ଜାତୀୟ ପତାକା ଉତ୍ତୋଳନ ପରର ନିୟମ ଉଲ୍ଲେଖ କଲା ଗ୍ରାମୀଣ ବିକାଶ ମନ୍ତ୍ରଣାଳୟ

ନୂଆଦିଲ୍ଲୀ: ସ୍ୱାଧୀନତା ଦିବସକୁ ଭାରତର ଜାତୀୟ ଦିବସ ଭାବରେ ପାଳନ କରାଯାଏ। ୨୦୨୫ ସ୍ୱାଧୀନତା ଦିବସ ପାଇଁ ଆଉ ମାତ୍ର କିଛି ଦିନ ବାକି ଅଛି। ଚଳିତ ବର୍ଷ ଭାରତ ୭୯ତମ ସ୍ୱାଧୀନତା ଦିବସ ପାଳନ କରିବ ।।

ଗତ କିଛି ବର୍ଷ ଧରି ସରକାର ଦେଶର ପ୍ରତ୍ୟେକ ନାଗରିକଙ୍କୁ ନିଜ ଘରେ ତ୍ରିରଙ୍ଗା ଉତ୍ତୋଳନ କରିବାକୁ ଅନୁମତି ଦେଇଛନ୍ତି। ପ୍ରତିବର୍ଷ ଏହାକୁ "ହର ଘର ତିରଙ୍ଗା" ଅଭିଯାନ ମାଧ୍ୟମରେ ପାଳନ କରାଯାଇ ଆସୁଛି।

ଗ୍ରାମୀଣ ବିକାଶ ମନ୍ତ୍ରଣାଳୟ ଭାରତ ସରକାରଙ୍କ "ହର ଘର ତିରଙ୍ଗା" ଅଭିଯାନ ମାଧ୍ୟମରେ  ଜାତୀୟ ପତାକା ଉତ୍ତୋଳନ କରିବା ପରେ ଏହାକୁ ତଳକୁ ଓହ୍ଲାଇବା ପାଇଁ କିଛି ନିୟମ ଉଲ୍ଲେଖ କରିଛି।। ଯଦ୍ବାରା ଆମ ଜାତୀୟ ପତାକାର ଅପମାନ ହେବ ନାହିଁ।

ଗ୍ରାମୀଣ ବିକାଶ ମନ୍ତ୍ରଣାଳୟ ସରକାରୀ ଏକ୍ସ ହ୍ୟାଣ୍ଡେଲରେ ସୂଚନା ଦେଇ କହିଛି, "#ହର ଘର ତିରଙ୍ଗା ଅଧୀନରେ, ଆମେ ସମସ୍ତେ ଆମ ଘରେ ତ୍ରିରଙ୍ଗା ଉତ୍ତୋଳନ କରିବାକୁ ଯାଉଛୁ। ଆପଣଙ୍କୁ ଅନୁରୋଧ କରାଯାଉଛି ଯେ ଏହାପରେ ଦୟାକରି ଜାତୀୟ ପତାକାକୁ ମୋଡ଼ନ୍ତୁ ନାହିଁ। ଏହାକୁ ସମ୍ମାନର ସହିତ ରଖନ୍ତୁ ଯାହା ଦ୍ଵାରା ଆପଣ ପରବର୍ତ୍ତୀ ଗଣତନ୍ତ୍ର ଦିବସ ଏବଂ ସ୍ୱାଧୀନତା ଦିବସରେ ପୁଣି ଥରେ ଆପଣଙ୍କର ତ୍ରିରଙ୍ଗା ଉଡ଼ାଇପାରିବେ।"

ପତାକା ତଳକୁ ଓହ୍ଲାଇବା ପାଇଁ ରହିଛି ଏସବୁ ନିୟମ

ଜାତୀୟ ପତାକାକୁ ତଳକୁ ଓହ୍ଲାଇବା ପରେ ପ୍ରଥମେ ଏହାକୁ ଭୂସମାନ୍ତର ଭାବରେ ରଖନ୍ତୁ। ଧଳା ମଧ୍ୟସ୍ଥ ପଟି ତଳେ କମଳା ଏବଂ ସବୁଜ ପଟିକୁ ମୋଡ଼ନ୍ତୁ।

ପତାକାକୁ ଏପରି ଭାବରେ ମୋଡ଼ନ୍ତୁ ଯେପରି କମଳା ଏବଂ ସବୁଜ ପଟି ସହିତ କେବଳ ଅଶୋକ ଚକ୍ର ଦୃଶ୍ୟମାନ ହେବ।ଭଙ୍ଗା ଯାଇଥିବା ପତାକାକୁ ପାପୁଲି, ହାତ କିମ୍ବା କାନ୍ଧରେ ଧରି ଏକ ସୁରକ୍ଷିତ ସ୍ଥାନରେ ରଖି ଦିଅନ୍ତୁ।