ସଦ୍ଦାମ ହୁସେନଙ୍କ ଅବସ୍ଥା ଭୋଗିବେ ଖାମେନେଇ : ଇସ୍ରାଏଲ୍

ତେଲ୍ ଅଭିବ : ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ମଧ୍ୟରେ, ଇସ୍ରାଏଲ ଇରାନର ସମସ୍ତ ପରମାଣୁ କେନ୍ଦ୍ର ଧ୍ୱଂସ କରିବାକୁ ପ୍ରତିଜ୍ଞା କରିଛି। ଏହା ସହିତ ଇରାନର ସର୍ବୋଚ୍ଚ ନେତା ଆୟତୁଲ୍ଲା ଅଲି ଖାମେନେଇଙ୍କୁ ଶେଷ କରିବାକୁ ପଣ କରିଛି । ଇସ୍ରାଏଲର ପ୍ରତିରକ୍ଷା ମନ୍ତ୍ରୀ ଇସ୍ରାଏଲ କାଟଜ୍ ଖାମେନେଇଙ୍କୁ ଧମକ ଦେଇଛନ୍ତି। ସେ ଚେତାବନୀ ଦେଇଛନ୍ତି ଯେ ତାଙ୍କ ପରିଣତି ଇରାକର ପୂର୍ବତନ ଏକଛତ୍ରବାଦୀ ସଦ୍ଦାମ ହୁସେନଙ୍କ ପରି ହୋଇପାରେ।

ଇସ୍ରାଏଲୀ ପ୍ରତିରକ୍ଷା ମନ୍ତ୍ରୀ କହିଛନ୍ତି, "ଖାମେନେଇଙ୍କୁ ଇରାନର ଲୋକମାନେ ହିଁ ଫାଶି ଦେବେ। ମନେରଖନ୍ତୁ ଇରାନର ପଡ଼ୋଶୀ ଦେଶ ଇରାକରେ ଏକଛତ୍ରବାଦୀଙ୍କ ବିରୁଦ୍ଧରେ କ'ଣ ଘଟିଥିଲା। ତାହା ମଧ୍ୟ ଇସ୍ରାଏଲ ବିରୁଦ୍ଧରେ ଥିଲା।"

ଇରାକର ଏକଛତ୍ରବାଦୀ ସଦ୍ଦାମ ହୁସେନଙ୍କ ବିରୁଦ୍ଧରେ ବିଭିନ୍ନ ମାମଲାରେ ହଜାର ହଜାର ଲୋକଙ୍କୁ ହତ୍ୟା କରିବାର ଅଭିଯୋଗ ଥିଲା। ୧୯୮୨ ଡୁଜାଇଲ୍ ହତ୍ୟାକାଣ୍ଡ ଅନ୍ତର୍ଗତ ୧୪୮ ଜଣ ସିଆ ମୁସଲମାନଙ୍କୁ ବିଷାକ୍ତ ଗ୍ୟାସ ମାଧ୍ୟମରେ ହତ୍ୟା କରିବା ପାଇଁ ତାଙ୍କୁ ଫାଶି ଦିଆଯାଇଥିଲା। ୨୦୦୩ ମସିହାରେ ଆମେରିକା ନେତୃତ୍ୱାଧୀନ ମେଣ୍ଟ ଦ୍ୱାରା କ୍ଷମତାରୁ ହଟାଇଯିବା ପରେ ତାଙ୍କୁ ଗିରଫ କରାଯାଇଥିଲା। ପରେ ତାଙ୍କୁ ଫାଶୀ ଦିଆଯାଇଥିଲା ।