ଚର୍ଚ୍ଚାରେ ଉତ୍ତରପ୍ରଦେଶର କୁନ୍ଦାର୍କି ଆସନ, କାରଣ ଜାଣନ୍ତୁ

ଲକ୍ଷ୍ନୌ: ମହାରାଷ୍ଟ୍ର ଓ ଝାଡ଼ଖଣ୍ଡ ନିର୍ବାଚନ ସହ ଉତ୍ତରପ୍ରଦେଶରେ ହୋଇଥିବା ୯ଟି ବିଧାନସଭା ଆସନ ପାଇଁ ଉପନିର୍ବାଚନ ଉପରେ ସମସ୍ତଙ୍କ ନଜର ଥିଲା । ଏହି ୯ଟି ମଧ୍ୟରୁ ୭ଟିରେ ବିଜେପି ଜିତିଛି । ତେବେ କୁନ୍ଦାର୍କି ଆସନରେ ବିଜେପି ହାସଲ କରିଥିବା ବିଜୟକୁ ନେଇ ଚର୍ଚ୍ଚା ଜାରି ରହିଛି । କାରଣ ମୁସଲିମବହୁଳ ଏହି ଆସନରେ ମୋଟ ୧୨ ଜଣ ପ୍ରାର୍ଥୀଙ୍କ ମଧ୍ୟରୁ ଜଣେ ହିନ୍ଦୁ ଥିବାବେଳେ ଅନ୍ୟ ୧୧ ଜଣ ମୁସଲିମ ପ୍ରାର୍ଥୀ ଥିଲେ । 

କୁନ୍ଦାର୍କି ଆସନରେ ବିଜେପି ହାସଲ କରିଥିବା ବିଜୟକୁ ନେଇ ଚର୍ଚ୍ଚା ଜାରି ରହିଛି । କାରଣ ମୁସଲିମବହୁଳ ଏହି ଆସନରେ ମୋଟ ୧୨ ଜଣ ପ୍ରାର୍ଥୀଙ୍କ ମଧ୍ୟରୁ ଜଣେ ହିନ୍ଦୁ ଥିବାବେଳେ ଅନ୍ୟ ୧୧ ଜଣ ମୁସଲିମ ପ୍ରାର୍ଥୀ ଥିଲେ । 

କୁନ୍ଦାର୍କି ବିଧାନସଭା ଆସନରେ ବିଜେପି ପ୍ରାର୍ଥୀ ରାମବୀର ସିଂହ ୧୭୦,୩୭୧ ଖଣ୍ଡ ଭୋଟ୍ ପାଇଥିଲେ। ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ସମାଜବାଦୀ ପାର୍ଟିର ମହମ୍ମଦ ରିଜୱାନ ମାତ୍ର ୨୫,୫୮୦ ଖଣ୍ଡ ଭୋଟ୍ ପାଇଥିଲେ। ଫଳରେ ରାମବୀର ସିଂହ ୧,୪୪,୭୯୧ ଖଣ୍ଡ ଭୋଟରେ ବିଜୟୀ ହୋଇଥିଲେ। ରାମବୀରଙ୍କ ବ୍ୟତୀତ ଏହି ଆସନରେ ଅନ୍ୟ ୧୧ ଜଣ ପ୍ରାର୍ଥୀ ଥିଲେ, ସମସ୍ତେ ମୁସଲମାନ ସମ୍ପ୍ରଦାୟର ଥିଲେ।

ମୁସଲମାନ ବହୁଳ ଏହି ଆସନରେ ରାମବୀର ସିଂହଙ୍କ ଯାଦୁ ଏତେ ଭଲ କାମ କରିଥିଲା ଯେ ଅନ୍ୟ ସମସ୍ତ ପ୍ରାର୍ଥୀଙ୍କୁ ଛାଡି ଲୋକମାନେ ତାଙ୍କୁ ଭୋଟ ଦେଇଥିଲେ । ଏହି ଆସନରୁ ୬ ଜଣ ସ୍ୱାଧୀନ ପ୍ରାର୍ଥୀ ମଧ୍ୟ ଭାଗ୍ୟ ପରୀକ୍ଷା କରିଥିଲେ। ଜଣେ ବ୍ୟତୀତ ୫ ଜଣ ପ୍ରାର୍ଥୀଙ୍କ ତୁଳନାରେ ନୋଟାକୁ ଅଧିକ ଭୋଟ୍ ମିଳିଥିଲା। ବହୁଜନ ସମାଜ ପାର୍ଟି ଏଠାରେ ମାତ୍ର ହଜାରେ ଛୁଇଁପାରିଥିଲା।