ଭାରତ-ବାଂଲାଦେଶ ସୀମା ଉତ୍ତେଜନା: ବିଏସଏଫ-ବିଜିବି ମୁଖ୍ୟଙ୍କ ମଧ୍ୟରେ ଶାନ୍ତି ପ୍ରୟାସ

ଢାକା: ବାଂଲାଦେଶ ସୀମା ସୁରକ୍ଷା କରୁଥିବା ପାରାମିଲିଟାରୀ ଫୋର୍ସ ବର୍ଡର ଗାର୍ଡ ବାଂଲାଦେଶ (ବିଜିବି)ର ମହାନିର୍ଦ୍ଦେଶକ ଭାରତ ଗସ୍ତ ନେଇ ମୁହଁ ଖୋଲିଛନ୍ତି। ବାସ୍ତବରେ, କିଛି ଗଣମାଧ୍ୟମ ରିପୋର୍ଟରେ ଦର୍ଶାଯାଇଥିଲା ଯେ, ବିଜିବି ମହାନିର୍ଦ୍ଦେଶକ ମେଜର ଜେନେରାଲ ମହମ୍ମଦ ଆଶରଫୁଲ ଇସଲାମ ସିଦ୍ଦିକି ଗୁପ୍ତରେ ଭାରତ ଗସ୍ତ କରିବାକୁ ଯାଉଛନ୍ତି। ଏହି ଗସ୍ତ ବିଷୟରେ କଳ୍ପନାଜଳ୍ପନା ଚାଲିଥିଲା ​​କାରଣ ବର୍ତ୍ତମାନ ସୀମା ଏବଂ କୂଟନୈତିକ ସମ୍ପର୍କ ନେଇ ଭାରତ ଏବଂ ବାଂଲାଦେଶ ମଧ୍ୟରେ  ତିକ୍ତତା ରହିଛି।

ତେବେ ବର୍ତ୍ତମାନ ବିଜିବି ଏକ ବିବୃତି ଜାରି କରିଛି ଯେ, ସେମାନଙ୍କର ମହାନିର୍ଦ୍ଦେଶକଙ୍କ ଭାରତ ଗସ୍ତ ନେଇ କୌଣସି ଗୋପନୀୟତା ବଜାୟ ରଖାଯିବ ନାହିଁ। ଶୁକ୍ରବାର ବିଳମ୍ବିତ ରାତିରେ ବିଜିବି ନିଜର ଫେସବୁକ୍ ପେଜ୍‌ରେ ଏକ ପୋଷ୍ଟ ସେୟାର କରିଛି।

ଯେଉଁଥିରେ ଲେଖାଯାଇଛି ଯେ, କିଛି ଗଣମାଧ୍ୟମରେ ଖବର ପ୍ରକାଶ ପାଇବା ପରେ" ବିଜିବି ମୁଖ୍ୟଙ୍କ ଭାରତ ଗସ୍ତ ସମ୍ବନ୍ଧରେ ଗୁପ୍ତ ତଥ୍ୟ ସୋସିଆଲ ମିଡିଆରେ ସମାଲୋଚନାର କାରଣ ହୋଇଛି। ବିଜିବି ସ୍ପଷ୍ଟ କରୁଛି ଯେ, ଏହି ରିପୋର୍ଟଗୁଡିକ ସୀମା ସୁରକ୍ଷା ବଳର ଛବିକୁ ମଳିନ କରୁଛି ଏବଂ ଜନସାଧାରଣଙ୍କ ମଧ୍ୟରେ ଦ୍ୱନ୍ଦ୍ୱ ସୃଷ୍ଟି କରୁଛି। 

