ଏହାକୁ କ’ଣ ପ୍ରତିଶୋଧ କୁହାଯାଏ: ପହଲଗାମ ଆକ୍ରମଣକୁ ନେଇ ମୋଦୀଙ୍କ ଉପରେ ବର୍ଷିଲା ଶିବସେନା

ମୁମ୍ବାଇ:ଜମ୍ମୁ-କଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣରେ ୨୬ ଜଣ ନିର୍ଦ୍ଦୋଷ ଲୋକ ପ୍ରାଣ ହରାଇଥିଲେ। ଆକ୍ରମଣକୁ ୧୨ ଦିନ ବିତିଗଲାଣି। ଏହା ପରେ ମଧ୍ୟ ପାକିସ୍ତାନ ବିରୁଦ୍ଧରେ କୌଣସି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ। ଏହି କାରଣରୁ ଏବେ ଶିବସେନା (ୟୁବିଟି) ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କଡ଼ା ସମାଲୋଚନା କରିଛି।

ଶିବସେନା କହିଛି, ଯଦି ତୁମେ ପ୍ରତିଶୋଧ ନେବାକୁ ଚାହୁଁଛ ତେବେ ଇନ୍ଦିରା ଗାନ୍ଧୀଙ୍କଠାରୁ ଶିଖ। ତାଙ୍କର କାର୍ଯ୍ୟକଳାପରୁ ପ୍ରତିଶୋଧ କାହାକୁ କୁହାଯାଏ ତାହା ଜାଣନ୍ତୁ ବୋଲି ସେ କହିଛନ୍ତି।

ଶିବସେନା ୟୁବିଟି ନେତା ସଞ୍ଜୟ ରାଉତ କହିଛନ୍ତି ଯେ, ୧୨  ଦିନ ବିତିଗଲାଣି, ଆତଙ୍କବାଦୀ ଆକ୍ରମଣରେ ଆମର ୨୬ ଜଣ ଲୋକ ପ୍ରାଣ ହରାଇଲେ, କିନ୍ତୁ ସରକାର ଏପର୍ଯ୍ୟନ୍ତ କେଉଁ ପ୍ରତିଶୋଧ ନେଇଛି? କେବଳ ବେକାର ଖବର ଆସୁଛି। ପ୍ରତିଶୋଧ ନେଇ ସରକାର କେବଳ ୨୧ ଟି ୟୁଟ୍ୟୁବ୍ ଚ୍ୟାନେଲକୁ ବନ୍ଦ କରିଦେଇଛନ୍ତି ଏବଂ ପାକିସ୍ତାନ ହାଇକମିସନର କର୍ମଚାରୀ ସଂଖ୍ୟାକୁ ହ୍ରାସ କରିଛନ୍ତି। ଏହାକୁ ପ୍ରତିଶୋଧ କୁହାଯିବ କି?

ସେ କହିଛନ୍ତି ମୋଦୀ ନିଜର ରାଜନୈତିକ ବିରୋଧୀମାନଙ୍କ ଉପରେ ଯେବେ ପ୍ରତିଶୋଧ ନିଅନ୍ତି ସେତେବେଳେ ସେମାନେ ସେମାନଙ୍କର ପାର୍ଟି ଭାଙ୍ଗି ଦିଅନ୍ତି, ଜେଲ୍‌ରେ ବନ୍ଦ କରି ଦିଅନ୍ତି।  ସେମାନଙ୍କ ଜୀବନ ନଷ୍ଟ କରି ଦିଅନ୍ତି। ସେମାନଙ୍କ ପରିବାରକୁ ହଇରାଣ କରନ୍ତି, କିନ୍ତୁ ପାକିସ୍ତାନ କ୍ଷେତ୍ରରେ, ଆକାଶ ମାର୍ଗ ବନ୍ଦ କରି ଏବଂ ୟୁଟ୍ୟୁବ ଚ୍ୟାନେଲଗୁଡ଼ିକୁ ବନ୍ଦ କରିବା ଦ୍ବାରା କ’ଣ କିଛି ପରିବର୍ତ୍ତନ ଆସିଛି କି ବୋଲି ସେ ପ୍ରଶ୍ନ କରିଛନ୍ତି।

ସଞ୍ଜୟ ରାଉତ କହିଛନ୍ତି ଯେ ୨୬ ଜଣଙ୍କର ମୃତ୍ୟୁ ହୋଇଛି। ଯଦି ତୁମେ ଜାଣିବାକୁ ଚାହୁଁଛ ଯେ, କି ପ୍ରକାରର ପ୍ରତିଶୋଧ ଆବଶ୍ୟକ, ତେବେ ଇନ୍ଦିରା ଗାନ୍ଧୀଙ୍କ ଇତିହାସ ଦେଖନ୍ତୁ। ମୋଦୀ ନେହେରୁ ଏବଂ ଇନ୍ଦିରା ଗାନ୍ଧୀଙ୍କ ପ୍ରତି ଈର୍ଷା ମନୋଭାବ ରଖନ୍ତି।

