ବୈଦେଶିକ ମନ୍ତ୍ରୀ ଜୟଶଙ୍କରଙ୍କ ନାମ ଭୋଟର ତାଲିକାରେ ନାହିଁ! ୨୦ ମିନିଟ୍ ଲାଇନରେ ଅପେକ୍ଷା କରିବା ପରେ ଫେରିଲେ...

ନୂଆଦିଲ୍ଲୀ : ସାଧାରଣ ନିର୍ବାଚନର ଷଷ୍ଠ ପର୍ଯ୍ୟାୟରେ ଶନିବାର ରାଜଧାନୀ ଦିଲ୍ଲୀରେ ମଧ୍ୟ ମତଦାନ ଚାଲିଛି । ଏଭଳି ପରିସ୍ଥିତିରେ ଅନେକ ବଡ଼ ନେତା ମଧ୍ୟ ସେମାନଙ୍କର ମତଦାନ ଅଧିକାର ସାବ୍ୟସ୍ତ କରିବା ପାଇଁ ବୁଥ୍‌ରେ ପହଞ୍ଚିଛନ୍ତି। ତେବେ ବୈଦେଶିକ ମନ୍ତ୍ରୀ ଏସ ଜୟଶଙ୍କୁ ସମସ୍ୟାର ସମ୍ମୁଖୀନ ହେବାକୁ ପଡ଼ିଥିଲା। ସେ ସକାଳ ୭ଟାରେ ତୋଗଲୋକ ଲେନ୍ ଅଟଳ ଆଦର୍ଶ ବିଦ୍ୟାଳୟର ମତଦାନ କେନ୍ଦ୍ରରେ ପହଞ୍ଚିଥିଲେ, ୨୦ ମିନିଟ୍ ଧାଡ଼ିରେ ଛିଡା ହେବା ପରେ ସେ ଜାଣିବାକୁ ପାଇଲେ ଯେ ତାଙ୍କ ନାମ ଭୋଟର ତାଲିକାରେ ନାହିଁ। ଏହା ପରେ ସେ ଭୋଟ୍ ନ ଦେଇ ଫେରି ଆସିଥିଲେ।

ଗଣମାଧ୍ୟମ ରିପୋର୍ଟ ଅନୁଯାୟୀ, ସେ ଘରେ ପହଞ୍ଚିବା ପରେ ଭ‌ୋଟର ତାଲିକା ଯାଞ୍ଚ କରିଥିଲେ। ସେ ଜାଣିବାକୁ ପାଇଲେ ଯେ ତାଙ୍କୁ ଅନ୍ୟ ଏକ ମତଦାନ ବୁଥ୍‌କୁ ଯିବାକୁ ପଡିବ।

ସେ ଅନ୍ୟ ଏକ ମତଦାନ କେନ୍ଦ୍ରରେ ପହଞ୍ଚି ଭୋଟ୍ ଦେଇଥିଲେ। ଜିଲ୍ଲା ନିର୍ବାଚନ କାର୍ଯ୍ୟାଳୟ ଦ୍ବାରା ତାଙ୍କ ମତଦାନ କେନ୍ଦ୍ରରେ ପ୍ରଥମ ପୁରୁଷ ଭୋଟର ପ୍ରମାଣପତ୍ର ମଧ୍ୟ ଜୟଶଙ୍କରଙ୍କୁ ପ୍ରଦାନ କରାଯାଇଥିଲା। ଜୟଶଙ୍କର ପ୍ରଥମ ପୁରୁଷ ଭୋଟର ଯିଏକି ନିର୍ବାଚନ କ୍ଷେତ୍ର ୪ର ବୁଥ ନମ୍ବର ୫୩ରେ ଭୋଟ୍ ଦେଇଥିଲେ। ଭୋଟ୍ ଦେବା ପରେ ବୈଦେଶିକ ମନ୍ତ୍ରୀ ସୋସିଆଲ ମିଡିଆରେ ମଧ୍ୟ ତାଙ୍କ ‌ଫଟୋ ପୋଷ୍ଟ କରିଛନ୍ତି।

ଭୋଟ୍ ଦେବା ପରେ ବୈଦେଶିକ ବ୍ୟାପାର ମନ୍ତ୍ରୀ ଲୋକମାନଙ୍କୁ ଅନୁରୋଧ କରି କହିଛନ୍ତି ଯେ ଆମେ ଚାହୁଁ ଏହି ଗୁରୁତ୍ୱପୂର୍ଣ୍ଣ ସମୟରେ ଲୋକମାନେ ନିଜ ଘରୁ ବାହାରକୁ ଆସନ୍ତୁ ଏବଂ ସେମାନଙ୍କ ମତଦାନ ଅଧିକାର ସାବ୍ୟସ୍ତ କରନ୍ତୁ। ମୋର ବିଶ୍ୱାସ ଅଛି ଯେ ବିଜେପି ପୁଣି ଥରେ କ୍ଷମତାକୁ ଆସିବ।