ଟ୍ରେନ ଚକ ତଳେ ରହି ଯୁବକ ୨୫୦ କିଲୋମିଟର ଯାତ୍ରା କରିବାର ଭିଡିଓ ବିଭ୍ରାନ୍ତିକର:ରେଳ ମନ୍ତ୍ରଣାଳୟ

ଇନ୍ଦୋର: ମଧ୍ୟପ୍ରଦେଶର ଜବଲପୁରରୁ ଏକ ଆଶ୍ଚର୍ଯ୍ୟଜନକ ଭିଡିଓ ସାମ୍ନାକୁ ଆସିଛି। ଏହି ଭିଡିଓରେ ଦାବି କରାଯାଉଥିଲା କି ଯୁବକ ଜଣକ ଟ୍ରେନ ଚକ ତଳେ ରହି ୨୫୦ କିଲୋମିଟର ଯାତ୍ରା କରିଥିଲେ। ଏହି ଭିଡିଓ ୨୪ ଡିସେମ୍ବରର ବୋଲି କୁହାଯାଉଛି। ସୋସିଆଲ ମିଡିଆରେ ଏହା ଭାଇରାଲ ହେବା ପରେ ବର୍ତ୍ତମାନ ରେଳବାଇ ଏ ସମ୍ପର୍କରେ ଏକ ବିବୃତ୍ତି ଦେଇଛି। ରେଳ ମନ୍ତ୍ରଣାଳୟ ଏହି ଭିଡିଓକୁ ବିଭ୍ରାନ୍ତିକର ବୋଲି କହିଛି।

ଅଧିକପଢ଼ନ୍ତୁ:ଓଡ଼ିଶାରେ ଓଲଟିଲା ଆନ୍ଧ୍ରପ୍ରଦେଶରେ ୨ଟି ଯାତ୍ରୀବାହୀ ଅଟୋ; ୧୫ ଆହତ

ରେଳ ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ଭିଡିଓରେ ଚକର ଏକ୍ସଲରେ ବସିଥିବା ବ୍ୟକ୍ତି ମାନସିକ ସ୍ତରରେ ଅକ୍ଷମ ଏବଂ ସେଠାରେ ବସି ୨୫୦ କିଲୋମିଟର ଯାତ୍ରା କରିଥିବା ଦାବି ସମ୍ପୂର୍ଣ୍ଣ ଭିତ୍ତିହୀନ।

 ବିବୃତ୍ତିରେ ଆହୁରି ମଧ୍ୟ କୁହାଯାଇଛି ଯେ ଟ୍ରେନର ଚକ ସେଟ୍ କ୍ରମାଗତ ଭାବରେ ଗତି କରେ ଏବଂ ଏଥିରେ କେହି ବସିପାରିବେ ନାହିଁ। ଭାଇରାଲ୍ ଭିଡିଓରେ ଦିଆଯାଇଥିବା ଦାବି ସଂପୂର୍ଣ୍ଣ ବିଭ୍ରାନ୍ତିକର ଏବଂ ଭିତ୍ତିହୀନ।

ଟ୍ରେନର ରେଲିଂ ଷ୍ଟକ୍ ଓ ଅଣ୍ଡରକାରେଜ୍ ର ନିୟମିତ ଯାଞ୍ଚ ସମୟରେ ୱାଗନ୍ ବିଭାଗର କର୍ମଚାରୀମାନେ କୋଚ୍ ତଳେ ଅସ୍ୱାଭାବିକ ଗତିବିଧିକୁ ଲକ୍ଷ୍ୟ କରିଥିଲେ। ଅତି ନିକଟରୁ ଯାଞ୍ଚ ପରେ ଜଣେ ବ୍ୟକ୍ତି ଚକ ମଧ୍ୟରେ ବିପଜ୍ଜନକ ଅବସ୍ଥାରେ ପଡ଼ିଥିବାର ଦେଖିବାକୁ ମିଳିଥିଲା। ରେଳ କର୍ମଚାରୀମାନେ ତୁରନ୍ତ ଲୋକୋ ପାଇଲଟଙ୍କୁ ଜଣାଇଲେ, ପରେ ଟ୍ରେନଟି ତୁରନ୍ତ ବନ୍ଦ କରାଯାଇଥିଲା। ଯୁବକଙ୍କୁ ତାଙ୍କ ଲୁଚି ରହିଥିବା ସ୍ଥାନରୁ ବାହାରକୁ ଆସିବାକୁ କୁହାଯାଇଥିଲା, ପରେ ତାଙ୍କୁ ପଚରାଉଚରା ପାଇଁ ରେଳ ସୁରକ୍ଷା ବଳ (ଆରପିଏଫ) କୁ ହସ୍ତାନ୍ତର କରାଯାଇଥିଲା। 

ଅଧିକପଢ଼ନ୍ତୁ:ଭଙ୍ଗା ବଦଳରେ ଭଲ ଗୋଡ଼ର ଅସ୍ତ୍ରୋପଚାର କଲେ ଡାକ୍ତର

ତେବେ ଆରପିଏଫ୍ ଅଧିକାରୀମାନେ ଜାଣିବାକୁ ପାଇଥିଲେ ଯେ ଉକ୍ତ ବ୍ୟକ୍ତି ମାନସିକ ସ୍ତରରେ ସୁସ୍ଥ ଥିବା ପରି ଦେଖାଯାଉ ନାହିଁ, କାରଣ ପଚରାଉଚରା ସମୟରେ ତାଙ୍କର ଆଚରଣ ଓ ପ୍ରତିକ୍ରିୟା ସମ୍ଭାବ୍ୟ ମାନସିକ ସମସ୍ୟା ଦେଖାଯାଇଥିଲା। ଆରପିଏଫ୍ ଜବଲପୁରରେ ବ୍ୟକ୍ତିର ପରିଚୟ ଏବଂ ଏପରି ପରିସ୍ଥିତି କେମିତି ହେଲା ଜାଣିବା ପାଇଁ ବିସ୍ତୃତ ଅନୁସନ୍ଧାନ କରୁଛି ।