କରୋନା ଚିକିତ୍ସା ପାଇଁ ଭାରତର ପ୍ରଥମ ପ୍ଲାଜମା ଦାତା ହେବେ କେରଳ ଡାକ୍ତର !

ତିରୁବନନ୍ତପୁରମ୍: କିଛି ସପ୍ତାହ ପୂର୍ବରୁ ନିଜ କାମ ପାଇଁ ବିବାଦରେ ଥିବା ଜଣେ ଡାକ୍ତର ଆଜି ଭଲ କାରଣ ପାଇଁ ଚର୍ଚ୍ଚାରେ ରହିଛନ୍ତି |ସେ ହେଉଛନ୍ତି ଶ୍ରୀ ଚିତ୍ରା ଥିରୁନାଲ୍ ଇନଷ୍ଟିଚ୍ୟୁଟ୍ ଅଫ୍ ସାଇନ୍ସ ଆଣ୍ଡ ଟେକ୍ନୋଲୋଜିର ଜଣେ ଯୁବ ଡାକ୍ତର | ପ୍ରଥମେ ସେ ବିଦେଶରୁ ଫେରି କରୋନା ଆକ୍ରାନ୍ତ ହେବା ପରେ ଏବେ ସେ ସୁସ୍ଥ ହୋଇ ଘରେ ସଙ୍ଗରୋଧରେ ଥିବା ଜଣାପଡିଛି | ତେବେ ସେ ମାର୍ଚ୍ଚ ୧ରେ ସ୍ପେନରୁ ଫେରିଥିବା ବେଳେ ମାର୍ଚ୍ଚ ୧୩ରେ କରୋନା ଆକ୍ରାନ୍ତ ହୋଇଥିଲେ | ତାଙ୍କ ପାଇଁ ୫୦ଜଣ ଡାକ୍ତରଖାନା କର୍ମଚାରୀଙ୍କୁ ସଙ୍ଗରୋଧରେ ରହିବାକୁ ପଡିଥିଲା | ବିଦେଶରୁ ଆସି ସଙ୍ଗରୋଧରେ ନ ରହିଥିବାରୁ ଯୁବ ଡାକ୍ତରଙ୍କୁ ନେଇ ବିବାଦ ଆରମ୍ଭ ହୋଇଥିଲା | କିନ୍ତୁ ଏବେ ସେ କରିବାକୁ ଯାଉଥିବା କାମ ତାଙ୍କୁ ଚର୍ଚ୍ଚିତ କରାଇଛି |

Times of India

ଯୁବ ଡାକ୍ତର କୋଭିଡ ଚିକିତ୍ସାରେ କନଭାଲେସେଣ୍ଟ ପ୍ଲାଜମା ଥେରାପି ପାଇଁ ଭାରତର ପ୍ରଥମ ପ୍ଲାଜମା ଦାତା ହୋଇପାରନ୍ତି । କନଭାଲେସେଣ୍ଟ ପ୍ଲାଜମା ଥେରାପିରେ, ଆରୋଗ୍ୟ ରୋଗୀଙ୍କ ପ୍ଲାଜମା କୋଭିଡ ଚିକିତ୍ସା ପାଇଁ ବ୍ୟବହୃତ ହୁଏ | ଶୀର୍ଷ ସୂତ୍ରରୁ ପ୍ରକାଶ ଯେ, ଏହି ରେଡିଓଲୋଜିଷ୍ଟ ଅନଔପଚାରିକ ଭାବରେ ରକ୍ତ ପ୍ଲାଜମା ଦାନ କରିବାକୁ ଇଚ୍ଛା ପ୍ରକାଶ କରିଛନ୍ତି। ଯଦି ସେ ରକ୍ତ ପ୍ଲାଜମା ଦାନ କରିବା ପାଇଁ ଥିବା ଅନ୍ୟ ନିୟମାବଳୀ ମଧ୍ୟ ପୂରଣ କରନ୍ତି ତେବେ ସେ ପ୍ରଥମ ପ୍ଲାଜମା ଦାତା ହେବେ ବୋଲି ଜଣାଯାଇଛି |

ଡାକ୍ତରଜଣକ ଦୁର୍ବଳ ନହେବା ସହ ତାଙ୍କ ରକ୍ତଚାପ ଏବଂ ଶରୀରର ତାପମାତ୍ରା ସ୍ୱାଭାବିକ ଅଛି କି ନାହିଁ, ତାଙ୍କ ଓଜନ ଠିକ ଥିବା ସହ ହୃଦ୍‌ରୋଗ ସମସ୍ୟା ନାହିଁ ବୋଲି ନିଶ୍ଚିତ କରିବାକୁ ଏକ ପରୀକ୍ଷା ହେବ। ଏସବୁକୁ ଆଧାର କରି ଚୂଡ଼ାନ୍ତ ନିଷ୍ପତ୍ତି ନିଆଯିବ| ସେ ସମସ୍ତ ଅନୁସନ୍ଧାନ ଏବଂ ଆନୁଷଙ୍ଗିକ କାର୍ଯ୍ୟରେ ଭାଗ ନେବାକୁ ଇଛୁକ ଥିବା ବେଳେ ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆର (ଡିଜିସି) ଅନୁମୋଦନ ପାଇବା ପରେ ଯାଇ ଆନୁଷ୍ଠାନିକ କାର୍ଯ୍ୟ ଆରମ୍ଭ କରି ପାରିବେ ବୋଲି ଏକ ସୂତ୍ରରୁ ପ୍ରକାଶ।