ତେହେରାନ: ବହୁ ଦିନର ପ୍ରସ୍ତୁତି ପରେ, ଇସ୍ରାଏଲ ଶେଷରେ ଶୁକ୍ରବାର ୧୩ ଜୁନ୍ ୨୦୨୫ ରେ ଇରାନ ଉପରେ ଆକ୍ରମଣ କରିଛି। ବିମାନ ଆକ୍ରମଣରେ ଇରାନର ପରମାଣୁ କେନ୍ଦ୍ରଗୁଡ଼ିକୁ ବିଶେଷ ଭାବରେ ଟାର୍ଗେଟ କରାଯାଇଛି। ଇସ୍ରାଏଲୀ ସେନା ଦାବି କରିଛି ଯେ, ନାଟାଞ୍ଜରୁ ଇସଫାହାନ ପର୍ଯ୍ୟନ୍ତ ଅବସ୍ଥିତ ପରମାଣୁ କେନ୍ଦ୍ରଗୁଡ଼ିକୁ ଟାର୍ଗେଟ କରାଯାଇଛି ଏବଂ ସେମାନଙ୍କୁ ବ୍ୟାପକ କ୍ଷତି ହୋଇଛି। ଇସ୍ରାଏଲୀ ଆକ୍ରମଣରେ ଇରାନର ସେନା ମୁଖ୍ୟ ଏବଂ ପରମାଣୁ ବୈଜ୍ଞାନିକମାନେ ମଧ୍ୟ ପ୍ରାଣ ହରାଇଛନ୍ତି।

Advertisment

ଅନ୍ୟପକ୍ଷରେ, ଇସ୍ରାଏଲର ଏହି ପଦକ୍ଷେପ ପରେ ଇରାନ ଯୁଦ୍ଧ ଘୋଷଣା କରିଛି। ତେହେରାନ ମଧ୍ୟ ଇସ୍ରାଏଲ ଉପରେ କ୍ଷେପଣାସ୍ତ୍ର ଏବଂ ଡ୍ରୋନ୍ ଆକ୍ରମଣ କରିଛି, ଯେଉଁଥିରେ ବ୍ୟାପକ କ୍ଷତି ହୋଇଥିବା ସୂଚନା ମିଳିଛି। ଏହି ଯୁଦ୍ଧରେ ଆମେରିକା ସମେତ ଅନ୍ୟ ପାଶ୍ଚାତ୍ୟ ଦେଶଗୁଡ଼ିକ ପ୍ରତ୍ୟକ୍ଷ କିମ୍ବା ପରୋକ୍ଷ ଭାବରେ ଇସ୍ରାଏଲକୁ ସମର୍ଥନ କରୁଛନ୍ତି।  

ମଧ୍ୟପ୍ରାଚ୍ୟରେ ଆମେରିକାର ଅନେକ ସାମରିକ ଏବଂ ବାୟୁସେନା ଘାଟି ଅଛି, ଯେଉଁଠାରୁ ଇସ୍ରାଏଲକୁ ପୂର୍ଣ୍ଣ ସମର୍ଥନ ମିଳୁଛି। ଇରାନ ପାଖରେ ଏପରି ଅନେକ କ୍ଷେପଣାସ୍ତ୍ର ଅଛି, ଯାହାର ପରିସର ୨୦୦୦ କିଲୋମିଟର କିମ୍ବା ତା'ଠାରୁ ଅଧିକ। ଏପରି ପରିସ୍ଥିତିରେ, ଇରାନ ଆମେରିକାର ଏହି ସାମରିକ ଘାଟିଗୁଡ଼ିକୁ ମଧ୍ୟ ଟାର୍ଗେଟ କରିବା ନେଇ ଆଶଙ୍କା ସୃଷ୍ଟି ହୋଇଛି।

ମଧ୍ୟପ୍ରାଚ୍ୟରେ ୫ ଆମେରିକୀୟ ସାମରିକ, ନୌସେନା ଏବଂ ଏୟାରାବେସ୍ ଇରାନ ଟାର୍ଗେଟରେ ରହିଛି। ‌ସେଥିମଧ୍ୟରେ କାତାରରେ ଥିବା ଅଲ୍ ଉଦେଦ୍ ବାୟୁସେନା ଘାଟି ହେଉଛି ମଧ୍ୟପ୍ରାଚ୍ୟରେ ସବୁଠାରୁ ବଡ଼ ଆମେରିକୀୟ ସାମରିକ ଘାଟି। ଏହା ୧୯୯୬ ମସିହାରେ ପ୍ରତିଷ୍ଠିତ ହୋଇଥିଲା। ୨୪ ହେକ୍ଟର (୬୦ଏକର) ପରିବ୍ୟାପ୍ତ ଏହି ଘାଟିରେ ପ୍ରାୟ ୧୦୦ ଟି ବିମାନ ଏବଂ ଡ୍ରୋନ୍ ରହିଛି। ଏହି ଘାଟିରେ ପ୍ରାୟ ୧୦,୦୦୦ ସୈନିକ ରହିଛନ୍ତି।

ଏହା ଆମେରିକାର କେନ୍ଦ୍ରୀୟ କମାଣ୍ଡ ପାଇଁ ଆଗୁଆ ମୁଖ୍ୟାଳୟ ଭାବରେ କାର୍ଯ୍ୟ କରେ। ଇରାକ, ସିରିଆ ଏବଂ ଆଫଗାନିସ୍ତାନରେ ଅପରେସନ ସମୟରେ ଏହି ଘାଟିକୁ ଏକ କେନ୍ଦ୍ରୀୟ କମାଣ୍ଡ ଭାବରେ ବ୍ୟବହାର କରାଯାଉଥିଲା। ଏହାକୁ ବର୍ତ୍ତମାନ ସେହିପରି ଭାବରେ ବ୍ୟବହାର କରାଯାଉଛି।

