ପ୍ରଥମ ଭୋଟ୍ ଦେବାକୁ ମୁଁ ବାପାଙ୍କ ସହିତ ଆସିଥିଲି, ୯୫ ବର୍ଷ ବୟସରେ ସେ ମୋ ସହ ଆସିଛନ୍ତି: ବହୁ ସଂଖ୍ୟାରେ ଭୋଟ୍ ଦେବାକୁ ମୁଖ୍ୟ ନିର୍ବାଚନ କମିଶନର କଲେ ଅନୁରୋଧ

ନୂଆଦିଲ୍ଲୀ: ଭୋଟ୍ ଦେବା ପରେ ଭାରତର ମୁଖ୍ୟ ନିର୍ବାଚନ କମିଶନର ରାଜୀବ କୁମାର କହିଛନ୍ତି ଯେ ଯେତେବେଳେ ମୁଁ ପ୍ରଥମ ଥର ଭୋଟ୍ ଦେଲି, ମୁଁ ମୋ ବାପାଙ୍କ ସହ ଯାଇଥିଲି ଏବଂ ଆଜି ମୋ ବାପାଙ୍କୁ ୯୫ ବର୍ଷ ବୟସ ହୋଇ ଯାଇଛି। ସେ ଆଜି ମୋ ସହ ଭୋଟ୍ ଦେଇଛନ୍ତି। ଏହା ମୋ ଏବଂ ଆମ ପରିବାରର ସମସ୍ତଙ୍କ ପାଇଁ ଅତ୍ୟନ୍ତ ଗର୍ବର ବିଷୟ। ଭୋଟରମାନେ ନିଶ୍ଚିତ ଭାବରେ ସେମାନଙ୍କର ଭୋଟ୍ ଦେବେ ବୋଲି ମୋର ଆଶା। ସମଗ୍ର ଦେଶରେ ବହୁତ ଭଲ ଭୋଟିଂ ଚାଲିଛି ବୋଲି ସେ କହିଛନ୍ତି।