ଆବଶ୍ୟକ ହେଲେ ଯୋଗୀଙ୍କ ବୁଲଡୋଜର ଭଡାରେ ଆଣ: କଲକତା ହାଇକୋର୍ଟ

କୋଲକାତା: ନିଜ ମନ୍ତବ୍ୟ ପାଇଁ ସର୍ବଦା ଚର୍ଚ୍ଚାରେ ରହୁଥିବା କଲକତା ହାଇକୋର୍ଟର ବିଚାରପତି ଜଷ୍ଟିସ ଅଭିଜିତ ଗଙ୍ଗୋପାଧ୍ୟାୟ ଶୁକ୍ରବାର ଦିନ ବେଆଇନ ନିର୍ମାଣ ସହ ଜଡିତ ଏକ ମାମଲାର ଶୁଣାଣି କରି କୋଲକାତା ପୁଲିସ ଏବଂ କୋଲକାତା ମ୍ୟୁନିସିପାଲିଟି କର୍ପୋରେସନକୁ ଯୋଗୀଙ୍କ ବୁଲଡୋଜର ଆଣିବାକୁ ପରାମର୍ଶ ଦେଇଛନ୍ତି। ବାସ୍ତବରେ ଜଣେ ମହିଳା କୋଲକାତାର ମାଣିକତାଲା ପୁଲିସ ଷ୍ଟେସନ ଅଞ୍ଚଳରେ ବେଆଇନ ନିର୍ମାଣକୁ ବିରୋଧ କରି କଲିକତା ହାଇକୋର୍ଟରେ ଏକ ପିଟିସନ ଦାଖଲ କରିଥିଲେ । ଶୁଣାଣି ସମୟରେ ଆବେଦନକାରୀଙ୍କ ଓକିଲ କହିଥିଲେ ଯେ ଅବୈଧ ନିର୍ମାଣରେ ବାଧା ଦେବା ପରେ ତାଙ୍କ ମହକିଲ ଅସୁରକ୍ଷିତ ହୋଇପଡିଛନ୍ତି। ଏପରିକି ସେ ଘରୁ ବି ବାହାରି ପାରୁନାହାନ୍ତି |

ଜଷ୍ଟିସ ଅଭିଜିତ ଗଙ୍ଗୋପାଧ୍ୟାୟ ଏହା ଶୁଣିବା ପରେ ଅସନ୍ତୋଷ ପ୍ରକାଶ କରିଥିଲେ | ସେ କହିଥିଲେ ଯେ ବେଆଇନ ନିର୍ମାଣ ମାମଲାରେ କୌଣସି ବି ଅପରାଧକୁ ବରଦାସ୍ତ କରାଯିବ ନାହିଁ। ଗ୍ୟାଙ୍ଗଷ୍ଟରମାନଙ୍କୁ କିପରି ଅନୁଶାସନ କରିବେ ଜାଣିଛନ୍ତି କି?କୋଲକାତା ମ୍ୟୁନିସିପାଲିଟି କର୍ପୋରେସନର ଓକିଲଙ୍କୁ ସମ୍ବୋଧିତ କରି ସେ କହିଛନ୍ତି ଯେ ଆବଶ୍ୟକ ହେଲେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କଠାରୁ ଭଡାରେ କିଛି ବୁଲଡୋଜର ଆଣନ୍ତୁ । ତେବେ ଏହା ସହିତ ଜଷ୍ଟିସ ଗଙ୍ଗୋପାଧ୍ୟାୟ ମଧ୍ୟ କୋଲକାତା ପୁଲିସ ଏବଂ ମ୍ୟୁନିସିପାଲ କର୍ପୋରେସନକୁ ପ୍ରଶଂସା କରିଥିଲେ। ଜଷ୍ଟିସ ଗଙ୍ଗୋପାଧ୍ୟାୟ ଶୁକ୍ରବାର ଦିନ ଏହି ବେଆଇନ ନିର୍ମାଣ ମାମଲାର ଶୁଣାଣି କରି କୋଲକାତା ପୁଲିସର ଗୁଣ୍ଡା ଦମନ ନୀତିକୁ ପ୍ରଶଂସା କରିଛନ୍ତି। ସେ କହିଛନ୍ତି ଯେ କୋଲକାତା ପୁଲିସର ଏହି ବିଭାଗର ଅଧିକାରୀମାନେ ଗ୍ୟାଙ୍ଗଷ୍ଟରମାନଙ୍କୁ କିପରି ଅନୁଶାସନ କରିବେ ଜାଣନ୍ତି। ଆସନ୍ତା ଶୁକ୍ରବାର ଦିନ ଏହି ମାମଲାର ପରବର୍ତ୍ତୀ ଶୁଣାଣି ହେବ।