ସିବିଏସଇର ଏକ ଅଧିବେଶନରେ ଯୋଗ ଦେଇ ଛାତ୍ର ଏବଂ ସେମାନଙ୍କ ଅଭିଭାବକଙ୍କୁ ଚକିତ କରିଦେଲେ ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି କେନ୍ଦ୍ର ଶିକ୍ଷା ମନ୍ତ୍ରାଳୟ ଦ୍ୱାରା ଆୟୋଜିତ ଏକ ଅଧିବେଶନରେ ଯୋଗ ଦେଇ ସିବିଏସଇର ଅନେକ ଛାତ୍ର ଏବଂ ସେମାନଙ୍କ ପିତାମାତାଙ୍କୁ ଚକିତ କରି ଦେଇଛନ୍ତି। କୋଭିଡ ସ୍ଥିତିକୁ ଧ୍ୟାନରେ ରଖି ୨୦୨୧ ଶିକ୍ଷାବର୍ଷ ପାଇଁ ବୋର୍ଡର ଦ୍ବାଦଶ ଶ୍ରେଣୀ ପରୀକ୍ଷା ବାତିଲ କରିବାର ଦୁଇ ଦିନ ପରେ ଏପରି କରିଛନ୍ତି ମୋଦୀ।

ପ୍ରଧାନମନ୍ତ୍ରୀ ଆଜି ବୈଠକରେ ଛାତ୍ରଛାତ୍ରୀମାନଙ୍କ ଅଭିଭାବକମାନଙ୍କ ସହିତ କଥାବାର୍ତ୍ତା କରିଛନ୍ତି ଏବଂ ସେମାନଙ୍କ ସହିତ ସେମାନଙ୍କର ସମସ୍ୟା ସଂପର୍କରେ ଆଲୋଚନା ବି କରିଛନ୍ତି।

ପ୍ରଧାନମନ୍ତ୍ରୀ ମୋଦୀ ପରୀକ୍ଷା ବାତିଲ୍‌ ନିଷ୍ପତ୍ତି ଜୁନ୍‌ ୧ ତାରିଖରେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ପରିବେଶ ମନ୍ତ୍ରୀ ପ୍ରକାଶ ଜାଭଡେକର ଏବଂ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ମୁଖ୍ୟ ମନୋଜ ଅହୁଜାଙ୍କ ଉପସ୍ଥିିତିରେ ହୋଇଥିବା ଏକ ବୈଠକରେ ନେଇଥିଲେ।

ସୁଚିନ୍ତିତ ଅବଜେକ୍ଟିଭ୍ ମାନଦଣ୍ଡ ଆଧାରରେ ବୋର୍ଡ ବର୍ତ୍ତମାନ ଛାତ୍ରଛାତ୍ରୀଙ୍କ ପରୀକ୍ଷା ଫଳାଫଳ ଆକଳନ କରିବ ବୋଲି ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମଓ) ଘୋଷଣା କରିଛି। ଏହି ପଦକ୍ଷେପକୁ ସାରା ଦେଶରେ ସ୍ୱାଗତ କରାଯାଇଛି।