ସରକାର-ରାଜ୍ୟପାଳ ମୁହାଁମୁହିଁ: ଅଗଷ୍ଟ ୩୧ରେ କଂଗ୍ରେସର ପଦଯାତ୍ରା...

ବେଙ୍ଗାଲୁରୁ: କର୍ଣ୍ଣାଟକର ଉପମୁଖ୍ୟମନ୍ତ୍ରୀ ଡି.କେ ଶିବକୁମାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ପୂର୍ବତନ ମୁଖ୍ୟମନ୍ତ୍ରୀ ତଥା କେନ୍ଦ୍ର ମନ୍ତ୍ରୀ ଏଚଡି କୁମାସ୍ୱାମୀଙ୍କ ବିରୋଧରେ ଲୋକାୟୁକ୍ତ ଏବଂ ଏସଆଇଟିର ତଦନ୍ତ ଶେଷ ହୋଇଛି। ଏହି ମାମଲାରେ ଅନୁସନ୍ଧାନକାରୀ ସଂସ୍ଥା ଏକ ଚିଠି ଲେଖିଛନ୍ତି। କିନ୍ତୁ ଏହାକୁ ନେଇ ରାଜ୍ୟପାଳ ଥାୱରଚାନ୍ଦ ଗେହଲୋଟଙ୍କ ଅନୁମୋଦନ ମିଳି ନାହିଁ।

ଉପମୁଖ୍ୟମନ୍ତ୍ରୀ ଡି.କେ ଶିବକୁମାର କହିଛନ୍ତି ମୋ ଅଧ୍ୟକ୍ଷତାରେ କ୍ୟାବିନେଟ୍ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ଆମେ କର୍ଣ୍ଣାଟକର ରାଜ୍ୟପାଳଙ୍କୁ ପରାମର୍ଶ ଦେଇଥିଲୁ ଯେ ଆମର ସୂଚନା ଅନୁଯାୟୀ ଚାରିଟି ଅପରାଧିକ ମାମଲା ରହିଛି, ଯାହା ଲୋକାୟୁକ୍ତ ଏବଂ ଏସଆଇଟି ସମେତ ବିଭିନ୍ନ ବିଭାଗ ଦ୍ୱାରା ଅନୁସନ୍ଧାନ କରାଯାଇଛି।

ଯେଉଁଥିରେ ପୂର୍ବତନ ମୁଖ୍ୟମନ୍ତ୍ରୀ ତଥା କେନ୍ଦ୍ର ମନ୍ତ୍ରୀ ଏଚଡି କୁମାରସ୍ୱାମୀ ଏବଂ ସରକାରଙ୍କ ଅନ୍ୟ ତିନିଜଣ କର୍ଣ୍ଣାଟକର ପୂର୍ବତନ ମନ୍ତ୍ରୀମାନଙ୍କ ନାମ ରହିଛି।  ଏସବୁର ତଦନ୍ତ ଶେଷ ହୋଇଛି। ସେମାନଙ୍କ ମଧ୍ୟରୁ କେତେକଙ୍କ ବିରୋଧରେ ବିସ୍ତୃତ ଚାର୍ଜସିଟ୍ ମଧ୍ୟ ଦାଖଲ କରାଯାଇଛି। 

ସେ ଆହୁରି ମଧ୍ୟ କହିଛନ୍ତି  ଅନୁସନ୍ଧାନକାରୀ ସଂସ୍ଥା ଲୋକାୟୁକ୍ତଙ୍କୁ ଏକ ଚିଠି ଲେଖିଛନ୍ତି। କିନ୍ତୁ ରାଜ୍ୟପାଳ ଏହାକୁ ଅନୁମୋଦନ କରିନାହାନ୍ତି। ଆମେ ତ‌ାଙ୍କୁ ପରାମର୍ଶ ପଠାଇଛୁ ଯେ ଆପଣଙ୍କୁ ଅନୁମତି ଦେବାକୁ ପଡିବ। ତେଣୁ ଏହାକୁ ବିରୋଧ କରି ଆମେ ୩୧ ଅଗଷ୍ଟରେ ବିଧାନ ସୌଧସ୍ଥିତ ଗାନ୍ଧୀ ପ୍ରତିମୂର୍ତ୍ତିଠାରୁ ରାଜଭବନ ପର୍ଯ୍ୟନ୍ତ ପଦଯାତ୍ରା କରିବୁ। ଦେଶର ଆଇନ ଅନୁଯାୟୀ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଆମେ ଦାବି କରୁଛୁ। 

