ନୂଆଦିଲ୍ଲୀ: ପୁଣି ବିମାନକୁ ବୋମା ଧମକ । ଇଣ୍ଡିଗୋ ବିମାନକୁ ମିଳିଲା ବୋମା ଧମକ । କୋଚିରୁ ଦିଲ୍ଲୀ ଯାଉଥିବା ଇଣ୍ଡିଗୋ ଏୟାରଲାଇନ୍ସର ଏକ ବିମାନକୁ ବୋମା ଧମକ ମିଳିବା ପରେ ଆତଙ୍କ ଖେଳିଯାଇଛି । ଇଣ୍ଡିଗୋ ବିମାନ ୬ଇ-୨୭୦୬ ଦିଲ୍ଲୀ ଅଭିମୁଖେ ଉଡାଣ ଭରି ସାରିଥିବା ବେଳେ ବୋମା ଧମକ ମିଳିଥିଲା ଆଉ ଯାତ୍ରୀଙ୍କ ସୁରକ୍ଷା ଦୃଷ୍ଟିରୁ ନାଗପୁର ଏୟାରପୋର୍ଟରେ ଜରୁରୀ ଅବତରଣ କରିଥିଲା ଏବଂ ସମସ୍ତ ଯାତ୍ରୀଙ୍କୁ ତୁରନ୍ତ ବିମାନରୁ ବାହାର କରାଯାଇଛି ।

Advertisment

ତେବେ ବିମାନର ନମ୍ବର ସହ ବୋମା ଧମକ ମିଳିଥିବାରୁ ପ୍ରୋଟକଲ ଅନୁସାରେ ଜରୁରୀ ବୈଠକ କରି ତଦନ୍ତ ଆରମ୍ଭ ହୋଇଛି । ଗତ ଶୁକ୍ରବାର ମଧ୍ୟ ଥାଇଲାଣ୍ଡରୁ ଦିଲ୍ଲୀ ଆସୁଥିବା ଏୟାର ଇଣ୍ଡିଆର ବିମାନକୁ ମଧ୍ୟ ବୋମା ଧମକ ମିଳିଥିଲା । ଏଆଇ-୩୭୯ ବମାନକୁ ବୋମା ଧମକ ମିଳିବା ପରେ ୧୫୬ ଜଣ ଯାତ୍ରୀଙ୍କୁ ନେଇ ଆସୁଥିବା ବିମାନର ଜରୁରୀ ଅବତରଣ ହୋଇଥିଲା ।

ସେପଟେ ଅହମଦାବାଦରେ ମଧ୍ୟ ଆଜି ଏୟାର ଇଣ୍ଡିଆର ବିମାନର ଉଡାଣ ରଦ୍ଦ କରାଯାଇଛି । ବିମାନ ଦୁର୍ଘଟଣା ପର ଠାରୁ ଏୟାର ଇଣ୍ଡିଆର ଆଉ କୌଣସି ବିମାନ ଲଣ୍ଡନ ଅଭିମୁଖେ ଅହମଦାବାଦରୁ ଯାତ୍ର କରିନଥିଲା । ଏଆଇ-୧୭୧ ଦୁର୍ଘଟଣା ହେବା ପରେ ତାକୁ ସେବାରୁ ହଟାଇ ଦିଆଯାଇ ତା ଜାଗାରେ ଏଆଇ-୧୫୯କୁ ନିୟୋଜିତ କରାଯାଇଥିଲା  ଏବଂ ଦୁର୍ଘଟଣା ପରେ ପ୍ରଥମ ଥର ପାଇଁ ଆଜି ୧.୧୦ରେ ବିମାନର ଉଡାଣ ଭରିବାକୁ ସ୍ଥିରୀକୃତ ହୋଇଥିଲା । ମାତ୍ର ଉଡାଣ ପୂର୍ବରୁ ଯାନ୍ତ୍ରିକ ତ୍ରୁଟି ଦେଖା ଦେବା ପରେ ଉଡାଣକୁ ରଦ୍ଦ କରାଯାଇଛି ।

ଅଧିକ ପଢନ୍ତୁ-

ଅହମଦାବାଦରୁ ଲଣ୍ଡନ ଯିବାକୁ ଥିବା ଏଆଇ-୧୫୯ ବିମାନରେ ବି ଯାନ୍ତ୍ରିକ ତ୍ରୁଟି: ରଦ୍ଦ ହେଲା ଉଡାଣ, ଦୁର୍ଘଟଣା ପରେ ପ୍ରଥମ ଥର ପାଇଁ ଉଡାଣ ଭରିଥାନ୍ତା..