ମୋଦୀ କାହାକୁ ବୋକା ବନାଉଛନ୍ତି? ପ୍ରଧାନମନ୍ତ୍ରୀ ଏଠାକୁ ସେଠାକୁ ଘୁରି ବୁଲୁଛନ୍ତି, ଲୋକଙ୍କୁ ଆଲିଙ୍ଗନ କରୁଛନ୍ତି, ଏହାକୁ ପ୍ରତିଶୋଧ କୁହାଯାଏ ନାହିଁ। ଏବେ ମୁଁ ଡରୁଛି ଯେ, ଯଦି ଏହି ଦେଶରେ ଏପରି ଶାସକ ଅଛନ୍ତି ଏବଂ ଶତ୍ରୁ ଏତେ ନିର୍ଭୀକ, ତେବେ ଆମର ପ୍ରତିଶୋଧର ଏକମାତ୍ର ନୀତି ହେଉଛି ୟୁଟ୍ୟୁବ ଚ୍ୟାନେଲକୁ ବନ୍ଦ କରିବା।

ରାଉତ ଏହାକୁ ଶାସକ ବିଜେପିର ବିଫଳତା ବୋଲି କହି କହିଛନ୍ତି ଯେ, ଯୁଦ୍ଧ ସମୟରେ ଦେଶ ଏକ ହୋଇ ସତ୍ୟର ସାମ୍ନା କରିବା ଉଚିତ୍, କିନ୍ତୁ ବିଜେପି ଘୃଣାର ରାଜନୀତିରେ ଲିପ୍ତ ରହିଛି। ଏଭଳି ସଙ୍କଟ ସମୟରେ ଦେଶରେ ବିଭାଜନ ପାଇଁ କେବଳ ହିନ୍ଦୁ ମୁସଲମାନଙ୍କୁ ନେଇ କଥା କହୁଛି।

ମୋଦୀ କେବଳ ତାଙ୍କ ପ୍ରତିଦ୍ୱନ୍ଦ୍ୱୀଙ୍କର ବିନାଶ କରିପାରିବେ, କିନ୍ତୁ ଏବେ ତାହା ମଧ୍ୟ ସମ୍ଭବ ନୁହେଁ। ବିଜେପି ବାଛି ବାଛି ନିଜର ବିରୋଧୀମାନଙ୍କୁ ଦୂର କରିବାକୁ ଚେଷ୍ଟା କରୁଛି କିନ୍ତୁ ଏବେ ତାହା ସମ୍ଭବ ନୁହେଁ।

ଅଧିକ ପଢ଼ନ୍ତୁ: ଚେନାବ ନଦୀ ଉପରେ ନିର୍ମିତ ବନ୍ଧ ବନ୍ଦ: ସିନ୍ଧୁ ଜଳ ଚୁକ୍ତିନାମା ଭଙ୍ଗ କରିବାର ୧୦ ଦିନ ପରେ ଭାରତର ଜଳ ଆକ୍ରମଣ!

ସଞ୍ଜୟ ରାଉତ କହିଛନ୍ତି ଯେ, ୧୨ ଦିନ ବିତିଗଲାଣି ଏବଂ ଏବେ ମୋଦୀ ସରକାରଙ୍କ ନିର୍ଦ୍ଦେଶରେ କେବଳ ଯୁଦ୍ଧ ଅଭ୍ୟାସ ଜାରି ରହିଛି।, ଏହା କ’ଣ ପ୍ରତିଶୋଧ? ଏହା କ’ଣ ପ୍ରମାଣିତ କରୁଛି ଯେ, ବିଜେପି ସରକାରଙ୍କ ସହିତ ଠିଆ ହୋଇଛି, କିନ୍ତୁ ନାଗରିକ ଏବଂ ସୈନିକଙ୍କ ସୁରକ୍ଷା ପାଇଁ ଦାୟିତ୍ୱ ନେଉନାହିଁ କାହିଁକି ବୋଲି ସଞ୍ଜୟ ପ୍ରଶ୍ନ କରିଛନ୍ତି।

ଅଧିକ ପଢ଼ନ୍ତୁ: ବିଧାୟକ ଯୋଗେଶ କୁମାର ସିଂଙ୍କୁ ପୁଲିସ ଅଟକ ରଖିବା ପରେ ସୁନ୍ଦରଗଡ଼ରେ କଂଗ୍ରେସର ଦୁଇ ବିଧାୟକ

Shivsena | Narendra Modi Stadium | pm-narendra-modi | sanjay raut