କୃଷକଙ୍କ ଆତ୍ମହତ୍ୟା

ଭୋପାଳ: ମଧ୍ୟପ୍ରଦେଶର ଜଣେ କୃଷକ ଋଣଭାର ସହିନପାରି ଆତ୍ମହତ୍ୟା କରିଦେବା ଘଟଣା କୃଷକଙ୍କ ମଧ୍ୟରେ ତୀବ୍ର ଅସନ୍ତୋଷ ସୃଷ୍ଟି କରିଛି। ହୋସାଙ୍ଗାବାଦ୍‌ଠାରୁ ୮୦ କିମି ଦୂର ଗଦାଘାଟର କୃଷକଙ୍କ ବ୍ରଜମୋହନଙ୍କ ଉପରେ ୪ ଲକ୍ଷ ଟଙ୍କାର ଋଣଭାର ଥିଲା। ସେ କିସାନ୍‌ କାର୍ଡ ଯୋଜନା ଅଧୀନରେ ୪ ଲକ୍ଷ ଟଙ୍କାର ଋଣ ନେଇଥିଲେ। ଗତବର୍ଷ ସେ ଯେଉଁ ଶସ୍ୟ ବିକିଥିଲେ ତା’ର ମୂଲ୍ୟ ମଧ୍ୟ ଏଯାବତ୍‌ ପାଇନଥିଲେ। ଘୋର ଆର୍ଥିକ ସଙ୍କଟ ଯୋଗୁଁ ବ୍ରଜମୋହନ ବିଷ ଖାଇ ଆତ୍ମହତ୍ୟା କରିଛନ୍ତି ବୋଲି ତାଙ୍କ ଭାଇ ମଦନଲାଲ୍‌ ପଟେଲ୍‌ କହିଛନ୍ତି।