ଆତଙ୍କବାଦୀମାନେ ଶିଶୁଙ୍କ ମୁଣ୍ଡକାଟ କରିବାର ଫଟୋ ମୁଁ ଦେଖିଛି: ବାଇଡେନ୍‌

ୱାସିଂଟନ୍‌: ଆମେରିକା ରାଷ୍ଟ୍ରପତି ଜୋ ବାଇଡେନ୍‌ ବୁଧବାର ଦିନ ଇହୁଦୀ ସମ୍ପ୍ରଦାୟର ନେତାଙ୍କୁ ଦେଇଥିବା ଟିପ୍ପଣୀରେ ଇସ୍ରାଏଲ-ହମାସ ଯୁଦ୍ଧର ଭୟଙ୍କର ଚିତ୍ର ଆଙ୍କିଛନ୍ତି। ବାଇଡେନ କହିଛନ୍ତି, ମୁଁ କେବେ ବି ଭାବିନଥିଲି ଯେ ‌ଆତଙ୍କବାଦୀମାନେ ପିଲାମାନଙ୍କ ମୁଣ୍ଡ କାଟିବାର ଚିତ୍ର ମୁଁ ଦେଖିବି ଏବଂ ସ୍ପଷ୍ଟ କରିବି। ଇସ୍ରାଏଲ-ହମାସ ଯୁଦ୍ଧ ମଧ୍ୟରେ ଇସ୍ରାଏଲ ସହ ଆମେରିକା ପ୍ରଶାସନର ସମର୍ଥନ ଥିବା କହି ବାଇଡେନ୍‌ ଏହି ଟିପ୍ପଣୀ ଦେଇଛନ୍ତି। ତେବେ ହ୍ବାଇଟ୍‌ ହାଉସ ପକ୍ଷରୁ ବାଇ‌ଡେନଙ୍କ ଏହି ଟିପ୍ପଣୀ ଉପ‌ରେ ସ୍ପଷ୍ଟୀକରଣ ଦିଆଯାଇଛି। ହ୍ବାଇଟ୍‌ ହ‌ାଉସ୍‌ର ୨ ଜଣ ବରିଷ୍ଠ ପ୍ରଶାସନିକ ଅଧିକାରୀ କହିଛନ୍ତି, ଇସ୍ରାଏଲର ଗଣମାଧ୍ୟମ ରିପୋର୍ଟକୁ ଆଧାର କରି ବାଇଡେନ ଏହି ଟିପ୍ପଣୀ ଦେଇଛନ୍ତି। ଅନ୍ୟପକ୍ଷେ ଇସ୍ରାଏଲରେ ୨୨ ଆମେରିକୀୟ ନାଗରିକଙ୍କ ମୃତ୍ୟୁ ହୋଇଛି ବୋଲି ହ୍ବାଇଟ୍‌ ହାଉସ୍‌ ପ୍ରେସ୍‌ ସଚିବ କାରିନ ଜିନ୍‌ ପିୟରେ କହିଛନ୍ତି।