ବିଏମ୍‌ଡବ୍ଲୁ ହିଟ୍ ଆଣ୍ଡ୍‌ ରନ୍‌ ମାମଲା: ସମୟ ପରେ ଅଭିଯୁକ୍ତଙ୍କୁ ମଦ ଦେଇଥିବା ବାର୍‌ ଲାଇସେନ୍ସ ହେଲା ରଦ୍ଦ

ମୁମ୍ବାଇ: ମୁମ୍ବାଇର ବିଏମ୍‌ଡବ୍ଲୁ ହିଟ୍ ଆଣ୍ଡ୍‌ ରନ୍‌ ମାମଲା ପରେ ଏବେ ମୁମ୍ବାଇର ଉକ୍ତ ବାର୍ ଲାଇସେନ୍ସକୁ ରଦ୍ଦ କରି ଦିଆଯାଇଛି ଯେଉଁ ବାର୍‌ରୁ ଅଭିଯୁକ୍ତ ମଦ୍ୟପାନ କରିଥିଲେ। ଅଭିଯୁକ୍ତ ମିହିର ଶାହା ଗତ ରବିବାର ଦିନ ତାଙ୍କ ବଡ଼ ଗାଡ଼ିରେ ବାଇକ୍‌ରେ ଯାଉଥିବା ଏକ ଦମ୍ପତିଙ୍କୁ ଧକ୍କା ଦେବା ପରେ ପଛରେ ବସିଥିବା ମହିଳାଙ୍କର ମୃତ୍ୟୁ ଘଟିଥିଲା।

ଜାଣିବାକୁ ମିଳିଛି ଯେ ଦୁର୍ଘଟଣା ପୂର୍ବରୁ ଅଭିଯୁକ୍ତ ଚାରି ବୋତଲ ବିୟର କିଣିଥିଲେ। ତେବେ ବାର୍‌ ଏହି ଅଭିଯୋଗ ଉଲ୍ଲଂଘନ ହେତୁ ଏହାକୁ ସାମୟିକ ଭାବେ ସ୍ଥଗିତ କରାଯାଇଛି ବୋଲି ଅଧିକାରୀମାନେ କହିଛନ୍ତି।

ପୁଲିସ ସୂତ୍ରରୁ ପ୍ରକାଶ ଯେ ବାଇକରେ ମହିଳାଙ୍କୁ ମୃତ ଅବସ୍ଥାରେ ଛାଡି ଦେଇଥିବା ମିହିର ଶାହା ଅତ୍ୟଧିକ ମଦ୍ୟପାନ କରିଥିଲେ। ମିହିର ଏବଂ ତାଙ୍କ ଡ୍ରାଇଭର ମାଲାଡର ସାଇ ପ୍ରସାଦ ବାରରୁ ବିୟର କିଣି କାର ଭିତରେ ପିଇଥିଲେ।
ନିର୍ଦ୍ଦିଷ୍ଟ ସମୟ ପରେ ଅଭିଯୁକ୍ତଙ୍କୁ ବିୟର ବିକ୍ରି କରିଥିବାରୁ ବାରର ଲାଇସେନ୍ସ ସ୍ଥଗିତ ରଖାଯାଇଛି ବୋଲି ପୁଲିସ ସୂତ୍ରରୁ ପ୍ରକାଶ। ଯେତେବେଳେ ଅଧିକାରୀମାନେ ବାର ଉପରେ ଚଢ଼ାଉ କରିଥିଲେ, ସେମାନେ  ସୁରକ୍ଷା କ୍ୟାମେରା ଫୁଟେଜ୍ ଡିଲିଟ୍ ହୋଇଥିବା ଦେଖିବାକୁ ପାଇଥିଲେ।

ମିହିର ଶାହା ଏବଂ ତାଙ୍କର ତିନି ସାଙ୍ଗ ଜୁହୁର ଭାଇସ-ଗ୍ଲୋବାଲ ତାପସ ବାରରେ ହ୍ବିସ୍କି ପିଇଥିଲେ। ତା’ପରେ ସେମାନେ ଆହୁରି ମଦ ନେଇ ବାର୍‌ ଛାଡ଼ିଥିଲେ। ମିହିର ଶାହା ହେଉଛନ୍ତି ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଶିବସେନା ଦଳର ସଦସ୍ୟ ରାଜନେତା ରାଜେଶ ଶାହାଙ୍କ ପୁଅ