ମୋତେ ଟ୍ରୋଲ କରୁଥିବା ଲୋକମାନେ ବେରୋଜଗାର ହୋଇଯିବେ : ଚନ୍ଦ୍ରଚୂଡ଼

ନୂଆଦିଲ୍ଲୀ: ଶୁକ୍ରବାର (ନଭେମ୍ବର ୮) ସୁପ୍ରିମକୋର୍ଟରେ ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ଙ୍କ ଶେଷ ଦିନ ଥିଲା। ସେ ରବିବାର ଅବସର ନେଉଛନ୍ତି। ବିଦାୟୀ ଭାଷଣରେ ସେ କହିଛନ୍ତି ଯେ ସେ ଅବସର ନେବା ପରେ ତାଙ୍କୁ ଟ୍ରୋଲ କରୁଥିବା ଲୋକମାନେ ବେରୋଜଗାର ହୋଇଯିବେ ।

ଜଷ୍ଟିସ ଚନ୍ଦ୍ରଚୂଡ଼ କହିଛନ୍ତି, ମୁଁ ବୋଧହୁଏ ସବୁଠାରୁ ଅଧିକ ଟ୍ରୋଲ୍ ହୋଇଥିବା ବିଚାରପତି। ମୋତେ ଟ୍ରୋଲ କରୁଥିବା ଲୋକମାନେ ସୋମବାରଠାରୁ କ'ଣ କରିବେ ବୋଲି ମୁଁ ଚିନ୍ତା କରୁଛି? ସେମାନେ ବେରୋଜଗାର ହୋଇଯିବେ ।"

ଜଷ୍ଟିସ ଚନ୍ଦ୍ରଚୂଡ଼ କହିଛନ୍ତି, ମୁଁ ବୋଧହୁଏ ସବୁଠାରୁ ଅଧିକ ଟ୍ରୋଲ୍ ହୋଇଥିବା ବିଚାରପତି। ମୋତେ ଟ୍ରୋଲ କରୁଥିବା ଲୋକମାନେ ସୋମବାରଠାରୁ କ'ଣ କରିବେ ବୋଲି ମୁଁ ଚିନ୍ତା କରୁଛି? ସେମାନେ ବେରୋଜଗାର ହୋଇଯିବେ ।"

ବିଦାୟୀ ଭାଷଣରେ ସେ କହିଥିଲେ, ଯଦି ମୁଁ କାହାକୁ ଆଘାତ ଦେଇଛି, ଦୟାକରି ମୋତେ କ୍ଷମା କରନ୍ତୁ। କୋର୍ଟ ହିଁ ମୋତେ ଆଗକୁ ବଢ଼ାଇଛି। ଆମେ ସେହି ଲୋକଙ୍କୁ ଭେଟିଥାଉ ଯାହାକୁ ଆମେ ବୋଧହୁଏ ଜାଣିନଥାଉ । ମୁଁ ଆପଣସମସ୍ତଙ୍କୁ ଧନ୍ୟବାଦ ଜଣାଉଛି । ଯଦି ମୁଁ କେବେ କୋର୍ଟରେ କାହାକୁ ଅସନ୍ତୁଷ୍ଟ କରିଛି, ତେବେ ମୁଁ ଚାହେଁ ଯେ ଆପଣ ଦୟାକରି ମୋତେ କ୍ଷମା କରନ୍ତୁ । 

ନଭେମ୍ବର ୯, ୨୦୨୨ରେ ଦାୟିତ୍ୱ ଗ୍ରହଣ କରିଥିବା ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ ତାଙ୍କର ଦୁଇ ବର୍ଷର କାର୍ଯ୍ୟକାଳ ଶେଷ ହେବା ପରେ ଆଜି ତାଙ୍କ ପଦରୁ ବିଦାୟ ନେଇଛନ୍ତି। ସେ ତାଙ୍କ କାର୍ଯ୍ୟକାଳରେ ଜମ୍ମୁ-କଶ୍ମୀରରୁ ଧାରା ୩୭୦ ଉଚ୍ଛେଦ, ଇଲେକ୍ଟୋରାଲ ବଣ୍ଡ ସମେତ ଅନେକ ଐତିହାସିକ ନିଷ୍ପତ୍ତି ନେଇଥିଲେ।