ଅଗଷ୍ଟ ୨୯ରୁ ଅଗଷ୍ଟ ୩୧ ମଧ୍ୟରେ ଚୀନର ଅନୁପ୍ରବେଶ ଉଦ୍ୟମ ବିଫଳ କରିବା ପାଇଁ ଗୁଳି ଚଳାଇଥିଲା ଭାରତୀୟ ସେନା

ନୂଆଦିଲ୍ଲୀ: ଲଦାଖ ସୀମାରେ ଭାରତ ଏବଂ ଚୀନ୍ ମଧ୍ୟରେ ତିକ୍ତତା ସମ୍ପୂର୍ଣ୍ଣ ରୂପେ କମିନାହିଁ। ଚୀନ୍ ସେନା ସୀମାରେ ଉତ୍ତେଜନା ସୃଷ୍ଟି କରିବାକୁ ଉଦ୍ୟମ କରୁଥିବା ବେଳେ ଭାରତ ଚୀନର ଗତିବିଧି ଉପରେ ନଜର ରଖିଛି। ଯେତେବେଳେ ପାଙ୍ଗୋଙ୍ଗ ହ୍ରଦର ଦକ୍ଷିଣ କୂଳରେ ଭାରତୀୟ ସେନା ନିଜର ଉପସ୍ଥିତି ବଢ଼ାଇଲା, ସେତେବେଳେ ଚୀନ୍ ଉତ୍ତର କୂଳ ନିଜର ଗତିବିଧିକୁ ତୀବ୍ର କରିଥିଲା।

ସେନାର ଅଧିକାରୀଙ୍କ ଅନୁଯାୟୀ ଭାରତୀୟ ସେନା ବର୍ତ୍ତମାନ ଦକ୍ଷିଣ କୂଳରୁ ଉତ୍ତର କୂଳ ପର୍ଯ୍ୟନ୍ତ ନିଜର ଉପସ୍ଥିତି ବୃଦ୍ଧି କରିଛି। ଚୀନ୍‌ର ପିପୁଲ୍ସ ଲିବରେସନ୍ ଆର୍ମି (ପିଏଲଏ) ଅନେକ କ୍ଷେତ୍ରରେ ଭାରତୀୟ ସୀମାକୁ ଅନୁପ୍ରବେଶ କରିବାକୁ ଚେଷ୍ଟା କରୁଛନ୍ତି। ଏହି ସମୟରେ ତାଙ୍କୁ ଅଟକାଇବା ସହ ଚେତାବନୀ ମଧ୍ୟ ଦିଆଯାଉଛି।

aajtak

ସୂଚନାନୁସାରେ, ଅଗଷ୍ଟ ୨୯ରୁ ଅଗଷ୍ଟ ୩୧ ମଧ୍ୟରେ ଚୀନର ଅନୁପ୍ରବେଶ ଉଦ୍ୟମ ବିଫଳ କରିବା ପାଇଁ ପାଙ୍ଗୋଙ୍ଗ ହ୍ରଦର ଦକ୍ଷିଣ କୂଳରେ ଗୁଳି ଚଳାଇଥିଲା ଭାରତୀୟ ସେନା। ଏହି ସମୟରେ ହାଲୁକା ମେସିନ୍ ବନ୍ଧୁକ ଏବଂ ଆକ୍ରମଣକାରୀ ରାଇଫଲ ବ୍ୟବହାର କରାଯାଇଥିଲା | ଏହା ପରେ ମଧ୍ୟ ସୀମାରେ ଚେତାବନୀ ଦେବା ପାଇଁ ଗୁଳି ଚଳାଇବାର କିଛି ଘଟଣା ଘଟିଥିଲା।