ଭାରତ ବିଶ୍ୱର ସର୍ବବୃହତ ଦୁଗ୍ଧ ଉତ୍ପାଦନକାରୀ ଦେଶ: ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର କହିଛନ୍ତି ଯେ ଭାରତ ବାର୍ଷିକ ୮.୫ ଲକ୍ଷ କୋଟି ଟଙ୍କାର ଦୁଗ୍ଧ ଉତ୍ପାଦନ କରେ। ଦେଶରେ ଗହମ ଏବଂ ଧାନ ଚାଷ ଠାରୁ ଅଧିକ, କ୍ଷୁଦ୍ର କୃଷକମାନେ ଦୁଗ୍ଧ କ୍ଷେତ୍ରର ସବୁଠାରୁ ବଡ ହିତାଧିକାରୀ ଅଟନ୍ତି।

ଆଜି ଭାରତ ହେଉଛି ବିଶ୍ୱର ସର୍ବବୃହତ ଦୁଗ୍ଧ ଉତ୍ପାଦନକାରୀ ରାଷ୍ଟ୍ର। ଯେତେବେଳେ କୋଟି କୋଟି କୃଷକଙ୍କ ଜୀବିକା ଦୁଗ୍ଧ ଉପରେ ନିର୍ଭର କରେ, ଭାରତ ବାର୍ଷିକ ୮.୫ ଲକ୍ଷ କୋଟି ଟଙ୍କା ମୂଲ୍ୟର ଦୁଗ୍ଧ ଉତ୍ପାଦନ କରିଥାଏ। ହେଲେ, ବିଡ଼ମ୍ବନା ଏହା ଉପରେ ଦେଶର ବଡ ଅର୍ଥନୀତିଜ୍ଞଙ୍କ ସମେତ ଅନେକ ଲୋକ ଧ୍ୟାନ ଦିଅନ୍ତି ନାହିଁ ବୋଲି ପ୍ରଧାନମନ୍ତ୍ରୀ ବାନାସ ଡାଏରିର ଏକ ନୂତନ ଦୁଗ୍ଧ କମ୍ପ୍ଲେକ୍ସ ଏବଂ ଏକ ଆଳୁ ପ୍ରକ୍ରିୟାକରଣ କାରଖାନା ଉଦଘାଟନ କରିବା ପରେ ବାନାସଣ୍ଠ ଜିଲ୍ଲାର ଦିୟୋଦରରେ ଏକ ସମାବେଶକୁ ସମ୍ବୋଧିତ କରି କହିଛନ୍ତି।

ଗ୍ରାମଗୁଡ଼ିକର ବିକେନ୍ଦ୍ରୀକୃତ ଅର୍ଥନୀତି ବ୍ୟବସ୍ଥା ଏହାର ଏକ ଉଦାହରଣ। ଏହା ବିରୁଦ୍ଧରେ, ଗହମ ଏବଂ ଚାଉଳର କାରବାର ମଧ୍ୟ ୮.୫ ଲକ୍ଷ କୋଟି ଟଙ୍କା ସହିତ ସମାନ ନୁହେଁ। ଏବଂ କ୍ଷୁଦ୍ର କୃଷକମାନେ ଦୁଗ୍ଧ କ୍ଷେତ୍ରର ସବୁଠାରୁ ବଡ ହିତାଧିକାରୀ ବୋଲି ସେ କହିଛନ୍ତି। ଏହି ପରିପ୍ରେକ୍ଷୀରେ

ନୂତନ ଦୁଗ୍ଧ କମ୍ପ୍ଲେକ୍ସ ଏବଂ ବାନାସ୍‌ ଡାଏରିର ଆଳୁ ପ୍ରକ୍ରିୟାକରଣ କାରଖାନା ସ୍ଥାନୀୟ କୃଷକମାନଙ୍କୁ ସଶକ୍ତ କରିବା ଏବଂ ଏହି ଅଞ୍ଚଳର ଗ୍ରାମୀଣ ଅର୍ଥନୀତିକୁ ପ୍ରୋତ୍ସାହନ ଦେବା ପାଇଁ ଉଦ୍ଦିଷ୍ଟ ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦୀ।