କାବୁଲ ମସଜିଦରେ ବିସ୍ଫୋରଣ, ୭ ମୃତ

କାବୁଲ : ଆଫଗାନିସ୍ତାନ ରାଜଧାନୀ କାବୁଲରେ ଶୁକ୍ରବାର ଶକ୍ତିଶାଳୀ ବୋମା ବିସ୍ଫୋରଣ ହୋଇ ୭ ଜଣଙ୍କ ମୃତ୍ୟୁ ହୋଇଛି ଏବଂ ୪୦ରୁ ଅଧିକ ଆହତ ହୋଇଛନ୍ତି। ୱାଜିର ଆକବର ଖାନ୍‌ ଅଞ୍ଚଳରେ ଶୁକ୍ରବାର ପ୍ରାର୍ଥନା ପରେ ଲୋକମାନେ ମସଜିଦ ବାହାରକୁ ବାହାରିବା ସମୟରେ ବିସ୍ଫୋରଣ ହୋଇଥିଲା। ଫଳରେ ୭ ଜଣଙ୍କ ମୃତ୍ୟୁ ହୋଇଯାଇଛି ବୋଲି କାବୁଲ ପୁଲିସ ମୁଖପାତ୍ର ଖଲିଦ ଜଦରାନ କହିଛନ୍ତି। ଏହି ବିସ୍ଫୋରଣରେ ୪୧ ଜଣ ଆହତ ହୋଇଛନ୍ତି। ଆଜିର ଆକ୍ରମଣ ପଛରେ ଆଇଏସ୍‌ ଆତଙ୍କବାଦୀ ସଂଗଠନର ହାତ ଥିବା କୁହାଯାଉଛି।