ସରକାରଙ୍କୁ ସମାଲୋଚନା କଲେ ସିଧା ଜେଲ୍‌କୁ ଯିବ! ନିର୍ଦ୍ଦେଶ ଜାରି କଲା ମହାୟୁତି

ମୁମ୍ବାଇ: ମହାରାଷ୍ଟ୍ରର ମହାୟୁତି ସରକାର ସରକାରୀ କର୍ମଚାରୀଙ୍କ ପାଇଁ ଏକ ନୂତନ ନିର୍ଦ୍ଦେଶ ଜାରି କରିଛନ୍ତି। ଏହା ଅନୁସାରେ, ସରକାରୀ କର୍ମଚାରୀମାନେ ସରକାରୀ ନୀତି, ଉପରିସ୍ଥ ଅଧିକାରୀଙ୍କୁ ସମାଲୋଚନା କରିପାରିବେ ନାହିଁ କିମ୍ବା ସୋସିଆଲ ମିଡିଆରେ ନିଜର ମତାମତ ପ୍ରକାଶ କରିପାରିବେ ନାହିଁ। ମହାରାଷ୍ଟ୍ର ସିଭିଲ୍ ସର୍ଭିସେସ୍ (ଆଚରଣ) ନିୟମ, ୧୯୭୯ର ଉଲ୍ଲଂଘନକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି।

ଏହାର ଉଲ୍ଲଂଘନ ହେଲେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ସହିତ କଡ଼ା କାର୍ଯ୍ୟାନୁଷ୍ଠାନର ବ୍ୟବସ୍ଥା ଅଛି। ସରକାରଙ୍କ ଏହି ନିଷ୍ପତ୍ତି ଯୋଗୁ ନିଜସ୍ବ ମତାମତର ସ୍ୱାଧୀନତା ବିପଦରେ ପଡ଼ିପାରେ ବୋଲି ଆଶଙ୍କା ରହିଛି। 

୧୫ ମେ’ ୨୦୨୫ରେ ସରକାରଙ୍କ ଦ୍ୱାରା ଜାରି ହୋଇଥିବା ଏକ ସର୍କୁଲାର ଅନୁଯାୟୀ, କିଛି କର୍ମଚାରୀ ଏବଂ ଅଧିକାରୀ ଫେସବୁକ୍, ୟୁଟ୍ୟୁବ୍, ଏକ୍ସ, ଇନଷ୍ଟାଗ୍ରାମ, ହ୍ୱାଟସଆପ୍ ଏବଂ ଲିଙ୍କଡିନ୍ ଭଳି ସୋସିଆଲ ମିଡିଆରେ ସରକାର ଏବଂ ବରିଷ୍ଠ ଅଧିକାରୀଙ୍କ ନୀତିଗତ ନିଷ୍ପତ୍ତିକୁ ସମାଲୋଚନା କରୁଥିବାର ଦେଖାଯାଇଛି।

ଏପରି କାର୍ଯ୍ୟ ସରକାରୀ କାର୍ଯ୍ୟର ସଚ୍ଚୋଟତା ଏବଂ ଅଖଣ୍ଡତାକୁ କ୍ଷୁର୍ଣ୍ଣ କରୁଛି ବୋଲି ସର୍କୁଲାରରେ କୁହାଯାଇଛି। ଏହି ବିଷୟକୁ ଅତ୍ୟନ୍ତ ଗମ୍ଭୀର ବୋଲି ଦର୍ଶାଇ ସର୍କୁଲାରରେ କର୍ମଚାରୀମାନଙ୍କୁ ସୋସିଆଲ ମିଡିଆରେ ଏପରି କୌଣସି ବିଷୟବସ୍ତୁ ପୋଷ୍ଟ ନକରିବାକୁ କଡ଼ା ନିର୍ଦ୍ଦେଶ ଦିଆଯାଇଛି।

ଅଧିକ ପଢ଼ନ୍ତୁ: ୬ ବନ୍ଧୁକ, ୧ କ୍ୟାମେରା ଏବଂ ଅନେକ ପ୍ରଶ୍ନ... ଜ୍ୟୋତିଙ୍କୁ ପାକିସ୍ତାନରେ କାହିଁକି ମିଳିଥିଲା କଡ଼ା ସୁରକ୍ଷା,ଭିଡିଓ ଭାଇରାଲ

ଆଦେଶରେ ଏହା ମଧ୍ୟ କୁହାଯାଇଛି ଯେ, ଯଦି ସରକାରୀ କର୍ମଚାରୀ କିମ୍ବା ଅଧିକାରୀମାନେ ସରକାରୀ ନୀତି କିମ୍ବା ଉପରିସ୍ଥ ଅଧିକାରୀଙ୍କ ବିରୁଦ୍ଧରେ କୌଣସି ମତାମତ, ସମାଲୋଚନା କିମ୍ବା ଆପତ୍ତି ପ୍ରକାଶ କରନ୍ତି, ତେବେ ସେମାନଙ୍କ ବିରୁଦ୍ଧରେ ମହାରାଷ୍ଟ୍ର ସିଭିଲ୍ ସର୍ଭିସେସ୍ (ଆଚରଣ) ନିୟମ, ୧୯୭୯ ଅନୁଯାୟୀ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନିଆଯିବ।

ଏହାକୁ ନେଇ ବିରୋଧୀ ଦଳ ପକ୍ଷରୁ କଡ଼ା ସମାଲୋଚନା କରାଯାଇ କୁହାଯାଇଛି, ସରକାର ଯାହା ବି କରନ୍ତୁ, ଲୋକମାନେ ଦୁର୍ନୀତି ଏବଂ ଲୁଟ ବିରୋଧରେ ସ୍ୱର ଉଠାଇବା ଉଚିତ୍ ନୁହେଁ। ଏହା ଲୋକଙ୍କ ସ୍ୱରକୁ ଦମନ କରିବାର ଏକ ପ୍ରୟାସ। ଦୁର୍ନୀତିଗ୍ରସ୍ତ ସରକାର ଏବଂ ପ୍ରଶାସନ ନିଜର ବିଫଳତାକୁ ଲୁଚାଇବା ପାଇଁ ମତାମତ ସ୍ୱାଧୀନତା ଛଡ଼ାଇ ନେବାକୁ ଚେଷ୍ଟା କରୁଛନ୍ତି।

ଅଧିକ ପଢ଼ନ୍ତୁ: ଖୋର୍ଦ୍ଧା-ବଲାଙ୍ଗୀର ରେଳଲାଇନ୍‌ର ନିର୍ମାଣ କାମ ବେଳେ ଅଘଟଣ: ଭୁଶୁଡ଼ିଲା ଟନେଲ୍‌

maharasta | mahayuti-government