ଜୟଶଙ୍କରଙ୍କ ଉପରେ ଖଲିସ୍ତାନୀଙ୍କ ଆକ୍ରମଣ ଉଦ୍ୟମ

ଲଣ୍ଡନ : ଖାଲିସ୍ତାନୀମାନେ ସେମାନଙ୍କ ଭାରତ ବିରୋଧୀ କାର୍ଯ୍ୟରୁ ବିରତ ହେଉନାହାନ୍ତି । କାନାଡା ହେଉ କି ବ୍ରିଟେନ, ସେମାନେ ସବୁ ସ୍ଥାନରେ ନିଜର କୁତ୍ସିତ ଆଚରଣ ଦେଖାଉଛନ୍ତି । ଏଥର ଖାଲିସ୍ତାନୀମାନେ ଭାରତର ବୈଦେଶିକ ମନ୍ତ୍ରୀଙ୍କୁ ଆକ୍ରମଣ କରିବାକୁ ପଛେଇ ନାହାନ୍ତି ।

 ଲଣ୍ଡନରେ ଖଲିସ୍ତାନୀ ସମର୍ଥକମାନେ ବୈଦେଶିକ ମନ୍ତ୍ରୀ ଏସ. ଜୟଶଙ୍କରଙ୍କ ସମ୍ମୁଖରେ ଭାରତୀୟ ଜାତୀୟ ପତାକାକୁ ଅପମାନିତ କରିବା ସହ ଚିରି ଦେଇଥିଲେ। ଖାଲି ସେତିକି ନୁହେଁ ସେମାନେ ଜୟଶଙ୍କରଙ୍କ ସହ ଅସଦାଚରଣ କରିବା ସହ ତାଙ୍କୁ ଆକ୍ରମଣ କରିବାକୁ ଉଦ୍ୟମ କରିଥିଲେ।

 ଲଣ୍ଡନରେ ଖଲିସ୍ତାନୀ ସମର୍ଥକମାନେ ବୈଦେଶିକ ମନ୍ତ୍ରୀ ଏସ. ଜୟଶଙ୍କରଙ୍କ ସମ୍ମୁଖରେ ଭାରତୀୟ ଜାତୀୟ ପତାକାକୁ ଅପମାନିତ କରିବା ସହ ଚିରି ଦେଇଥିଲେ। ଖାଲି ସେତିକି ନୁହେଁ ସେମାନେ ଜୟଶଙ୍କରଙ୍କ ସହ ଅସଦାଚରଣ କରିବା ସହ ତାଙ୍କୁ ଆକ୍ରମଣ କରିବାକୁ ଉଦ୍ୟମ କରିଥିଲେ। ଚଥାମ ହାଉସ୍ ଥିଙ୍କଟ୍ୟାଙ୍କରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇ ଜୟଶଙ୍କର ଫେରୁଥିବା ବେଳେ ଏହି ଘଟଣା ଘଟିଥିଲା। ଏହା ଆଶ୍ଚର୍ଯ୍ୟଜନକ ଯେ ବ୍ରିଟିଶ ସରକାରଙ୍କ ପୁଲିସ କେବଳ ଠିଆ ହୋଇ ଏହାକୁ ଦେଖୁଥିଲେ । ପରିସ୍ଥିତି ଗମ୍ଭୀର ହେବା ପରେ ସୈନିକମାନେ ଜୟଶଙ୍କରଙ୍କ କାର୍ ସମ୍ମୁଖରୁ ଖଲିସ୍ତାନୀ ସମର୍ଥକମାନଙ୍କୁ ହଟାଇ ଦେଇଥିଲେ।

ସୂଚନାଯୋଗ୍ୟ, କାନାଡା ଭଳି ବ୍ରିଟେନରେ ମଧ୍ୟ ଖଲିସ୍ତାନୀ ଉଗ୍ରବାଦ ଏକ ପ୍ରମୁଖ ପ୍ରସଙ୍ଗ। ଋଷି ସୁନକ ବ୍ରିଟେନର ପ୍ରଧାନମନ୍ତ୍ରୀ ଥିବା ବେଳେ ବ୍ରିଟେନ ଖଲିସ୍ତାନୀ ଉଗ୍ରବାଦର ମୁକାବିଲା ପାଇଁ ପାଣ୍ଠି ଘୋଷଣା କରିଥିଲା। ବ୍ରିଟେନର ପ୍ରତିରକ୍ଷା ସଚିବ ସାମର୍ଥ୍ୟ ବୃଦ୍ଧି ପାଇଁ ୯୫,୦୦୦ ପାଉଣ୍ଡର ରାଫ୍ଟ ଘୋଷଣା କରିଥିଲେ। କିନ୍ତୁ ସୁନକ ଯିବା ପରେ ଏହି ପଦକ୍ଷେପ ବି ଶୀତଳ ଭଣ୍ଡାରରେ ଥିବାପରି ଲାଗୁଛି ।