ଚୀନ ସହ ସୀମା ବିବାଦ ମଧ୍ୟରେ ସେନାର ଶକ୍ତି ବଢ଼ାଇବା ପାଇଁ ୨୫୮୦ କୋଟି ଟଙ୍କାରେ ପିନାକ ରକେଟ ଲଞ୍ଚର କିଣିବ ଭାରତ

ନୂଆଦିଲ୍ଲୀ: ଆତ୍ମନିର୍ଭର ଭାରତ ଅଭିଯାନ ଅଧିନରେ ଭାରତର ପ୍ରତିରକ୍ଷା କ୍ଷେତ୍ରକୁ ଶକ୍ତିଶାଳି କରିବା ପାଇଁ ପ୍ରତିରକ୍ଷା ମନ୍ତ୍ରାଳୟ ଏକ ବଡ଼ ପଦକ୍ଷେପ ନେଇଛି। ପ୍ରାୟ ୨୫୮୦ କୋଟି ଟଙ୍କାରେ ଭାରତୀୟ ସେନାକୁ ୬ଟି ପିନାକ ରେଜିମେଣ୍ଟ, ରକେଟ୍ ଲଞ୍ଚର ସିଷ୍ଟମ ଯୋଗାଇବା ପାଇଁ ଚୁକ୍ତିନାମା ସ୍ୱାକ୍ଷର କରିଛନ୍ତି କେନ୍ଦ୍ର ସରକାର। ୨୦୨୪ସୁଦ୍ଧା ଏହି ପିନାକ ରକେଟ ଭାରତୀୟ ସେନାରେ ସାମିଲ ହେବ ବୋଲି ଜଣା ପଡ଼ିଛି। ଭାରତ ଆର୍ଥ ମୁଭର୍ସ ଲିମିଟେଡ୍, ଟାଟା ପାୱାର୍ କମ୍ପାନି ଲିମିଟେଡ୍ ଏବଂ ଲରସେନ୍ ଆଣ୍ଡ ଟୁବ୍ରୋ ସହିତ ହୋଇଥିବା ଚୁକ୍ତିରେ ରକେଟ୍ ନିର୍ମାଣରେ ଅତି କମରେ ୭୦ପ୍ରତିଶତ ସ୍ୱଦେଶୀ ଉପକରଣ ବ୍ୟବହାର କରିବାକୁ କୁହାଯାଇଛି। ଏହାକୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ଅର୍ଥମନ୍ତ୍ରୀ ନିର୍ମଳା ସୀତାରମଣ ସୋମବାର ଅନୁମୋଦନ କରିଛନ୍ତି।

aajtak

୬ଟି ପିନାକ ରେଜିମେଣ୍ଟ ଦେଶର ଉତ୍ତର ଏବଂ ପୂର୍ବାଞ୍ଚଳ ସୀମାରେ କାର୍ଯ୍ୟକ୍ଷମ ହେବ ଏବଂ ଏହି ଅଞ୍ଚଳରେ ସେନାର ଶକ୍ତିକୁ ଆହୁରି ବଢ଼ାଇବ, ଚୀନ୍ ସୈନ୍ୟଙ୍କ ଦ୍ବାରା ସ୍ଥିତିକୁ ବଦଳାଇବା ପାଇଁ ଉତ୍ତେଜକ ସାମରିକ ଗତିବିଧି ବୃଦ୍ଧି ପାଇଥିବା ବେଳେ ସରକାର ସେନାର ଶକ୍ତି ବଢ଼ାଇବା ପାଇଁ ଏଭଳି ନିଷ୍ପତ୍ତି ନେଇଛନ୍ତି।

ndtv

ପିନାକ ହେଉଛି ଏକ ଡିଆଡିଓ ଡିଜାଇନ୍ | ଏହା ପ୍ରଥମେ କାର୍ଗିଲ ଯୁଦ୍ଧ ସମୟରେ ବ୍ୟବହୃତ ହୋଇଥିଲା ଏବଂ ଏହା ପରେ ବହୁ ସଂଖ୍ୟାରେ ଏହାକୁ ଭାରତୀୟ ସେନାରେ ଅନ୍ତର୍ଭୁକ୍ତ କରାଯାଇଥିଲା | ଗୋଟିଏ ପିନାକ ରେଜିମେଣ୍ଟରେ ୧୮ଟି ସିଷ୍ଟମ୍ ରହିଛି|