ନିର୍ବାଚନରେ ​​ବିଦେଶୀ ହସ୍ତକ୍ଷେପ: ଇରାନ-ରୁଷିଆ ଉପରେ ଆମେରିକାର ପ୍ରତିବନ୍ଧକ

ୱାଶିଂଟନ: ଆମେରିକାରେ ଶେଷ ହୋଇଥିବା ରାଷ୍ଟ୍ରପତି ନିର୍ବାଚନରେ ​​ବିଦେଶୀ ହସ୍ତକ୍ଷେପ ମାମଲା ବାରମ୍ବାର ସାମ୍ନାକୁ ଆସିଛି। ଉଭୟ ଡେମୋକ୍ରାଟ୍ ଏବଂ ରିପବ୍ଲିକାନ୍ ପାର୍ଟି ଏହାକୁ ନେଇ ଉଦ୍‌ବେଗ ପ୍ରକାଶ କରିଛନ୍ତି। ଆମେରିକାର ସୁରକ୍ଷା ଏଜେନ୍ସିମାନେ ଏହା ସହ ଜଡିତ ଲୋକ ଏବଂ ଅନୁଷ୍ଠାନ ଉପରେ କ୍ରମାଗତ ଭାବରେ କଠୋର ଆଭିମୁଖ୍ୟ ଗ୍ରହଣ କରୁଛନ୍ତି। ଏନେଇ ନୂଆବର୍ଷର ପ୍ରଥମ ଦିନ ବୁଧବାର ଦିନ ଆମେରିକା ଇରାନ ଏବଂ ରୁଷିଆ ସହ ଜଡିତ ଦୁଇଟି ଗୋଷ୍ଠୀ ଉପରେ ପ୍ରତିବନ୍ଧକ ଲଗାଇଛି।

ନଭେମ୍ବର ଭୋଟ ପୂର୍ବରୁ ଆମେରିକୀୟମାନଙ୍କୁ ବିଭାଜନ କରିବାକୁ ଚେଷ୍ଟା କରୁଥିବା ଅଭିଯୋଗ କରି ଆମେରିକାର ଟ୍ରେଜେରୀ ଅଧିକାରୀମାନେ ବୁଧବାର ଏହି ପ୍ରତିବନ୍ଧକ ଘୋଷଣା କରିଛନ୍ତି। ଆମେରିକାର ଗୁପ୍ତଚର ଏଜେନ୍ସିମାନେ ନକଲି ଭିଡିଓ, ସମ୍ବାଦ କାହାଣୀ ଏବଂ ସୋସିଆଲ ମିଡିଆ ପୋଷ୍ଟ ସମେତ ରୁଷିଆ ଏବଂ ଇରାନକୁ ବିସ୍ତାର ସୂଚନା ଦେଇଥିବାର ଅଭିଯୋଗ କରିଛନ୍ତି।

ଆତଙ୍କବାଦ ନିରୋଧୀ ତଥା ଆର୍ଥିକ ଗୁପ୍ତଚର ଅଧିକାରୀ ବ୍ରାଡଲେ ଟି ସ୍ମିଥ ଏକ ବିବୃତିରେ କହିଛନ୍ତି ଯେ, ଇରାନ ଏବଂ ରୁଷିଆର ସରକାର ଆମର ନିର୍ବାଚନ ପ୍ରକ୍ରିୟା ତଥା ଅନୁଷ୍ଠାନକୁ ଟାର୍ଗେଟ କରିଛନ୍ତି ଏବଂ ଭୁଲ୍ ତଥ୍ୟ ମାଧ୍ୟମରେ ଆମେରିକାର ଲୋକଙ୍କୁ ବିଭାଜନ କରିବାକୁ ଚେଷ୍ଟା କରିଛନ୍ତି।

