ଯେକୌଣସି ଯୁଦ୍ଧ ପାଇଁ ପ୍ରସ୍ତୁତ, କିନ୍ତୁ ଆମେ ଯୁଦ୍ଧ ଚାହୁଁନାହୁଁ : ଇରାନ ରାଷ୍ଟ୍ରଦୂତ

ନୂଆଦିଲ୍ଲୀ: ଇସ୍ରାଏଲ ସହ ବିବାଦ ମଧ୍ୟରେ ଭାରତରେ ଅବସ୍ଥାପିତ ଇରାନ ରାଷ୍ଟ୍ରଦୂତ ଡ. ଇରାଜ ଏଲାହିଙ୍କ ଠାରୁ ଏକ ବଡ ବୟାନ ଆସିଛି । ସେ କହିଛନ୍ତି, ଆମେ ସବୁ ପ୍ରକାର ଯୁଦ୍ଧ ପାଇଁ ପ୍ରସ୍ତୁତ ଅଛୁ। କିନ୍ତୁ ଇରାନ ଯୁଦ୍ଧ ଚାହୁଁନାହିଁ ବୋଲି ସେ କହିଛନ୍ତି,

ସେ କହିଛନ୍ତି, ହିଜବୁଲ୍ଲା କୌଣସି ଆତଙ୍କବାଦୀ ସଂଗଠନ ନୁହେଁ। ହମାସ ମଧ୍ୟ ଏକ ପ୍ରତିବାଦ ସଂଗଠନ, ଏହା କୌଣସି ଆତଙ୍କବାଦୀ ସଂଗଠନ ନୁହେଁ। 

ସେ ଇସ୍ରାଏଲକୁ  ଏକ ଦେଶ ଭାବେ ଗ୍ରହଣ କରିବାକୁ ମନା କରିଦେଇଥିଲେ। ଏକ ଭାରତୀୟ ଟିଭି ଚ୍ୟାନେଲ ସହ ଏକ ସ୍ୱତନ୍ତ୍ର କଥାବାର୍ତ୍ତା ବେଳେ ସେ ଦାବି କରିଛନ୍ତି ଯେ ଇସ୍ରାଏଲ ଏକ ଦେଶ ନୁହେଁ ବରଂ ଆମେରିକାର କଣ୍ଢେଇ।

ଇରାନ ରାଷ୍ଟ୍ରଦୂତ କହିଛନ୍ତି, ଆମେ ଯୁଦ୍ଧ ପାଇଁ ପ୍ରସ୍ତୁତ, ଆମେ ଯେକୌଣସି ପ୍ରକାର ଆକ୍ରମଣ ପାଇଁ ପ୍ରସ୍ତୁତ। ଆମେ ଯୁଦ୍ଧ କିମ୍ବା ଉତ୍ତେଜନା ବୃଦ୍ଧି ଚାହୁଁନାହୁଁ, କିନ୍ତୁ ଯଦି ଇସ୍ରାଏଲ ଏହା ଜାରି ରଖେ, ତେବେ ଆମେ ପ୍ରସ୍ତୁତ ଅଛୁ ।  ଇରାନ୍ ହିଜବୁଲ୍ଲା ଏବଂ ହାମାସକୁ ସମର୍ଥନ କରୁଛି ଏବଂ ଆମେ ଏହା ଜାରି ରଖିବୁ। ଅକ୍ଟୋବର ୭ ତାରିଖରେ ହାମାସ ପକ୍ଷରୁ କରାଯାଇଥିବା ଏହି ଆକ୍ରମଣ କୌଣସି ଆତଙ୍କବାଦ କାର୍ଯ୍ୟ ନୁହେଁ, ବରଂ ଇସ୍ରାଏଲ ଦଖଲ ବିରୋଧରେ ଏକ ସାମରିକ ଅଭିଯାନ ଥିଲା।