ଭଗବାନ ପୁଣି କଲେ ଚମତ୍କାର! ୨୦ ଘଣ୍ଟା ପରେ ମାଟିତଳୁ ଜୀବନ୍ତ ବାହାରିଲେ ଯୁବକ

କେଦାରନାଥ: ଅଗଷ୍ଟ ୧ ରେ ଉତ୍ତରାଖଣ୍ଡର କେଦାରନାଥରେ ଥିବା ଭୀମବଲିର ଚିରୱାସାଠାରେ ଭୂସ୍ଖଳନ ଘଟିଥିଲା। ବାଦଲଫଟା ବର୍ଷା ଯୋଗୁ ଅନେକ ଅଞ୍ଚଳରେ ଭୂସ୍ଖଳନ ଦ୍ବାରା ରାସ୍ତା ଅବରୋଧ ହେବାପରେ ଭକ୍ତମାନେ ଅଟକି ଯାଇଥିଲେ। ଗତ ୪ ଦିନ ମଧ୍ୟରେ ରାଜ୍ୟରେ ଘଟିଥିବା ବିପର୍ଯ୍ୟୟରେ ପ୍ରାୟ ୧୦ ହଜାର ଲୋକ ଫସି ରହିଛନ୍ତି। ସେମାନଙ୍କୁ ଉଦ୍ଧାର କାର୍ଯ୍ୟ ଚାଲିଛି, କିନ୍ତୁ ଖରାପ ପାଗ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି କରୁଛି, ଯେଉଁ କାରଣରୁ ଭାରତୀୟ ବାୟୁସେନା ଲୋକଙ୍କୁ ଉଦ୍ଧାର କରିବାରେ ଅସୁବିଧାର ସମ୍ମୁଖୀନ ହେଉଛନ୍ତି।

ଖରାପ ପାଗରେ ଚିନୁକ୍ ଏବଂ ଏମଆଇ-୧୭ ହେଲିକପ୍ଟର ଉଡିବାକୁ ସକ୍ଷମ ହେଉ ନାହାନ୍ତି। ସେନା ଏବଂ ଏନଡିଆରଏଫ ଦଳ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି। ହରିଦ୍ୱାର, ଡେରାଡୁନ୍, ତେହେରୀ, ରୁଦ୍ରପ୍ରୟାଗ, ନୈନିତାଲ, କେଦାରନାଥରେ ପାଣିପାଗ ଅବସ୍ଥା ଖରାପ ରହିଛି।

ତେବେ ଭଗବାନ ପୁଣି କଲେ ଚମତ୍କାର କରିଛନ୍ତି। ୨୦ ଘଣ୍ଟା ପରେ ମାଟିତଳୁ ଜଣେ ଯୁବକଙ୍କୁ ଜୀବନ୍ତ ଉଦ୍ଧାର କରାଯାଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ଗତ ସନ୍ଧ୍ୟାରେ ପ୍ରାୟ ୯ ଘଣ୍ଟା ଧରି ଚାଲିଥିବା ଉଦ୍ଧାର କାର୍ଯ୍ୟ ପରେ ଏସଆରଡିଏଫ ଟିମ୍ ଜଣଙ୍କୁ ଅଳିଆ ଆବର୍ଜନାରୁ ଜୀବନ୍ତ ଉଦ୍ଧାର କରିଛନ୍ତି।

କେଦାରନାଥ ରାଜପଥ ନିକଟରେ ଥିବା ଥରୁ କ୍ୟାମ୍ପଠାରୁ ତାଙ୍କୁ ମାଟି ତଳୁ ଉଦ୍ଧାର କରାଯାଇଛି। ସେ ପ୍ରାୟ ୨୦ ଘଣ୍ଟା ମାଟି ତଳେ ପୋତି ହୋଇ ରହିଥିଲେ। ଉଦ୍ଧାରକାରୀ ଦଳ ମାଟି ତଳୁ ତାଙ୍କ କ୍ରନ୍ଦନ ଶୁଣିଥିଲେ। ଜଣେ କେହି ପୋତି ହୋଇ ରହିଥିବା ଜାଣିବା ପରେ ଉଦ୍ଧାରକାରୀ ଦଳ ଖୋଜାଖୋଜି ଆରମ୍ଭ କରିଥିଲେ।

ମାଟି ତଳୁ ଜୀବନ୍ତ ବାହାରି ଥିବା ବ୍ୟକ୍ତିଙ୍କ ନାମ ଗିରିଶ ଚାମୋଲି । ସେ ଚାମୋଡି ଜିଲ୍ଲାର ବାସିନ୍ଦା। ‌ସେ ରାଜପଥରେ ଏକ ଖାଦ୍ୟ ଦୋକାନ ଚଳାଉଥିଲେ। ଅଗଷ୍ଟ ୧ ରେ ବାଦଲ ଫଟା ବର୍ଷାରେ ତାଙ୍କ ଦୋକାନ ରାସ୍ତାରେ ଥିବା ଆବର୍ଜନା ଦ୍ୱାରା ଧୋଇ ହୋଇଯାଇଥିଲା ଏବଂ ସେ ବଡ଼ ବଡ଼ ପଥର ତଳେ ଚାପି ହୋଇ ରହିଯାଇଥିଲେ। ସେ ବଞ୍ଚିବାର ଆଶା ଛାଡିଥିଲେ, କିନ୍ତୁଏସଡିଆରଏଫ ସ୍ବେଚ୍ଛାସେବୀମାନେ ଦେବଦୂତ ଭାବରେ ଆସି ତାଙ୍କ ଜୀବନ ରକ୍ଷା କରିଥିଲେ। ଗିରିଶ କହିଛନ୍ତି ସେ ନିଜ ପଶୁମାନଙ୍କୁ ବଞ୍ଚାଇବା ପାଇଁ ତାଙ୍କ ଘରକୁ ଯାଇଥିଲେ, କିନ୍ତୁ ଅଳିଆ ଆବର୍ଜନାରେ ପୋତି ହୋଇ ଯାଇଥିଲେ।

