ଛାତ୍ରଛାତ୍ରୀମାନଙ୍କ ସ୍ୱାର୍ଥରେ ସରକାର ନିଷ୍ପତ୍ତି ନେବେ: ନିଟ୍ ବିବାଦ ନେଇ ଚିରାଗ ପାସୱାନଙ୍କ ମନ୍ତବ୍ୟ

ନୂଆଦିଲ୍ଲୀ: ନିଟ୍ ପରୀକ୍ଷା ବିବାଦରେ ଅଭିଯୁକ୍ତଙ୍କୁ କୋର୍ଟକୁ ଆଣିବା ପାଇଁ କେନ୍ଦ୍ରର ଜୋରଦାର୍ ଉଦ୍ୟମ ମଧ୍ୟରେ କେନ୍ଦ୍ର ମନ୍ତ୍ରୀ ଚିରାଗ ପାସୱାନ୍ କହିଛନ୍ତି ଯେ ସରକାର ଏହି ପ୍ରସଙ୍ଗରେ ଉପଯୁକ୍ତ ନିଷ୍ପତ୍ତି ନେବେ ଏବଂ ଏହା ଛାତ୍ରଛାତ୍ରୀଙ୍କ ସ୍ୱାର୍ଥରେ ହେବ। ସୋମବାର ଗଣମାଧ୍ୟମକୁ ସୂଚନା ଦେଇ ଚିରାଗ ପାସୱାନ୍ କହିଛନ୍ତି, ଆଲୋଚନା ସର୍ବଦା ରାଷ୍ଟ୍ରପତିଙ୍କ ଭାଷଣ ଉପରେ ଧନ୍ୟବାଦ ଅର୍ପଣ ପରେ କରାଯାଇଥାଏ।

ନିଟ୍ ପ୍ରସଙ୍ଗରେ ସରକାରଙ୍କ ପାଖରେ ଲୁଚାଇବାକୁ କିଛି ନାହିଁ। କେନ୍ଦ୍ରୀୟ ଏଜେନ୍ସି ପେପର ଲିକ୍ ଘଟଣାର ଅନୁସନ୍ଧାନ କରୁଛନ୍ତି। ଏହି ଘଟଣାର ତଦନ୍ତ କରୁଛନ୍ତି।

ସେ କହିଛନ୍ତି ଭାରତ ସରକାର ଏନେଇ ନିଷ୍ପତ୍ତି ଛାତ୍ରଛାତ୍ରୀଙ୍କ ସ୍ୱାର୍ଥକୁ ଦୃଷ୍ଟିରୁ ରଖି ନେବେ। ଏହାପୂର୍ବରୁ ସୋମବାର ଦିନ ଲୋକସଭାରେ କଂଗ୍ରେସ ନେତା ତଥା ବିରୋଧୀ ଦଳର ନେତା ରାହୁଲ ଗାନ୍ଧୀ ମେଡିକାଲ ପ୍ରବେଶିକା ପରୀକ୍ଷାକୁ ଏକ ବ୍ୟବସାୟୀକ ପରୀକ୍ଷା ବୋଲି କହିଥିଲେ। ନିଟ୍ ପରୀକ୍ଷା ଦେଇଥିରେ ଛାତ୍ରଛାତ୍ରୀମାନେ ଅଭିଯୋଗ କରିଛନ୍ତି ଏହି ପରୀକ୍ଷା ଧନୀ ଛାତ୍ରଛାତ୍ରୀମାନଙ୍କ ପାଇଁ ନୁହେଁ। ଏହା ପ୍ରତିଭାବାନ ଛାତ୍ରଛାତ୍ରୀମାନଙ୍କ ପାଇଁ ବୋଲି ରାହୁଲ କହିଥିଲେ।

ସଂସଦର ମିଳିତ ଅଧିବେଶନରେ ରାଷ୍ଟ୍ରପତିଙ୍କ ଭାଷଣ ଉପରେ ଧନ୍ୟବାଦ ଜଣାଇବା ନେଇ ହୋଇଥିବା ବିତର୍କରେ ଅଂଶଗ୍ରହଣ କରି ରାହୁଲ ଗାନ୍ଧୀ ପେପର ଲିକ୍ ପ୍ରସଙ୍ଗରେ ବିଜେପି ନେତୃତ୍ୱାଧୀନ ସରକାରଙ୍କୁ ଟାର୍ଗେଟ କରି କହିଛନ୍ତି ଯେ ଦେଶରେ ସମସ୍ତଙ୍କ ମଧ୍ୟରେ ବିଜେପି ସରକାରଙ୍କୁ ନେଇ ଭୟ ରହିଛି।