ହରିୟାଣା ନିର୍ବାଚନ ଫଳାଫଳ ମହାରାଷ୍ଟ୍ରରେ ପହଞ୍ଚିଲା: ଉଦ୍ଧବ କହିଲେ, କଂଗ୍ରେସ-ଏନସିପି ନିଷ୍ପତ୍ତିରେ ମୁଁ ରାଜି

ମୁମ୍ବାଇ: ହରିୟାଣା ବିଧାନସଭା ନିର୍ବାଚନ -୨୦୨୪ର ଫଳାଫଳ ଆସିଛି। ଶକ୍ତିଶାଳୀ ଢଙ୍ଗରେ ବିଜେପି କ୍ଷମତାକୁ ଫେରିଛି। ଏକ ସ୍ୱଚ୍ଛ ସଂଖ୍ୟାଗରିଷ୍ଠତା ହାସଲ କରି ବିଜେପି ଏକଜିଟ୍ ପୋଲ୍ ଏବଂ ରାଜନୈତିକ ପଣ୍ଡିତଙ୍କ ସମସ୍ତ ତଥ୍ୟ ତଥା ଗଣନାକୁ ବିଫଳ କରିଛି। ବର୍ତ୍ତମାନ ମହାରାଷ୍ଟ୍ରରେ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଉତ୍ତରପ୍ରଦେଶ ପରେ ମହାରାଷ୍ଟ୍ର ହେଉଛି ସେହି ରାଜ୍ୟ ଯିଏ ଦେଶକୁ ସର୍ବାଧିକ ସଂଖ୍ୟକ ସାଂସଦ ପ୍ରଦାନ କରିଥାଏ।

ତେଣୁ ରାଜ୍ୟରେ ଆୟୋଜିତ ବିଧାନସଭା ନିର୍ବାଚନର ଗୁରୁତ୍ୱ ଅଧିକ।  ହରିୟାଣା ବିଧାନସଭା ନିର୍ବାଚନ ଫଳାଫଳର ଆଶଙ୍କା ମଧ୍ୟ ମହାରାଷ୍ଟ୍ରରେ ପହଞ୍ଚିଛି। ଶିବସେନା (ୟୁବିଟି) ମୁଖ୍ୟ ତଥା ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଏକ ବଡ଼ ମନ୍ତବ୍ୟ ଦେଇଛନ୍ତି। ମଙ୍ଗଳବାର ଦିନ ସେ କହିଛନ୍ତି ଯେ ମୁଖ୍ୟମନ୍ତ୍ରୀ ପଦ ପାଇଁ କଂଗ୍ରେସ ଏବଂ ଏନସିପି (ଏସପି) ନିଷ୍ପତ୍ତି ନେଇଥିବା ଚେହେରାକୁ ସେ ସମର୍ଥନ କରିବେ। ମହାରାଷ୍ଟ୍ରକୁ ବଞ୍ଚାଇବା ପାଇଁ ତାଙ୍କ ସହଯୋଗୀମାନେ ସ୍ଥିର କରିଥିବା ଯେକୌଣସି ଚେହେରାକୁ ସେ ସମର୍ଥନ କରିବେ ବୋଲି ଉଦ୍ଧବ ଠାକରେ କହିଛନ୍ତି।

ମୁମ୍ବାଇରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରିବାବେଳେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ବିଧାନସଭା ନିର୍ବାଚନ ସମ୍ପର୍କରେ କହିଛନ୍ତି ଯେ ମୁଖ୍ୟମନ୍ତ୍ରୀ ପଦ ପାଇଁ ମହାବିକାଶ ଅଘାଡିର ସହଯୋଗୀ ଦଳଙ୍କ ଦ୍ୱାରା ସ୍ଥିର ହୋଇଥିବା ମୁଖ୍ୟମନ୍ତ୍ରୀ ପ୍ରାର୍ଥୀଙ୍କୁ ସେ ସମର୍ଥନ କରିବେ। ଏହା ପ୍ରଥମ ଥର ନୁହେଁ ଯେ ଉଦ୍ଧବ ଏହା କହିଛନ୍ତି। ଏହାପୂର୍ବରୁ ସେ ସିଏମ୍ ଚେହେରା ବିଷୟରେ ସେ ନିଜର ଭାବନା ପ୍ରକାଶ କରିଥିଲେ।

ଅନ୍ୟପକ୍ଷରେ ଶରଦ ପାୱାର ଏହା ଉପରେ ନିଜର ଆଭିମୁଖ୍ୟ ସ୍ପଷ୍ଟ କରିସାରିଛନ୍ତି। ସେ କହିଛନ୍ତି ଯେ ନିର୍ବାଚନ ପରେ ମୁଖ୍ୟମନ୍ତ୍ରୀ ପଦ ପାଇଁ ଚେହେରା ସ୍ଥିର ହେବ। ବିଧାନସଭା ନିର୍ବାଚନ ଫଳାଫଳରେ ଆସୁଥିବା ଆସନ ଆଧାରରେ ଏହା ସ୍ଥିର ହେବ। ଏହି ଅବସରରେ ସେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଏକ ସିନ୍ଦେ ସରକାରଙ୍କୁ ମିଥ୍ୟା କାହାଣୀ ବିସ୍ତାର କରୁଥିବା ଅଭିଯୋଗ କରିଛନ୍ତି। 

ସୂଚନାଯୋଗୃ, ରାଜ୍ୟର ବିଧାନସଭାରେ ମୋଟ ୨୮୮ଟି ଆସନ ଅଛି। ଏଥିସହ ରାଜ୍ୟରୁ ମୋଟ ୪୮ ସାଂସଦ ନିର୍ବାଚିତ ହୋଇ ସଂସଦକୁ ଯାଇଥାନ୍ତି।

ମୁଖ୍ୟମନ୍ତ୍ରୀ ପଦର ଚେହେରା ଘୋଷଣା କରିବାକୁ ଉଦ୍ଧବ ନିରନ୍ତର ଦାବି କରୁଛନ୍ତି। ଏହାପୂର୍ବରୁ ଅଗଷ୍ଟ ମାସରେ ସେ କହିଥିଲେ ଯେ କଂଗ୍ରେସ ଏବଂ ଏନସିପି (ଏସପି) ପକ୍ଷରୁ ସିଏମ ପ୍ରାର୍ଥୀ ଘୋଷଣା କରାଯିବା ଉଚିତ। ଏହା ମଧ୍ୟ କୁହାଯାଇଥିଲା ଯେ ଯେଉଁ ଯୁକ୍ତି ହେଉଛି କେବଳ ସହଯୋଗୀ ଦଳର ନେତା ଯିଏ ଅଧିକ ଆସନ ପାଇବେ ସେ ମୁଖ୍ୟମନ୍ତ୍ରୀ ହେବା ଯୋଜନା ଉପଯୁକ୍ତ ସାବ୍ୟସ୍ତ ହେବନାହିଁ। ତେବେ ଶରଦ ପାୱାରଙ୍କୁ ଏ ବାବଦରେ ଏକ ପ୍ରଶ୍ନ ପଚରାଯାଇଥିବା ବେଳେ ନିର୍ବାଚନ ପରେ ଏହାକୁ ବିଚାର କରାଯିବ ବୋଲି ସେ ସ୍ପଷ୍ଟ ଶବ୍ଦରେ କହିଥିଲେ।