ଏହି ପୋଷ୍ଟରେ ଉଲ୍ଲେଖ କରାଯାଇଛି ଯେ, ଡିସେମ୍ବର ୨୭ରେ ବିଜିବିର ଫେସବୁକ ପେଜ୍‌ରେ ଘୋଷଣା କରାଯାଇଥିଲା ଯେ, ୨୦୨୫ ଫେବ୍ରୁଆରି ମଧ୍ୟଭାଗରେ ଭାରତରେ ବିଜିବି ଏବଂ ବିଏସଏଫ ନିର୍ଦ୍ଦେଶକ ଜେନେରାଲଙ୍କ ମଧ୍ୟରେ ସୀମା ସମ୍ମିଳନୀ ଅନୁଷ୍ଠିତ ହେବ। ଏହି ଫେସବୁକ୍ ପୋଷ୍ଟକୁ ଆଧାର କରି ଦେଶର ଗଣମାଧ୍ୟମ ରିପୋର୍ଟ ମଧ୍ୟ ପ୍ରକାଶ କରିଛି।

ଏତଦ୍‌ବ୍ୟତୀତ, ଗୃହ ମନ୍ତ୍ରଣାଳୟ ଏବଂ ବୈଦେଶିକ ମନ୍ତ୍ରଣାଳୟ ଦ୍ୱାରା ହୋଇଥିବା ଅନେକ ସାମ୍ବାଦିକ ସମ୍ମିଳନୀରେ ଏହି ଆଲୋଚନାଚକ୍ରର ପ୍ରସଙ୍ଗକୁ ନେଇ ଆଲୋଚନା କରାଯାଇଥିଲା। ବିଜିବି କହିଛି ଯେ, ଏଭଳି ନକାରାତ୍ମକ ପୋଷ୍ଟ ବିଶେଷ କରି ସେହି ସମୟରେ ଯେତେବେଳେ ସୀମାରେ ବିଜିବି ଜନସାଧାରଣଙ୍କ ସହ ସକ୍ରିୟ ଭାବରେ କାର୍ଯ୍ୟ କରୁଛି, ସେତେବେଳେ ଏହା ଅନାବଶ୍ୟକ ଦ୍ୱନ୍ଦ୍ୱ ସୃଷ୍ଟି କରିପାରେ।

ଅଧିକ ପଢ଼ନ୍ତୁ: ସମ୍ବିଧାନ ଆମର ସାମୂହିକ ପରିଚୟର ଆଧାର: ରାଷ୍ଟ୍ରପତି

ବିଜିବି ନିଶ୍ଚିତ କରିଛି ଯେ, ବିଏସଏଫ-ବିଜିବି ମହାନିର୍ଦ୍ଦେଶକସ୍ତରୀୟ ସୀମା ସମ୍ମିଳନୀ ୧୭ ରୁ ୨୧ ଫେବ୍ରୁଆରି ୨୦୨୫ ମଧ୍ୟରେ ଭାରତର ନୂଆଦିଲ୍ଲୀରେ ଅନୁଷ୍ଠିତ ହେବ। ବାଂଲାଦେଶର ଅନ୍ୟାନ୍ୟ ମନ୍ତ୍ରଣାଳୟ ଏବଂ ଏଜେନ୍ସିର ପ୍ରତିନିଧିମାନେ ବିଜିବି ସହିତ ଏଥିରେ ଅଂଶଗ୍ରହଣ କରିବେ।

ବିଜିବି ଦୋହରାଇଛି ଯେ, ଏହି ପ୍ରସଙ୍ଗରେ କୌଣସି ରହସ୍ୟ ନାହିଁ କିମ୍ବା ଏହାକୁ ଗୁପ୍ତ ରଖିବା ପାଇଁ ବିଜିବି କୌଣସି ପ୍ରୟାସ କରିନାହିଁ। ବିଜିବି ସମସ୍ତଙ୍କୁ ଅନୁରୋଧ କରୁଛି ଯେ, ଏହି ପ୍ରସଙ୍ଗରେ ବିଭ୍ରାନ୍ତିକର ପୋଷ୍ଟ୍ ନେଇ ପ୍ରଭାବିତ ହୁଅନ୍ତୁ ନାହିଁ।

ଅଧିକ ପଢ଼ନ୍ତୁ: ପଦ୍ମ ପୁରସ୍କାର ଘୋଷଣା କଲେ କେନ୍ଦ୍ର ସରକାର