ଅବତରଣ କରିବା ସମୟରେ ହେଲି ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ, ରୋଗୀଙ୍କୁ ନେବା ପାଇଁ ଋଷିକେଶରୁ ଆସୁଥିଲା

କେଦାରନାଥ: କେଦାରନାଥ ଧାମରେ ​​ଅବତରଣ କରିବା ସମୟରେ ଏକ ହେଲି ଆମ୍ବୁଲାନ୍ସଟି ଦୁର୍ଘଟଣାଗ୍ରସ୍ତ ହୋଇଛି। ହେଲି ଆମ୍ବୁଲାନ୍ସଟି ଋଷିକେଶ ଏମ୍ସର ଥିଲା, ଯାହା ଋଷିକେଶରୁ କେଦାରନାଥ ଯାଉଥିଲା। ଏମ୍ସ ପିଆରଓ ସନ୍ଦୀପ କୁମାର ଏହା ନିଶ୍ଚିତ କରିଛନ୍ତି। 

ଶନିବାର ଦିନ, କେଦାରନାଥ ହେଲିପ୍ୟାଡରୁ ମାତ୍ର ୨୦ ମିଟର ପୂର୍ବରୁ ଏମ୍ସର ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା। ପାଇଲଟ୍ ସୁରକ୍ଷିତ ଅଛନ୍ତି। କୁହାଯାଉଛି ଯେ, ହେଲିକପ୍ଟରଟି ଜଣେ ରୋଗୀଙ୍କୁ ଆଣିବା ପାଇଁ ଋଷିକେଶରୁ କେଦାରନାଥ ଆସୁଥିଲା। ଏମ୍ସ ପିଆରଓ କହିଛନ୍ତି ଯେ, ଏକ ହାର୍ଡ ଲ୍ୟାଣ୍ଡିଂ ଦୁର୍ଘଟଣା ଘଟିଥିଲା। 

ହେଲିକପ୍ଟରର ପଛ ଅଂଶ ଭାଙ୍ଗି ଯାଇଛି। ତେବେ କେହି ଆହତ ହୋଇନାହାନ୍ତି। ହେଲିକପ୍ଟରରେ କେବଳ ପାଇଲଟ ଥିଲେ। ସୂଚନାଯୋଗ୍ୟ, ୨୯ ଅକ୍ଟୋବର ୨୦୨୪ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏମ୍ସର ହେଲି ଆମ୍ବୁଲାନ୍ସ ସେବା ସଞ୍ଜିବନୀର ଶୁଭାରମ୍ଭ କରିଥିଲେ।  

୨୦ ସେପ୍ଟେମ୍ବର ୨୦୨୨ରେ, କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଦିଲ୍ଲୀରେ ଏକ କାର୍ଯ୍ୟକ୍ରମରେ ଏମ୍ସ ଋଷିକେଶରେ ହେଲି ଆମ୍ବୁଲାନ୍ସ ପରିଚାଳନା ଘୋଷଣା କରିଥିଲେ। କେନ୍ଦ୍ର ଏବଂ ଉତ୍ତରାଖଣ୍ଡ ସରକାରଙ୍କ ମଧ୍ୟରେ ୫୦-୫୦ ସହଭାଗୀତାରେ ହେଲି ଆମ୍ବୁଲାନ୍ସ ସେବା ପରିଚାଳିତ ହେଉଛି।

ଅଧିକ ପଢ଼ନ୍ତୁ: \ପୁଣି ଚାଲିଛି ହାଫିଜ୍ ସଇଦ ଆତଙ୍କବାଦ ପାଠଶାଳା: ଧ୍ୱଂସ ପରେ ପୁନଃନିର୍ମାଣ

ମେ୩ ୮ ତାରିଖରେ ଗଙ୍ଗୋତ୍ରୀ ଧାମ ଯାଉଥିବା ଏକ ହେଲିକପ୍ଟର ଗଙ୍ଗନାନୀ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା। ଏହି ଘଟଣାରେ, ପାଞ୍ଚ ଜଣ ମହିଳାଙ୍କ ସମେତ ଛଅ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ଜଣେ ବ୍ୟକ୍ତି ଗୁରୁତର ଆହତ ହୋଇଥିଲେ। ଗଙ୍ଗନାନୀ ହେଲିକପ୍ଟର ଦୁର୍ଘଟଣା ବହୁତ ଭୟଙ୍କର ଥିଲା।

ସେଠାରେ ସନ୍ଧାନ ଏବଂ ଉଦ୍ଧାର କାର୍ଯ୍ୟ ପରିଚାଳନା କରୁଥିବା ଅଧିକାରୀ ଏବଂ କର୍ମଚାରୀମାନେ କହିଥିଲେ ଯେ, ଏହି ଘଟଣାରେ ହେଲିକପ୍ଟରଟି ମଧ୍ୟ ଦୁଇ ଖଣ୍ଡ ହୋଇଯାଇଥିଲା। ହେଲିକପ୍ଟର ଭିତରେ ଦୁଇଟି ମୃତଦେହ ଫସି ରହିଥିଲା। ସେଗୁଡ଼ିକୁ ବାହାର କରିବା ପାଇଁ ଏହାକୁ କାଟିବାକୁ ପଡିଥିଲା। ପ୍ରାୟ ୨୦୦ ମିଟର ଗଭୀର ଏକ ଖାଲରେ ଉଦ୍ଧାର କାର୍ଯ୍ୟ କରିବା ବହୁତ କଷ୍ଟକର ଥିଲା।

ଅଧିକ ପଢ଼ନ୍ତୁ: ଅପରେସନ ସିନ୍ଦୂରର ଲାଡେନ ହତ୍ୟା ସହ ସମାନତା ଅଛି: ଧନକର

heli-ambulance | AIIMS | kedarnath-dham | uttarakhand