ଇସ୍ରାଏଲ ଉପରେ ଇରାନର ଆକ୍ରମଣ, ନେତାନ୍ୟାହୁଙ୍କ ଯୁଦ୍ଧ କ୍ୟାବିନେଟ ବୈଠକ; ସୁରକ୍ଷା ପରିଷଦ ଅଧିବେଶନକୁ ଡାକିବାକୁ ଅପିଲ୍

ଜେରୁଜେଲମ: ଦୀର୍ଘ ଦିନ ଧରି ଚାଲିଆସୁଥିବା ଉତ୍ତେଜନା ପରେ ଇରାନ ଶନିବାର ବିଳମ୍ବିତ ରାତିରେ ଇସ୍ରାଏଲ ଉପରେ ସିଧାସଳଖ ଆକ୍ରମଣ କରିଥିଲା। ଇସ୍ରାଏଲ୍ ପ୍ରତିରକ୍ଷା ବାହିନୀ (ଆଇଡିଏଫ) ଅନୁଯାୟୀ ଡ୍ରୋନ୍ ଆକ୍ରମଣ ସେମାନଙ୍କ ଦେଶ ସୀମା ମଧ୍ୟରେ କରାଯାଇଥିଲା। ଇରାନର ନ୍ୟୁଜ୍ ଏଜେନ୍ସି ଆଇଆରଏନ୍ଏ ଦାବି କରିଛି, ବାଲିଷ୍ଟିକ୍ କ୍ଷେପଣାସ୍ତ୍ର ଦ୍ବାରା ଇସ୍ରାଏଲ୍ ସ୍ଥିତିକୁ ଟାର୍ଗେଟ କରାଯାଇଛି।

ଏହି ସମୟ ମଧ୍ୟରେ ଆମେରିକା ଏବଂ ବ୍ରିଟେନ୍ ଇସ୍ରାଏଲ ପାଇଁ ସମର୍ଥନ ଘୋଷଣା କରିଥିଲେ। ଆଇଡିଏଫ୍ ଅନୁଯାୟୀ, ଇସ୍ରାଏଲ୍ ସୀମା ରକ୍ଷା କରିବାକୁ ସେନା ପ୍ରସ୍ତୁତ ଅଛି। ନିକଟରେ ଇସ୍ରାଏଲ ସିରିଆରେ ଇରାନର କନସୁଲେଟର କିଛି ଅଂଶକୁ ଟାର୍ଗେଟ କରିଥିଲା। ଯାହା ପରେ ଏହାକୁ ଇରାନର ପ୍ରତିଶୋଧ ପରାୟଣ କାର୍ଯ୍ୟ ଭାବରେ ବିବେଚନା କରାଯାଉଛି। ଅନ୍ୟପକ୍ଷରେ ମିଳିତ ଜାତିସଂଘରେ ଇସ୍ରାଏଲର ରାଷ୍ଟ୍ରଦୂତ ତୁରନ୍ତ ସୁରକ୍ଷା ପରିଷଦ (ୟୁଏନଏସସି)ର ବୈଠକ ଡାକିବାକୁ ନିବେଦନ କରିଛନ୍ତି।

ଗାଜା ଷ୍ଟ୍ରିପରେ ଯୁଦ୍ଧ ମଧ୍ୟରେ ଉଭୟ ଦେଶରୁ ଆସିଥିବା ନୂତନ ଆକ୍ରମଣ ପଶ୍ଚିମ ଏସିଆରେ ଉତ୍ତେଜନାକୁ ଆହୁରି ବଢ଼ାଇ ଦେଇଛି। ଇସ୍ରାଏଲର କ୍ଷେପଣାସ୍ତ୍ର ବିରୋଧୀ ପ୍ରତିରକ୍ଷା ବ୍ୟବସ୍ଥା ଆଇରନ୍ ଡୋମ୍ ବିଳମ୍ବିତ ରାତିରେ ହୋଇଥିବା ଏୟାର ଷ୍ଟ୍ରାଇକକୁ ରୋକିବାରେ ସକ୍ଷମ ହୋଇଥିଲା। ଅନୁଯାୟୀ, ହଜାରରେରୁ ଅଧିକ ଡ୍ରୋନ୍ ଇରାନ ଦ୍ୱାରା ଇସ୍ରାଏଲର ବାୟୁସେନାକୁ ପଠାଯାଇଥିଲା। ସେବେଠାରୁ ପରିସ୍ଥିତି ଅତ୍ୟନ୍ତ ତିକ୍ତ ହୋଇ ରହିଆସିଥିଲା।

ଜାତିସଂଘର ମୁଖ୍ୟ ଆଣ୍ଟୋନିଓ ଗୁଟେରସ୍ ଏହି ଆକ୍ରମଣକୁ ନିନ୍ଦା କରିଛନ୍ତି। ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ରେ ପ୍ରକାଶିତ ଏକ ବିବୃତ୍ତିରେ ସେ କହିଛନ୍ତି, 'ଇରାନ ଦ୍ୱାରା ଇସ୍ରାଏଲ ଉପରେ ହୋଇଥିବା ବଡ଼ ଧରଣର ଆକ୍ରମଣ ପରେ ଘଟିଥିବା ଗମ୍ଭୀର ପରିସ୍ଥିତିକୁ ମୁଁ ଦୃଢ଼ ନିନ୍ଦା କରୁଛି। ଶତ୍ରୁତାକୁ ତୁରନ୍ତ ସମାପ୍ତ କରିବାକୁ ମୁଁ ଅପିଲ୍ କରୁଛି। ସେ ଏହା ସ୍ପଷ୍ଟ କରିଛନ୍ତି ପଶ୍ଚିମ ଏସିଆ ସହିତ ବିଶ୍ୱ ଅନ୍ୟ ଯୁଦ୍ଧକୁ ସହ୍ୟ କରିବାକୁ ସ୍ଥିତିରେ ନାହିଁ।