ଭାରତ ଓ ପାକିସ୍ତାନ ସୀମା କିଛି ସମୟ ପାଇଁ ହୋଇଯାଇଥିଲା ସମ୍ପୂର୍ଣ୍ଣ ଅନ୍ଧକାରମୟ

ନୂଆଦିଲ୍ଲୀ: ପହଲଗାମରେ ଆତଙ୍କବାଦୀ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଯେକୌଣସି ପରିସ୍ଥିତିର ସାମ୍ନା କରିବା ପାଇଁ ଉଭୟ ଦେଶର ସେନା ସତର୍କତା ଅବଲମ୍ବନ କରିଛନ୍ତି।

ପାକିସ୍ତାନ ସମ୍ଭାବ୍ୟ ଆକ୍ରମଣକୁ ଭୟ କରୁଛି। ଯେଉଁ କାରଣରୁ ସେ ସୀମାବର୍ତ୍ତୀ ଅଞ୍ଚଳରେ ସେନା ମୁତୟନକୁ କ୍ରମାଗତ ଭାବରେ ବୃଦ୍ଧି କରିବାରେ ଲାଗିଛି।। ଭାରତ ମଧ୍ୟ ତାହାର ପ୍ରସ୍ତୁତିକୁ ଜୋରଦାର କରିଛି। 

ପଞ୍ଜାବର ଫିରୋଜପୁର ସୀମାନ୍ତ ଅଞ୍ଚଳରେ ମଇ ୪ ତାରିଖ ରାତି ୯:୦୦ ରୁ ରାତି ୯:୩୦ ପର୍ଯ୍ୟନ୍ତ ଅଧ ଘଣ୍ଟା ପାଇଁ ବ୍ଲାକଆଉଟ୍ ନିର୍ଦ୍ଦେଶ ଦିଆଯାଇଥିଲା। ଏହି ସମୟ ମଧ୍ୟରେ ସମଗ୍ର ଅଞ୍ଚଳରେ ବିଦ୍ୟୁତ୍ ସଂଯୋଗ ବନ୍ଦ ରହିଥିଲା। ଏଥିସହିତ ଜେନେରେଟର ଏବଂ ଇନଭର୍ଟର ବ୍ୟବହାର ମଧ୍ୟ ନିଷେଧ କରାଯାଇଥିଲା। 

ଏହି ନିର୍ଦ୍ଦେଶ ଫିରୋଜପୁର କ୍ୟାଣ୍ଟନମେଣ୍ଟ ବୋର୍ଡ/ଷ୍ଟେସନ କମାଣ୍ଡରଙ୍କ ଦ୍ୱାରା ଜାରି କରାଯାଇଛି। 
ନିର୍ଦ୍ଦେଶରେ କୁହାଯାଇଥିଲା ଯେ ମଇ ୪ ତାରିଖ (ରବିବାର) ରାତି ୯:୦୦ ରୁ ୯:୩୦ ପର୍ଯ୍ୟନ୍ତ ସମଗ୍ର କ୍ୟାଣ୍ଟନମେଣ୍ଟ ଅଞ୍ଚଳରେ ବ୍ଲାକଆଉଟ୍ ଅଭ୍ୟାସ କରାଯିବ।

ଯୁଦ୍ଧ ପରି ପରିସ୍ଥିତି ସମୟରେ ବ୍ଲାକଆଉଟ୍ ପ୍ରକ୍ରିୟାକୁ ପ୍ରଭାବଶାଳୀ ଭାବରେ କାର୍ଯ୍ୟକାରୀ କରିବା ପାଇଁ ପ୍ରସ୍ତୁତି ଏବଂ ସଚେତନତା ସୁନିଶ୍ଚିତ କରିବାକୁ ହୋଇଥାଏ।