗିରିଶ ମହାଜନ କହିଛନ୍ତି, ଦଳର ସର୍ବୋଚ୍ଚ ନେତୃତ୍ୱ, ଆମ ଅଧ୍ୟକ୍ଷ ଦେବେନ୍ଦ୍ର ଫଡନାଭିସ୍‌ଙ୍କୁ ମୁଁ କୃତଜ୍ଞତା ଜଣାଉଛି। ମୋତେ ମନ୍ତ୍ରୀ ଭାବରେ ଶପଥ ନେବାକୁ ପଡିବ ବୋଲି ମୁଁ ଫୋନ୍ କଲ୍ ପାଇଛି। ଏଥିପାଇଁ ସମସ୍ତ ଅଧିକାରୀଙ୍କ ନିକଟରେ ମୁଁ କୃତଜ୍ଞ । ମୋତେ ଅପରାହ୍ନ ୪ ଟାରେ ଶପଥ ନେବାକୁ କୁହାଯାଇଛି।

ଅଧିକ ପଢ଼ନ୍ତୁ: ଚାମ୍ପିଅନ୍ସ ଟ୍ରଫି ହାଇବ୍ରିଡ ମଡେଲରେ କରିବାକୁ ସହମତି ନେଇ ପିସିବିରେ କନ୍ଦଳ

ନାଗପୁରର ଶିବସେନା ସିନ୍ଦେ ଦଳର ନେତା ଯୋଗେଶ କଦମ କହିଛନ୍ତି, ମୁଁ ସେବା କରିବାର ସୁଯୋଗ ପାଇବି। ଏକନାଥ ସିନ୍ଦେ ମୋତେ ସୁଯୋଗ ଦେଇଛନ୍ତି, ଏଥିପାଇଁ ମୁଁ ତାଙ୍କୁ ଧନ୍ୟବାଦ ଜଣାଉଛି। ମୋତେ ଦିଆଯାଇଥିବା ଦାୟିତ୍ବ ମୁଁ ପୂରଣ କରିବି। 

ଶପଥ ଗ୍ରହଣ ପାଇଁ ଫୋନ୍ କଲ୍ ଯାଇଥିବା ବିଜେପି ନେତା

୧-ନୀତୀଶ ରାଣେ 
୨-ଶିବେନ୍ଦ୍ରରାଜ ଭୋସଲେ 
୩-ଚନ୍ଦ୍ରକାନ୍ତ ପାଟିଲ 
୪-ପଙ୍କଜ ଭୋୟର
୫-ମଙ୍ଗଲପ୍ରଭାତ ଲିଢ଼ା 
୬-ଗିରିଶ ମହାଜନ 
୭-ଜୟକୁମାର ରାୱଲ 
୮-ପଙ୍କଜା ମୁଣ୍ଡେ
୯-ରାଧାକୃଷ୍ଣ ଭିଖେ ପାଟିଲ

ଶପଥ ଗ୍ରହଣ ପାଇଁ ଫୋନ୍ କଲ୍ ଯାଇଥିବା  ଏନସିପି ନେତା

୧- ଆଦିତ୍ୟ ତଟକରେ
୨-ବାବାସାହେବ ପାଟିଲ୍
୩-ଦତ୍ତମାମା ଭରଣେ
୪- ହସନ୍ ମୁଶ୍ରିଫ୍
୫- ନରହରୀ ଝିରୱାଲ୍ 

ଏକନାଥ ସିନ୍ଦେଙ୍କ ଦଳର ପାଞ୍ଚଜଣ ପୁରୁଣା ମନ୍ତ୍ରୀଙ୍କୁ  ପୁଣି ସୁଯୋଗ 

୧-ଉଦୟ ସାମନ୍ତ, କୋଙ୍କଣ 
୨-ଶମ୍ଭୁରାଜେ ଦେଶାଇ, ପଶ୍ଚିମ ମହାରାଷ୍ଟ୍ର 
୩-ଗୁଲାବରାଓ ପାଟିଲ, ଉତ୍ତର ମହାରାଷ୍ଟ୍ର
୪- ଦାଦା ଭୁସେ, ଉତ୍ତର ମହାରାଷ୍ଟ୍ର
୫-ସଞ୍ଜୟ ରାଠୋଡ, ବିଦର୍ଭ 

ଅଧିକ ପଢ଼ନ୍ତୁ: ଏକ ଦେଶ ଏକ ନିର୍ବାଚନ: ୨୦୩୪ ପର୍ଯ୍ୟନ୍ତ ଏକକାଳୀନ ନିର୍ବାଚନ ଅନୁଷ୍ଠିତ ହେବ ନାହିଁ