ପୂର୍ବତନ ମୁଖ୍ୟମନ୍ତ୍ରୀ ଏବଂ କେନ୍ଦ୍ର ମନ୍ତ୍ରୀ ଏଚଡି କୁମାରସ୍ୱାମୀଙ୍କ ଦାବି ଉପରେ ଉପମୁଖ୍ୟମନ୍ତ୍ରୀ କହିଛନ୍ତି  କୁମାରସ୍ୱାମୀ ଦାବି କରୁଛନ୍ତି ଯେ ତାଙ୍କ ଦସ୍ତଖତ ଜାଲିଆତି ହୋଇଛି, ମୁଁ ବୁଝିପାରୁ ନାହିଁ ସେ କାହିଁକି ଏପର୍ଯ୍ୟନ୍ତ ଅଭିଯୋଗ ଦାଖଲ କରି ନ ଥିଲେ। ତୁରନ୍ତ ଅଭିଯୋଗ ଦାଖଲ କରିବାକୁ ମୁଁ ତାଙ୍କୁ ନିବେଦନ କରନ୍ତୁ।

କର୍ଣ୍ଣାଟକ ବିଧାନସଭାରେ ବିରୋଧୀଦଳର ନେତା ଆର ଅଶୋକଙ୍କ ଅଭିନେତା ଦର୍ଶନ ପ୍ରସଙ୍ଗରେ ଦେଇଥିବା ବିବୃତି ନେଇ ଉପମୁଖ୍ୟମନ୍ତ୍ରୀ ଡି.କେ ଶିବକୁମାର କହିଛନ୍ତି ଯେ ମୁଁ ଭାବୁଛି ଆର ଅଶୋକଙ୍କର କିଛି ସ୍ୱାସ୍ଥ୍ୟଗତ ସମସ୍ୟା ରହିଛି। ମୁଁ ଭାବୁଛି ସେ ମାନସିକସ୍ତରରେ ଠିକ୍ ନୁହଁନ୍ତି। ଯଥାଶୀଘ୍ର ନିଜକୁ ଚିକିତ୍ସା କରାଇବାକୁ ଆମେ ତାଙ୍କୁ ପରାମର୍ଶ ଦେଉଛୁ।

ଅଧିକ ପଢ଼ନ୍ତୁ: ଜାପାନ ବାୟୁସୀମା ଟପିଲା ଚୀନର ଲଢୁଆ ବିମାନ

ସେ ଗୃହମନ୍ତ୍ରୀ ହୋଇଥିବାରୁ ତାଙ୍କର ଅନେକ ସମ୍ପର୍କ ଅଛି ଏବଂ ସେ ଦର୍ଶନଙ୍କର ଜଣେ ବନ୍ଧୁ ମଧ୍ୟ। ମୁଁ ଭାବୁଛି ଅଶୋକଙ୍କର ସାହାଯ୍ୟ ଏବଂ ମାର୍ଗଦର୍ଶନରେ ଦର୍ଶନ କିଛି ସେବା ପାଇ ପାରିଥାନ୍ତେ ।

ଅଧିକ ପଢ଼ନ୍ତୁ: ୟୁଟ୍ୟୁବ୍‌ ଦେଲା ଝଟ୍‌କା: ଭିଡିଓ ଦେଖିବା ପାଇଁ ମାସରେ ଅଧିକ ଟଙ୍କା ଦେବାକୁ ପଡିବ