ଅମୃତସର : ୨ ହଜାର କୋଟି ଟଙ୍କାର ହେରୋଇନ ଜବତ, ୬ ଅଟକ

ଅମୃତସର : ପଂଜାବ ପୁଲିସ ଆଜି ଅମୃତସର ଜିଲ୍ଲାର ସୁଲତାନୱିନ୍ଦ ଗ୍ରାମରେ ଚଢ଼ଉ କରି ୨୦୦ କେଜି ହେରୋଇନ ଜବତ କରିଛି ଯାହାର ମୂଲ୍ୟ ପ୍ରାୟ ୨ ହଜାର କୋଟି ଟଙ୍କା ହେବ। ଏହି ମାମଲାରେ ଜଣେ ଆଫଗାନ ନାଗରିକ ସମେତ ୬ ଜଣଙ୍କୁ ଅଟକ ରଖାଯାଇଛି। ଗ୍ରାମର ଯେଉଁ ଘରୁ ଏହି ହେରୋଇନ ଜବତ ହୋଇଛି ସେଠାରୁ ଅନ୍ୟ ନିଶାଦ୍ରବ୍ୟ ପ୍ରସ୍ତୁତି ପାଇଁ ରହିଥିବା ବିପୁଳ ରସାୟନିକ ସାମଗ୍ରୀ ମଧ୍ୟ ମିଳିଛି। ଏହି କାରବାର ପଛରେ ଏକ ଅନ୍ତର୍ଜାତୀୟ ରୢାକେଟ୍‌ କାମ କରୁଥିବା ଜଣାପଡ଼ିଛି।