ଅଧିକାରୀମାନେ କହିଛନ୍ତି ଯେ, ମସ୍କୋ ଭିତ୍ତିକ ରୁଷିଆ ଗୋଷ୍ଠୀ ସେଣ୍ଟର ଫର ଜିଓପଲିଟିକାଲ୍ ଏକ୍ସପର୍ଟମାନେ ଆମେରିକୀୟ ପ୍ରାର୍ଥୀଙ୍କ ବିଷୟରେ ଭୁଲ୍ ସୂଚନା ପାର୍ଇ ପାଣ୍ଠି ଯୋଗାଇ ସେସେବୁର କାର୍ଯ୍ୟକାରିତାର ତଦାରଖ କରିଥିଲେ। ଏସବୁ ପାଇଁ ସେମାନେ ଏଆଇ ଜ୍ଞାନକୌଶଳ ବ୍ୟବହାର କରିଥିଲେ। ଯେଉଁଥିରେ ଡିପ୍ ଫେକ୍ ଭିଡିଓ ମଧ୍ୟ ଅନ୍ତର୍ଭୁକ୍ତ ଥିଲା।

ଦଳର ନିର୍ଦ୍ଦେଶକଙ୍କ ଉପରେ ଏହି ନୂତନ କଟକଣା ଲାଗୁ କରାଯାଇଛି। ଆମେରିକାର ଅଧିକାରୀମାନେ କହିଛନ୍ତିଳ ସେ ରୁଷିଆର ସାମରିକ ଗୁପ୍ତଚର ଏଜେଣ୍ଟମାନଙ୍କ ସହ ଘନିଷ୍ଠ ଭାବରେ କାର୍ଯ୍ୟ କରିଛନ୍ତି। ଏହା ସହିତ ପାଶ୍ଚାତ୍ୟ ଦେଶ ବିରୁଦ୍ଧରେ ସାଇବର ଆକ୍ରମଣ ତଥା ଏଭଳି କାର୍ଯ୍ୟକଳାପ ଉପରେ ନଜର ରଖିଛନ୍ତି।

ଆମେରିକାର ଅଧିକାରୀ କହିଛନ୍ତି, ଇରାନର ଗୋଷ୍ଠୀ, କଗ୍ନିଟିଭ୍ ଡିଜାଇନ୍ ଉତ୍ପାଦନ କେନ୍ଦ୍ର, ଇରାନର ଆଇଆରଜିସିର ଏକ ସହାୟକ କମ୍ପାନି ଅଟେ। ଏହାକୁ ଆମେରିକା ଏକ ବିଦେଶୀ ଆତଙ୍କବାଦୀ ସଂଗଠନ ଭାବେ ବିବେଚନା କରେ। ଅଧିକାରୀମାନେ କହିଛନ୍ତି, ଆମେରିକାରେ ରାଜନୈତିକ ଉତ୍ତେଜନା ସୃଷ୍ଟି କରିବା ପାଇଁ ଏହି କମ୍ପାନି ୨୦୨୩ ମସିହାରୁ କାର୍ଯ୍ୟ କରିଆସୁଛି।

ଅଧିକ ପଢ଼ନ୍ତୁ: ନୂଆବର୍ଷରେ ଇସ୍ରାଏଲ ଉପରେ ରକେଟ୍ ମାଡ଼ କଲା ହମାସ୍

ଆମେରିକାର ଗୁପ୍ତଚର ସଂସ୍ଥା ପକ୍ଷରୁ ଇରାନ ସରକାରଙ୍କୁ ଗାଜାରେ ହମାସ ବିରୁଦ୍ଧରେ ଇସ୍ରାଏଲର ଯୁଦ୍ଧକୁ ନେଇ ଆମେରିକା ବିରୋଧରେ କାର୍ଯ୍ୟ କରିବାକୁ ଚେଷ୍ଟା କରୁଥିବା ଅଭିଯୋଗ କରାଯାଇଛି।

ଏହା ବ୍ୟତୀତ ଇରାନ ଦ୍ବାରା ଡୋନାଲ୍ଡ ଟ୍ରମ୍ପଙ୍କ ଅଭିଯାନର ବରିଷ୍ଠ ସଦସ୍ୟ ତଥା ବହୁ ବରିଷ୍ଠ ତଥା ପୂର୍ବତନ ଆମେରିକୀୟ ଅଧିକାରୀଙ୍କ ଆକାଉଣ୍ଟ ହ୍ୟାକ୍ କରାଯାଇଥିବା ଅଭିଯୋଗ ହୋଇଛି।

ଅଧିକ ପଢ଼ନ୍ତୁ: ଚୀନ୍‌ର ଦାଦାଗିରି: ପୁଣି ତାଇୱାନ ସୀମାକୁ ପଠାଇଲା ୨ଯୁଦ୍ଧବିମାନ-୭ଯୁଦ୍ଧପୋତ