କେଜ୍ରିୱାଲ ଦିଲ୍ଲୀରେ ଜିତିବା ଆଶା ରହିଛି: କଂଗ୍ରେସ ନେତା

ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନ ମଧ୍ୟରେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ନେତା ପୃଥ୍ବୀରାଜ ଚୌହ୍ବାନ ଏକ ବଡ଼ ବିବୃତି ଦେଇଛନ୍ତି। ସେ କହିଛନ୍ତି ଯେ, ବୋଧହୁଏ ଅରବିନ୍ଦ କେଜ୍ରିୱାଲ ନିର୍ବାଚନରେ ​​ଜିତିବେ। ତେବେ କଂଗ୍ରେସ ନିର୍ବାଚନ ଲଢୁଛି।

ଯଦି କଂଗ୍ରେସ ଏବଂ ଆପ୍ ମଧ୍ୟରେ ମେଣ୍ଟ ହୋଇଥାନ୍ତା ତେବେ ଭଲ ହୋଇଥାନ୍ତା। କିନ୍ତୁ ବୋଧହୁଏ ତାହା ଘଟୁଥିବା ପରି ମନେ ହେଉନାହିଁ। ମହାରାଷ୍ଟ୍ରରେ ବସି ଦିଲ୍ଲୀରେ କଣ ଘଟୁଛି କହିବା କଷ୍ଟକର ହେବ। ପୃଥ୍ବୀରାଜ ଚୌହ୍ବାନ କହିଛନ୍ତି, ଦିଲ୍ଲୀ ନିର୍ବାଚନ ଏକ ଗୁରୁତ୍ୱପୂର୍ଣ୍ଣ ନିର୍ବାଚନ। ଆପ୍‌ର ସ୍ଥିତି ସୁଦୃଢ଼ ରହିଛି। 

ଗତ ବର୍ଷ ମହାରାଷ୍ଟ୍ରରେ ଅନୁଷ୍ଠିତ ନିର୍ବାଚନରେ ​​ପୃଥ୍ବୀରାଜ ଚୌହ୍ବାନଙ୍କୁ ପରାଜୟର ସମ୍ମୁଖୀନ ହେବାକୁ ପଡିଥିଲା। ସେ କରାଡ ଦକ୍ଷିଣରୁ ମଇଦାନରେ ଥିଲେ । ଏହି ଆସନରୁ ବିଜେପି ପ୍ରାର୍ଥୀ ଜିତିଥିଲେ।

Mumbai: On Delhi Vidhan Sabha elections, Former CM of Maharashtra and Congress leader Prithviraj Chavan says, "The Delhi elections are very important, and I believe that Kejriwal will win there. Congress is also in the fray and will contest the elections. It would have been… pic.twitter.com/EbFM7hYB8O

— IANS (@ians_india) January 8, 2025

ଅଧିକ ପଢ଼ନ୍ତୁ: ଏକ ଦେଶ ଏକ ନିର୍ବାଚନ: ‌ଜେପିସି ବୈଠକରେ ୧୮ହଜାର ପୃଷ୍ଠାର ତଥ୍ୟ ଉପସ୍ଥାପିତ

ମହାରାଷ୍ଟ୍ରର ପୂର୍ବତନ ସିଏମ ଏଭଳି ବିବୃତି ଦେଇଛନ୍ତି ଯେଉଁ ସମୟରେ ଦିଲ୍ଲୀରେ ନିର୍ବାଚନ ଉଷ୍ଣିତା ଶିଖରରେ ପହଞ୍ଚିଛି। ଦିଲ୍ଲୀରେ କ୍ରମାଗତ ଭାବେ କଂଗ୍ରେସ ପକ୍ଷରୁ ଆମ୍ ଆଦମୀ ପାର୍ଟି ଏବଂ ଅରବିନ୍ଦ କେଜ୍ରିୱାଲଙ୍କୁ କଡ଼ା ସମାଲୋଚନା କରାଯାଉଛି। ନୂଆଦିଲ୍ଲୀ ଆସନରୁ ଅରବିନ୍ଦ କେଜ୍ରିୱାଲ ପ୍ରତିଦ୍ୱନ୍ଦ୍ୱିତା କରୁଛନ୍ତି।

ଏଠାରୁ କଂଗ୍ରେସ ଦିଲ୍ଲୀର ପୂର୍ବତନ ସିଏମ ଶୀଲା ଦୀକ୍ଷିତଙ୍କ ପୁଅ ସନ୍ଦୀପ ଦୀକ୍ଷିତଙ୍କୁ ପ୍ରାର୍ଥୀ କରିଛି। ସନ୍ଦୀପ ଦୀକ୍ଷିତ ଏହି ଆସନରୁ ବିଜୟୀ ହେବା ଦାବି କରୁଛନ୍ତି। ଏଥି ସହ ବିଜେପି ପୂର୍ବତନ ସାଂସଦ ପ୍ରଭେଶ ବର୍ମାଙ୍କୁ ଏହି ଆସନରୁ ପ୍ରାର୍ଥୀ କରିଛି।

ଅଧିକ ପଢ଼ନ୍ତୁ: କାଲି ପ୍ରବାସୀ ଭାରତୀୟ ଦିବସ ସ‌ମ୍ମେଳନ ଉଦ୍‌ଘାଟନ କରିବେ ପ୍ରଧାନମନ୍ତ୍ରୀ ମୋଦୀ