ପାକିସ୍ତାନରେ ଯିବ ଆଇସିସି ଟିମ, ଚାମ୍ପିଅନ୍ସ ଟ୍ରଫି ପ୍ରସ୍ତୁତିର ଯାଞ୍ଚ କରିବେ

ଲାହୋର : ଆସନ୍ତା ବର୍ଷ ପାକିସ୍ତାନରେ ଆଇସିସି ଚାମ୍ପିୟନ୍ସ ଟ୍ରଫି ୨୦୨୫ ଆୟୋଜନ ହେବାର କାର୍ଯ୍ୟକ୍ରମ ରହିଛି। କରାଚି, ରାୱଲପିଣ୍ଡି ଏବଂ ଲାହୋରରେ ପଡ଼ିଆର ନବୀକରଣ ପ୍ରକ୍ରିୟା ବହୁ ପୂର୍ବରୁ ଆରମ୍ଭ ହୋଇଥିଲା। ଏହି ପ୍ରସ୍ତୁତି ମଧ୍ୟରେ ଅନ୍ତର୍ଜାତୀୟ କ୍ରିକେଟ ପରିଷଦର ଏକ ପ୍ରତିନିଧି ଦଳ ଏବେ ପାକିସ୍ତାନ ଆସି ପ୍ରସ୍ତୁତିର ସମୀକ୍ଷା କରୁଛନ୍ତି। ଏହି ପ୍ରତିନିଧି ଦଳରେ ଆଇସିସିର ବିଭିନ୍ନ ବିଭାଗର ଅଧିକାରୀ ମାନେ ରହିବେ, ଯେଉଁମାନେ ମ୍ୟାଚ୍ ଏବଂ ଭେନ୍ୟୁ ଅଭ୍ୟାସ କରିବା ପାଇଁ ଟୁର୍ଣ୍ଣାମେଣ୍ଟ କାର୍ଯ୍ୟସୂଚୀ ସହ ଜଡ଼ିତ ଅନେକ ବିଷୟର ଯାଞ୍ଚ କରିବେ। 

ଅନ୍ତର୍ଜାତୀୟ କ୍ରିକେଟ ପରିଷଦର ଏକ ପ୍ରତିନିଧି ଦଳ ଏବେ ପାକିସ୍ତାନ ଆସି ପ୍ରସ୍ତୁତିର ସମୀକ୍ଷା କରୁଛନ୍ତି। ଏହି ପ୍ରତିନିଧି ଦଳରେ ଆଇସିସିର ବିଭିନ୍ନ ବିଭାଗର ଅଧିକାରୀ ମାନେ ରହିବେ, ଯେଉଁମାନେ ମ୍ୟାଚ୍ ଏବଂ ଭେନ୍ୟୁ ଅଭ୍ୟାସ କରିବା ପାଇଁ ଟୁର୍ଣ୍ଣାମେଣ୍ଟ କାର୍ଯ୍ୟସୂଚୀ ସହ ଜଡ଼ିତ ଅନେକ ବିଷୟର ଯାଞ୍ଚ କରିବେ। 

ପାକିସ୍ତାନ କ୍ରିକେଟ୍ ବୋର୍ଡ (ପିସିବି)ର ଅଧିକାରୀମାନେ ପଡ଼ିଆ ଓ ଅନ୍ୟାନ୍ୟ ବିଷୟରେ କେତେ କାମ ହୋଇଛି ସେ ସମ୍ପର୍କରେ ବିସ୍ତୃତ ସୂଚନା ଦେବେ। ସୂତ୍ର ଅନୁସାରେ ଆସନ୍ତା ୨ ଦିନ ମଧ୍ୟରେ ଆଇସିସି ପିସିବିକୁ ଚୂଡ଼ାନ୍ତ କାର୍ଯ୍ୟସୂଚୀର ନକଲ ଦେଇପାରେ। ଏଥିସହ ଆଇସିସି ଅଧିକାରୀମାନେ ଚାମ୍ପିୟନ୍ସ ଟ୍ରଫି ମ୍ୟାଚ୍ ଖେଳାଯିବାକୁ ଥିବା ତିନୋଟି ଷ୍ଟାଡିୟମର ଯାଞ୍ଚ କରିବେ। ସେପଟେ ପାକିସ୍ତାନରେ ଟିକେଟ ବିକ୍ରି ରେ ମଧ୍ୟ ସମସ୍ୟା ଉପୁଜୁଥିବା ବେଳେ ଅଧିକାରୀମାନେ ମଧ୍ୟ ଏ ଦିଗରେ ଦୃଷ୍ଟି ଦେବାକୁ ଯାଉଛନ୍ତି । ସୁରକ୍ଷା ଦିଗ ଉପରେ ଆଇସିସି ସର୍ବାଧିକ ଗୁରୁତ୍ବ ପ୍ରଦାନ କରୁଛି । ପାକିସ୍ତାନକୁ ଆସିବାକୁ ଥିବା  ଅନ୍ୟ ଦେଶର ଖେଳାଳିମାନଙ୍କ ସୁରକ୍ଷାକୁ ପ୍ରାଥମିକତା ଦିଆଯାଉଛି । ଏପରିକି ସୁରକ୍ଷାରେ ଆଇସିସି ସନ୍ତୁଷ୍ଟ ନହେଲେ ଆୟୋଜନ ଦାୟିତ୍ବ ବି ହରାଇପାରେ ପାକିସ୍ତାନ ।