ଆମେରିକାକୁ କ୍ଷତି ପହଞ୍ଚାଉଛନ୍ତି ଭାରତ-ଚୀନ୍: ଟ୍ରମ୍ପ୍

ୱାଶିଂଟନ୍:  ଆମେରିକାର ସ୍ୱାର୍ଥକୁ ଗୁରୁତ୍ବ ପ୍ରଦାନ କରି  ଅନ୍ୟ  ଦେଶ ଉପରେ ଶୁଳ୍କ ଲାଗୁ କରିବାକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଘୋଷଣା କରିଛନ୍ତି। ଆମେରିକାର ସ୍ୱାର୍ଥକୁ କ୍ଷତି ପହଞ୍ଚାଉଥିବା ଦେଶ ମଧ୍ୟରେ ସେ ଚୀନ୍, ଭାରତ ଏବଂ ବ୍ରାଜିଲର ନାମ ନେଇଛନ୍ତି। ଫ୍ଲୋରିଡାସ୍ଥିତ ହାଉସ୍ ରିପବ୍ଲିକାନ୍ସଙ୍କ ଏକ କାର୍ଯ୍ୟକ୍ରମ ଅବସରରେ ଟ୍ରମ୍ପ ତାଙ୍କର 'ଆମେରିକା ପ୍ରଥମ' ଅର୍ଥନୈତିକ ଏଜେଣ୍ଡା ଉପରେ ଗୁରୁତ୍ୱାରୋପ କରିଥିଲେ।

ଟ୍ରମ୍ପ କହିଛନ୍ତି ଯେ, ଆମେ ଏପରି ଦେଶ ତଥା ସଂସ୍ଥା ଉପରେ ଶୁଳ୍କ ଲାଗୁ କରିବାକୁ ଯାଉଛୁ ଯାହା ଆମକୁ କ୍ଷତି ପହଞ୍ଚାଇବାକୁ ଚାହୁଁଛି। ସେମାନେ ଆମ ଖର୍ଚ୍ଚରେ ନିଜ ଦେଶକୁ ମଜବୁତ କରିବାକୁ ଚାହୁଁଛନ୍ତି, କିନ୍ତୁ ଆମେ ତାହା ଆଉ ହେବାକୁ ଦେବୁ ନାହିଁ। 

ଚୀନ୍, ଭାରତ ଏବଂ ବ୍ରାଜିଲ ଭଳି ଦେଶକୁ ଟ୍ରମ୍ପ ଟାର୍ଗେଟ କରି କହିଛନ୍ତି ଯେ, ସେମାନେ ଆମେରିକା ବିରୋଧରେ ଅନ୍ୟାୟରେ ଶୁଳ୍କ ଲଗାଇଛନ୍ତି। ସେ କହିଥିଲେ, ଅନ୍ୟମାନେ କଣ କରୁଛନ୍ତି ଦେଖନ୍ତୁ। ଚୀନ୍  ଏକ ଜବରଦସ୍ତ ଶୁଳ୍କ ନିର୍ମାତା ଏବଂ ଭାରତ ଏବଂ ବ୍ରାଜିଲ ତଥା ଅନ୍ୟାନ୍ୟ ଦେଶ ମଧ୍ୟ ସେହିପରି  କାର୍ଯ୍ୟ କରୁଛନ୍ତି। ସେଥିପାଇଁ ଆମେ ଏହା ଆଉ ଘଟିବାକୁ ଦେବୁ ନାହିଁ କାରଣ ଆମେ ଆମେରିକାକୁ ପ୍ରଥମ ସ୍ଥାନ ଦେବୁ।

ସେ ଏକ ନ୍ୟାୟପୂର୍ଣ୍ଣ ବ୍ୟବସ୍ଥା ପ୍ରତିଷ୍ଠା ପାଇଁ ଯୋଜନା ବିଷୟରେ କହିଥିଲେ। ସେ କହିଛନ୍ତି ଯେ, ଏହା ଆମେରିକାର ଟ୍ରେଜେରୀକୁ ଟଙ୍କା ଆଣିବ ଏବଂ ଦେଶ ପୁଣି ଧନୀ ହେବ। ଏହା ଖୁବ ଶୀଘ୍ର ଘଟିବ ବୋଲି ଟ୍ରମ୍ପ କହିଛନ୍ତି। ଉଚ୍ଚ ଶୁଳ୍କରୁ ବଞ୍ଚିବା ପାଇଁ ଆମେରିକାରେ ଉତ୍ପାଦନ କାରଖାନା ସ୍ଥାପନ କରିବାକୁ ଆମେରିକାର ରାଷ୍ଟ୍ରପତିମାନେ ବଡ଼ ବଡ଼ କମ୍ପାନିଙ୍କୁ ମଧ୍ୟ ଅନୁରୋଧ କରିଛନ୍ତି।

ସେ କହିଛନ୍ତି ଯେ, ଯଦି ଆପଣ ଟିକସ କିମ୍ବା ଶୁଳ୍କ ଦେବା ବନ୍ଦ କରିବାକୁ ଚାହାନ୍ତି, ତେବେ ଆପଣଙ୍କୁ ଆମେରିକାରେ ଆପଣଙ୍କ ପ୍ଲାଣ୍ଟ ନିର୍ମାଣ କରିବାକୁ ପଡିବ। ଏହା ରେକର୍ଡ ସ୍ତରରେ ଘଟିବାକୁ ଯାଉଛି। ଆମେ ଆଗାମୀ ସ୍ୱଳ୍ପ ସମୟ ମଧ୍ୟରେ ଅଧିକ ପ୍ଲାଣ୍ଟ ନିର୍ମାଣ କରିବାକୁ ଯାଉଛୁ। 

ଅଧିକ ପଢ଼ନ୍ତୁ: ସୈଫ୍ ଶୀଘ୍ର ସୁସ୍ଥ ହେବା ଦେଖି ପ୍ରଶ୍ନ କରୁଥିବା ଲୋକଙ୍କୁ ଭଉଣୀ ସବାଙ୍କ ଜବାବ

ଏହି ପଦକ୍ଷେପକୁ ସମର୍ଥନ କରିବାକୁ ଟ୍ରମ୍ପ ଫାର୍ମାସ୍ୟୁଟିକାଲ୍ସ, ସେମିକଣ୍ଡକ୍ଟର ଏବଂ ଷ୍ଟିଲ ଭଳି ଜଟିଳ ଶିଳ୍ପରେ କାର୍ଯ୍ୟ କରୁଥିବା କମ୍ପାନିଗୁଡିକୁ ସହାୟତା କରିବାକୁ ପ୍ରତିଶ୍ରୁତି ଦେଇଛନ୍ତି। ଏହାପୂର୍ବରୁ ଟ୍ରମ୍ପ ଭାରତ ସମେତ ବ୍ରିକ୍ସ ବ୍ଲକରେ 'ଶତପ୍ରତିଶତ ଶୁଳ୍କ' ଲାଗୁ କରିବାକୁ ଇଙ୍ଗିତ କରିଥିଲେ, ଯାହାଫଳରେ ସେ ଉଦୀୟମାନ ଅର୍ଥନୀତିର ଗୋଷ୍ଠୀ ସହ ପ୍ରତିଦ୍ୱନ୍ଦ୍ୱିତା କରିପାରିବେ।

ଅଧିକ ପଢ଼ନ୍ତୁ: ଶିମିଳିପାଳରୁ ୫ଟି ଦେଶୀ ବନ୍ଧୁକ ଓ ବିସ୍ଫୋରକ ଜବତ, ୨ ଅଭିଯୁକ୍ତ ଗିରଫ