ବାହାରିନର ନୌସେନା ସହାୟତା କେନ୍ଦ୍ର ବର୍ତ୍ତମାନର ଆମେରିକୀୟ ନୌସେନା ଘାଟି ଭାବେ ବ୍ୟବହୃତ ହେଉଛି। ଏହା ପୂର୍ବତନ ବ୍ରିଟିଶ ନୌସେନା ପ୍ରତିଷ୍ଠାନ, ଏଚଏମଏସ ଜୁଫେୟାର  ଠାରେ ଅବସ୍ଥିତ। ଏହି ଘାଟିରେ ପ୍ରାୟ ୯,୦୦୦ପ୍ରତିରକ୍ଷା ବିଭାଗର କର୍ମଚାରୀ ନିୟୋଜିତ ଅଛନ୍ତି, ଯେଉଁଥିରେ ସାମରିକ ଏବଂ ବେସାମରିକ କର୍ମଚାରୀ ମଧ୍ୟ ସାମିଲ ଅଛନ୍ତି। ଆମେରିକୀୟ ନୌସେନାର ପଞ୍ଚମ ନୌସେନା ଜାହାଜ ଏଠାରେ ରହିଛି। ଏହି ଘାଟି ବିମାନ, ସୈନ୍ୟ ଏବଂ ଦୂରବର୍ତ୍ତୀ ସ୍ଥାନଗୁଡ଼ିକୁ ସୁରକ୍ଷା ପ୍ରଦାନ କରେ।

କୁଏତର କ୍ୟାମ୍ପ ଆରିଫଜାନ ହେଉଛି କୁଏତ ସିଟିର ପ୍ରାୟ ୫୫ କିଲୋମିଟର (୩୪ ମାଇଲ) ଦକ୍ଷିଣ-ପୂର୍ବରେ ଅବସ୍ଥିତ ଏକ ପ୍ରମୁଖ ଆମେରିକୀୟ ସେନା ଘାଟି। ୧୯୯୯ମସିହାରେ ପ୍ରତିଷ୍ଠିତ, ଏହି ଘାଟି ମଧ୍ୟପ୍ରାଚ୍ୟରେ ଆମେରିକୀୟ ସାମରିକ କାର୍ଯ୍ୟ ପାଇଁ ପ୍ରାଥମିକ ଲଜିଷ୍ଟିକ୍ସ, ଯୋଗାଣ ଏବଂ କମାଣ୍ଡ ହବ୍ ଭାବରେ କାର୍ଯ୍ୟ କରେ। ଏହାର ଉପଯୋଗିତା ବିଶେଷ ଭାବରେ ଆମେରିକାର ସେଣ୍ଟକମ୍ ଦାୟିତ୍ୱ କ୍ଷେତ୍ରରେ ଗୁରୁତ୍ୱପୂର୍ଣ୍ଣ।

ଅଧିକ ପଢ଼ନ୍ତୁ: ମୃତ୍ୟୁର ଦ୍ବାରଦେଶରେ ଇରାନ: ପରମାଣୁ କେନ୍ଦ୍ରରୁ ଲିକ୍ ହେଉଥିବା ବିକିରଣ ବିନାଶ ଆଣିବ

ଏହା ଏକ ରଣନୈତିକ ଘାଟି ଯାହା ଗୁଇନ୍ଦାଗିରି, ଗୁପ୍ତଚର ତଥ୍ୟ ସଂଗ୍ରହ ଏବଂ ଯୁଦ୍ଧ ବିମାନ କାର୍ଯ୍ୟକୁ ସମର୍ଥନ କରିବା ଉପରେ କେନ୍ଦ୍ରିତ। ଏହି ଘାଟିରେ ଏଫ-୨୨ ରାପ୍ଟର ଷ୍ଟିଲଥ୍ ଫାଇଟର ଭଳି ଅତ୍ୟାଧୁନିକ ଲଢୁଆ ବିମାନ ଏବଂ ଡ୍ରୋନ୍ ଏବଂ ଏଡବ୍ଲୁଏସିଏସ ସମେତ ବିଭିନ୍ନ ନିରୀକ୍ଷଣ ବିମାନ ରହିଛି।

ଇରାକର ଇରବିଲ୍ ବାୟୁସେନା ଘାଟି  ଆମେରିକୀୟ ସେନା ଦ୍ୱାରା ବିମାନ ଅଭିଯାନ ପାଇଁ ବ୍ୟବହାର କରାଯାଇଥାଏ। ଏହି ଘାଟି ବିଶେଷକରି ଉତ୍ତର ଇରାକ ଏବଂ ସିରିଆରେ ଚାଲିଥିବା ଅଭିଯାନରେ ବ୍ୟବହାର କରାଯାଉଛି। ଏଠାରେ ନିୟୋଜିତ ଆମେରିକୀୟ ସୈନିକମାନେ କୁର୍ଦ୍ଦିଶ୍ ଏବଂ ଇରାକୀ ସେନାକୁ ପରାମର୍ଶ ଏବଂ ସାହାଯ୍ୟ କରିଥାନ୍ତି।

ଅଧିକ ପଢ଼ନ୍ତୁ: ଦୁର୍ଘଟଣାଗ୍ରସ୍ତ ବିମାନର ଉଦଘାଟନ କରିଥିଲେ ରୂପାଣୀ, ୨ଥର ଟିକେଟ ବାତିଲ୍ କରି ଜୁନ୍ ୧୨କୁ ବାଛିଥିଲେ

USA | iran