ପଶ୍ଚିମବଙ୍ଗରେ କୋଭିଡ୍-୧୯ ପଜିଟିଭ୍‌ ହାର ୪୦%ରୁ ଅଧିକ

କୋଲକାତା: ପଶ୍ଚିମବଙ୍ଗରେ କରୋନା ସଂକ୍ରମଣ ଦ୍ରୁତ ଗତିରେ ବଢ଼ି ଚାଲିଛି। ଦିନକରେ ୧୯,୨୧୬ ନୂଆ ସଂକ୍ରମଣ ମାମଲା ଆସିଥିବା ବେଳେ ଏହାକୁ ନେଇ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡ. ହର୍ଷବର୍ଦ୍ଧନ କହିଛନ୍ତି, ରାଜ୍ୟର ବିଭିନ୍ନ ଜିଲ୍ଲାରେ ପଜିଟିଭ୍‌ ହାର ୪୦ ପ୍ରତିଶତରୁ ଅଧିକ। ତେଣୁ ରାଜ୍ୟରେ ଟେଷ୍ଟିଂ କ୍ଷମତା ବୃଦ୍ଧି କରିବା ସହ ଆବଶ୍ୟକ ସ୍ବାସ୍ଥ୍ୟ ଭିତ୍ତିଭୂମି ବୃଦ୍ଧି କରିବାକୁ ସେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ କହିଛନ୍ତି। ସୂଚନାଯୋଗ୍ୟ, ଗତ ୨୪ ଘଣ୍ଟାରେ ରାଜ୍ୟରେ ୧୭,୭୮୦ ଆରୋଗ୍ୟ ହୋଇଥିବା ଜଣାପଡ଼ିଛି। ଅନ୍ୟପକ୍ଷରେ, ସମସ୍ତଙ୍କୁ ମାଗଣା ଟିକା ଦିଆଯିବା ଏବଂ ସମାନ ମୂଲ୍ୟ ରଖିବା ଦାବି ନେଇ ରାଜ୍ୟ ସରକାର ଆଜି ସୁପ୍ରିମ କୋର୍ଟଙ୍କ ଦ୍ବାରସ୍ଥ ହୋଇଛନ୍ତି।