ସିଙ୍ଗାପୁରରେ ମୃତ୍ୟୁବରଣ କଲେ ହଲଦୀରାମ ଭୁଜିଆୱାଲାର ମାଲିକ ମହେଶ ଅଗ୍ରୱାଲ, ଭାରତ ଫେରିବା ନେଇ ଚିନ୍ତାରେ ପରିବାର

ନୂଆଦିଲ୍ଲୀ: ଦେଶ-ବିଦେଶରେ ବାରମଜା ଓ ମିଠାଇ ପାଇଁ ପ୍ରସିଦ୍ଧି ପାଇଥିବା ପ୍ରିମିୟମ ବ୍ରାଣ୍ଡ କମ୍ପାନି ହଳଦିରାମ ଭୁଜିଆୱାଲାର ମାଲିକ ମହେଶ ଅଗ୍ରୱାଲଙ୍କ ଦେହାନ୍ତ ହୋଇଛି। ସିଙ୍ଗାପୁରରେ ମହେଶ ଅଗ୍ରୱାଲଙ୍କ ଦେହାନ୍ତ ହୋଇଥିବା ନେଇ ଖବର ମିଳିଛି। ମୃତ୍ୟୁ ସମୟରେ ତାଙ୍କୁ ୫୭ବର୍ଷ ବୟସ ହୋଇଥିଲା। ସେ ସିଙ୍ଗାପୁରରେ ଯକୃତ ସମସ୍ୟା ପାଇଁ ନିଜର ଚିକିତ୍ସା କରୁଥିଲେ। ସୂଚନା ଅନୁଯାୟୀ, ଶୁକ୍ରବାର ବିଳମ୍ବିତ ରାତିରେ ତାଙ୍କର ମୃତ୍ୟୁ ହୋଇଥିଲା। ତେବେ ମହେଶ ଅଗ୍ରୱାଲଙ୍କ ପରିବାର ବର୍ତ୍ତମାନ ସିଙ୍ଗାପୁରରେ ଥିବା ବେଳେ ବିମାନ ଉଡ଼ାଣ ବନ୍ଦ ଥିବା ହେତୁ ତାଙ୍କ ପରିବାର ଭାରତକୁ ଆସିପାରି ନାହାନ୍ତି |

www.tv9bharatvarsh.com

ସୂଚନା ମୁତାବକ, ସିଙ୍ଗାପୁରର ଏକ ଡାକ୍ତରଖାନାରେ ମହେଶ ଅଗ୍ରୱାଲଙ୍କ ଯକୃତ ପ୍ରତିରୋପଣ କରାଯାଇଥିଲା | କିନ୍ତୁ ପ୍ରତିରୋପଣ ସଫଳ ନହେବାରୁ ତାଙ୍କ ଜୀବନ ବଞ୍ଚାଇ ପାରିଲେ ନାହିଁ ଡାକ୍ତର। ମୃତ୍ୟୁ ପରେ ସମସ୍ତ ଅନ୍ତର୍ଜାତୀୟ ତଥା ଜାତୀୟ ବିମାନ ଉଡ଼ାଣ ବନ୍ଦ ଥିବାରୁ ମହେଶ ଅଗ୍ରୱାଲଙ୍କ ପରିବାର ସିଙ୍ଗାପୁରରେ ଫସି ରହିଛନ୍ତି | କରୋନା ଭୂତାଣୁ ସଂକ୍ରମଣକୁ ଏଡାଇବା ପାଇଁ କେନ୍ଦ୍ର ସରକାର ସମସ୍ତ ଅନ୍ତର୍ଜାତୀୟ ତଥା ଜାତୀୟ ବିମାନ ଉଡ଼ାଣକୁ ବାତିଲ କରିଥିଲେ। ଭାରତ ସମେତ ଅନେକ ଦେଶରେ କରୋନା ଭୂତାଣୁ ସଂକ୍ରମଣକୁ ରୋକିବା ପାଇଁ ଲକଡାଉନ୍ କରାଯାଇଛି । ସିଙ୍ଗାପୁର ସରକାର ମଧ୍ୟ ଦେଶରେ ଲକଡାଉନ୍ ଘୋଷଣା କରିଛନ୍ତି | ଏପ୍ରିଲ୍ ୭ରୁ ଏଠାରେ ସରକାର ଏକ ମାସ ପାଇଁ ତାଲା ପକାଇବାକୁ ଘୋଷଣା କରିଥିବାରୁ ମହେଶ ଅଗ୍ରୱାଲଙ୍କ ପରିବାର ଘରକୁ ଫେରିବା ନେଇ ଚିନ୍ତାରେ ଅଛନ୍ତି।