ଗିରଫ ହେବା ପରେ ‘ଏକ୍ସ’ରେ ଏହି କବିତା ପୋଷ୍ଟ୍‌ କଲେ ହେମନ୍ତ ‌ସୋରେନ୍‌

ନୂଆଦିଲ୍ଲୀ: ଝାରଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନ ବୁଧବାର ବିଳମ୍ବିତ ରାତିରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି। ସେ ତାଙ୍କ ଇସ୍ତଫା ରାଜ୍ୟପାଳଙ୍କ ନିକଟରେ ଦାଖଲ କରିଛନ୍ତି। ବୁଧବାର ସାତ ଘଣ୍ଟା ଧରି ହେମନ୍ତ ସୋରେନଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ପଚରାଉଚରା କରିଥିଲା। ଏହା ପରେ ସେ ଇସ୍ତଫା ଦେଇଥିଲେ ଏବଂ ପରେ ଇଡି ତାଙ୍କୁ ଗିରଫ କରିଥିଲା।

ଗିରଫ ପରେ ହେମନ୍ତ ସୋରେନଙ୍କ ଏକ୍ସ ହ୍ୟାଣ୍ଡେଲରୁ ଏକ ପୋଷ୍ଟ ସେୟାର କରାଯାଇଥିଲା। ଯେଉଁଥିରେ ସେ ଏକ କବିତା ମାଧ୍ୟମରେ ସଂଗ୍ରାମ ଜାରି ରଖିବାର ବାର୍ତ୍ତା ଦେଇଥିଲେ। ହିନ୍ଦୀରେ ‌ଲିଖିତ ତାଙ୍କ କବିତାଟିକୁ ଆପଣ ଏଠାରେ ପଢନ୍ତୁ।

ହେମନ୍ତ ସୋରେନଙ୍କ ବିରୋଧରେ ଜମି ଦୁର୍ନୀତି ମାମଲାରେ ଯାଞ୍ଚ କରୁଛି ଇଡି। ୬୦୦ କୋଟି ଟଙ୍କାର ଜମି ଦୁର୍ନୀତି ମାମଲାରେ ଛନ୍ଦି ହୋଇଥିବା ହେମନ୍ତ ସୋ‌ରେନ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଦ୍ବାରା ଗିରଫ ହେବାର କିଛି ଘଣ୍ଟା ପୂର୍ବରୁ ମହାଗଠବନ୍ଧନର ବିଧାୟକମାନଙ୍କୁ ଏକ ପତ୍ର ଲେଖିଥିଲେ। ସେଥିରେ ସେ ଚମ୍ପାଇ ସୋରେନଙ୍କୁ ଝାରଖଣ୍ଡ ମୁକ୍ତି ମୋର୍ଚ୍ଚା (ଜେଏମ୍‌ଏମ୍‌) ବିଧାନସଭା ଦଳର ନେତା ବୋଲି ଘୋଷଣା କରିଥିଲେ।

ସେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ସୋରେନଙ୍କୁ ଗିରଫ କରାଯାଇଥିଲା। ଏଥିସହ ତାଙ୍କ ଦଳର ବିଶ୍ୱସ୍ତ ତଥା ରାଜ୍ୟ ପରିବହନ ମନ୍ତ୍ରୀ ଚମ୍ପାଇ ସୋରେନଙ୍କୁ ତାଙ୍କ ଉତ୍ତରାଧିକାରୀ ଭାବରେ ନାମିତ କରାଯାଇଛି।