ଗଣମାଧ୍ୟମ ରିପୋର୍ଟ ଅନୁଯାୟୀ, କେରଳର ୱାୟନାଡରେ ଭୂସ୍ଖଳନ ହେବା ପରେ ଆବର୍ଜନା ତଳେ ପୋତି ହୋଇଥିବା ଲୋକଙ୍କୁ ପାଇବାର ଆଶା ଶେଷ ହୋଇଛି। ୬ ଦିନ ପରେ ମଧ୍ୟ ମୃତଦେହକୁ ଡିପ୍ ସର୍ଚ୍ଚ ରିଡର୍ ଦ୍ବାରା ଖୋଜାଯାଉଛି। ଏପର୍ଯ୍ୟନ୍ତ ୩୬୫ ଜଣଙ୍କ ମୃତଦେହ ମିଳିଛି, ସେଥିମଧ୍ୟରୁ ୨୦୦ରୁ ଅଧିକ ମୃତକଙ୍କ ପରିଚୟ ମିଳିଛି। ଅଧାରୁ ଅଧିକ ମୃତଦେହ ଖଣ୍ଡ ଖଣ୍ଡ ହୋଇ ମିଳିଛି।

ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କ ଅନୁଯାୟୀ, ଜୁଲାଇ ୩୦ତାରିଖ ସକାଳେ ଦୁଇଟି ଭୂସ୍ଖଳନ ପରେ ୱାୟନାଡର ୪ ଟି ଗାଁ ମୁଣ୍ଡାକ୍କାଇ, ଚୁରାଲମାଲା, ଆଟାମାଲା, ନୋଲପୁଝା ଆବର୍ଜନା ତଳେ ପୋତି ହୋଇଯାଇଥିଲା। ବର୍ତ୍ତମାନ ଶେଷ ପର୍ଯ୍ୟାୟରେ ଥିବା ଉଦ୍ଧାର କାର୍ଯ୍ୟରେ ଭାରତୀୟ ସେନା, ଭାରତୀୟ ବାୟୁସେନା, ଭାରତୀୟ ନୈସେନା, ଏନଡିଆରଏଫ, ଜଙ୍ଗଲ ବିଭାଗ, ପୋଲିସ, ପାରାମିଲିଟାରୀ ଏବଂ ସ୍ବେଚ୍ଛାସେବୀ ନିୟୋଜିତ ଅଛନ୍ତି। ଅନୁମାନ କରାଯାଉଛି ଆବର୍ଜନା ଭିତରେ ପ୍ରାୟ ୩୦ଫୁଟ ତଳେ ମୃତଦେହ ଅଛି। ତେଣୁ ସେନାର ଡିପ୍ ସର୍ଚ୍ଚ ରିଡର୍ ମଗା ଯାଇଛି।

କେରଳ ଏବଂ ଉତ୍ତରାଖଣ୍ଡ ପରେ ହିମାଚଳ ପ୍ରଦେଶରେ ମଧ୍ୟ ବାଦଲ ଫଟା ବର୍ଷା ହୋଇଥିଲା। ଅଗଷ୍ଟ ୧ ରେ ଶିମଲାର ସମେଜ୍, ମଣ୍ଡିର ଚୌହାରଘାଟିର ରାଜବାନ୍ ଗାଁ ଏବଂ କୁଲୁର ବାଗିପୁଲ୍‌ର ୫ ଟି ସ୍ଥାନରେ ବାଦଲ ଫଟା ବର୍ଷା ହୋଇଥିଲା। ପାଣି ବଡ଼ ବଡ଼ ପଥର ଓ କାଦୁଅର ଆବର୍ଜନା ବହି ଆସି ଲୋକଙ୍କୁ ଭସାଇ ନେଇ ଯାଇଥିଲା।

ଅନେକ ଘର, ବିଦ୍ୟାଳୟ, ଡାକ୍ତରଖାନା ମଧ୍ୟ ଅଳିଆ ଆବର୍ଜନାରେ ଭାସି ଯାଇଛି। ୪ ଦିନରେ କେବଳ ୭ ଟି ମୃତଦେହ ମିଳିଛି। ପ୍ରାୟ ୫୦ ଜଣ ନିଖୋଜଙ୍କ ସନ୍ଧାନ ଚାଲିଛି, କିନ୍ତୁ କେହି ବଞ୍ଚି ନ ଥିବା ଆଶା କରାଯାଉଛି। ନିଖୋଜଙ୍କ ମଧ୍ୟରେ ସ୍କୁଲ ପିଲାମାନେ ମଧ୍ୟ ଅଛନ୍ତି। ଅଗଷ୍ଟ ୭ ପର୍ଯ୍ୟନ୍ତ ପ୍ରବଳ ବର୍ଷା ପାଇଁ ପାଣିପାଗ ବିଭାଗ ଏକ ସତର୍କ ସୂଚନା ଜାରି କରିଛି, ଯେଉଁଥିପାଇଁ ରାଜ୍ୟ ସରକାର ହାଇ ଆଲର୍ଟ ମୋଡରେ ଆଛନ୍ତି।