ରୁଷ୍‌ ସହ ଏସ୍‌-୪୦୦ ଚୁକ୍ତି ଯୋଗୁଁ ଆମେରିକାର କଟକଣା; ଟ୍ରମ୍ପ୍‌ କହିଲେ: ଖୁବ୍‌ ଶୀଘ୍ର ଭାରତ ଜାଣିପାରିବ

ଓ୍ଵାସିଂଟନ୍‌: ରୁଷ୍‌ ଠାରୁ ଏସ୍‌-୪୦୦ ଏୟାର୍‌ ଡିଫେନ୍‌ସ୍‌ ସିଷ୍ଟମ୍‌ କିଣିବା ନିମନ୍ତେ ଭାରତ ୫ ବିଲିୟନ୍‌ ଡଲାର୍‌ ଚୁକ୍ତି ସ୍ୱାକ୍ଷର କରିବା ପରେ ଶୃଙ୍ଖଳାଗତ କଟକଣା ‘ସିଏଏଟିଏସ୍‌ଏ’ ସଂକ୍ରାନ୍ତରେ ତାଙ୍କର ନିଷ୍ପତ୍ତି ବିଷୟରେ ଭାତର ଖୁବ୍‌ ଶୀଘ୍ର ଜାଣି ପାରିବ ବୋଲି ବୁଧବାର ଦିନ ଆମେରିକୀୟ ରାଷ୍ଟ୍ରପତି ଡୋନାଲ୍‌ଡ୍‌ ଟ୍ରମ୍ପ୍‌ କହିଛନ୍ତି। ଏ ବର୍ଷ ପ୍ରାରମ୍ଭରେ ସଂଶୋଧିତ ହୋଇଥିବା ‘କାଉଣ୍ଟରିଙ୍ଗ୍‌ ଆମେରିକାଜ୍‌ ଆଡ୍‌ଭର୍‌ସାରିଜ୍‌ ଥ୍ରୁ ସାଙ୍କ୍‌ସନ୍‌ ଆକ୍ଟ୍‌’ ବା ‘ସିଏଏଟିଏସ୍‌ଏ’ କଟକଣାକୁ ଭାରତ ଉପରୁ ଉଠାଇବାକୁ କେବଳ ରାଷ୍ଟ୍ରପତି ଟ୍ରମ୍ପ୍‌ଙ୍କର କ୍ଷମତା ରହିଛି।

ଏୟାର୍‌ ଡିଫେନ୍‌ସ୍‌ ସିଷ୍ଟମ୍‌ ଏସ୍‌-୪୦୦ କିଣିବା ନିମନ୍ତେ ଗତ ସପ୍ତାହରେ ଭାରତ ମସ୍କୋ ସହ ୫ ବିଲିୟନ୍‌ ଡଲାର୍‌ ଚୁକ୍ତି ସ୍ୱାକ୍ଷର କରିଛି। ନୂଆଦିଲ୍ଲୀ ଠାରେ ରୁଷ୍‌ ରାଷ୍ଟ୍ରପତି ଭ୍ଲାଦିମିର୍‌ ପୁତିନ୍‌ ଏବଂ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଚୁକ୍ତି ସ୍ୱାକ୍ଷର କରିଥିଲେ।

ହ୍ଵାଇଟ୍‌ ହାଉସ୍‌ର ଓଭାଲ୍‌ ଅଫିସ୍‌ରେ ଭାରତ ଓ ରୁଷ୍‌ ସମଧ୍ୟରେ ହୋଇଥିବା ଚୁକ୍ତି ସଂକ୍ରାନ୍ତରେ ପଚରା ଯିବାରୁ ଟ୍ରମ୍ପ୍‌ କହିଲେ କି, ଭାରତ ଜାଣି ପାରିବ। ନୁହେଁ କି?
ସେ ପୁଣି କହିଲେ: ଭାରତ ଜାଣିବାକୁ ଯାଉଛି।

କେବେ ବୋଲି ପଚରାଯିବାରୁ ସେ କହିଲେ: ଆପଣମାନେ ଜାଣି ପାରିବେ। ଆପଣ କଳ୍ପନା କରିଥିବା ସମୟ ଠାରୁ ଆହୁରି ଶୀଘ୍ର।

ଟ୍ରମ୍ପ୍‌ ଏ କଥା କହିବା ବେଳେ ସେକ୍ରେଟାରି ଅଫ୍‌ ଷ୍ଟେଟ୍‌ ମାଇକ୍‌ ପୋମ୍ପେଓ ମଧ୍ୟ ସେ କୋଠରିରେ ଉପସ୍ଥିତ ଥିଲେ।

ପୋମ୍ପେଓ ଏବଂ ପ୍ରତିରାକ୍ଷା ସଚିବ ଜେମ୍‌ସ୍‌ ମ୍ୟାଟିସ୍‌ ଏହି ମାମଲାରେ ଭାରତ ଉପରୁ କଟକଣା ହଟାଇବା ସପକ୍ଷରେ ଯୁକ୍ତି ବାଢ଼ିଥିଲେ।