କୋରାପୁଟର ଚାଉଳ ବିଶ୍ୱ ବଜାରରେ ପହଞ୍ଚିବ: ଶିବରାଜ

ସାକ୍ଷୀଗୋପାଳ: କେନ୍ଦ୍ର କୃଷିମନ୍ତ୍ରୀ ଶିବରାଜ ସିଂ ଚୌହ୍ୱାନ  ଓଡ଼ିଶା ଗସ୍ତରେ ଆସିଛନ୍ତି । ସେ ପୁରୀ ଜିଲ୍ଲା ସାକ୍ଷୀଗୋପାଳ ଠାରେ ବିକଶିତ କୃଷି ସଂକଳ୍ପ ଅଭିଯାନର ଶୁଭାରମ୍ଭ କରିଛନ୍ତି ।

ଏହି ଅଭିଯାନ କାର୍ଯ୍ୟକ୍ରମରେ ରାଜ୍ୟ ସରକାରଙ୍କୁ ସେ ପ୍ରଶଂସା କରି କହିଛନ୍ତି, ଧାନ ଏମଏସପିରେ ବୋନସ୍ ପ୍ରଦାନ ପାଇଁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସରକାରଙ୍କୁ ମୁଁ ଧନ୍ୟବାଦ ଜଣାଉଛି । 

ସେ କହିଛନ୍ତି, ମୋହନ ମାଝୀଙ୍କ ସରକାର ଭଲ କାମ କରି ଦେଖାଇଛନ୍ତି । ୨୩ ଶହ ଟଙ୍କା ଧାନକୁ ୩୧ ଶହ ଟଙ୍କାରେ କିଣିଛନ୍ତି। ଏବେ ଓଡ଼ିଶାର କୋରାପୁଟର ଚାଉଳ ବିଶ୍ୱ ବଜାରରେ ପହଞ୍ଚିବ ।

କୃଷି ହେଉଛି ଭାରତୀୟ ଅର୍ଥନୀତିର ମେରୁଦଣ୍ଡ ଏବଂ ଚାଷୀ ହେଉଛି ଏହାର ଆତ୍ମା। ଯେତେବେଳେ ଜଣେ ଚାଷୀ କ୍ଷେତରେ ବିହନ ବୁଣେ, ସେ କେବଳ ବିହନ ବୁଣେ ନାହିଁ, ସେ ଜୀବନ ବୁଣେ।

ଉତ୍ପାଦନ ବିଷୟରେ କହିବାକୁ ଗଲେ, ଚଳିତ ବର୍ଷ ଦେଶ ୩୫୩୯.୫୯ ଲକ୍ଷ ମେଟ୍ରିକ୍ ଟନ୍ ଖାଦ୍ୟ ଶସ୍ୟ ଉତ୍ପାଦନ କରିଛି। ଯାହା ଗତ ବର୍ଷ ତୁଳନାରେ ୨୧୬.୬୧ ଲକ୍ଷ ମେଟ୍ରିକ୍ ଟନ୍ ଅଧିକ। କିନ୍ତୁ ଆମେ ଅଟକି ଯିବା ଉଚିତ୍ ନୁହେଁ। ଆମକୁ ଅଧିକ ଉତ୍ପାଦନ କରିବା ଜାରି ରଖିବା ଆବଶ୍ୟକ। କାରଣ 

ଭାରତ କେବଳ ଭାରତର ଲୋକମାନଙ୍କୁ ଖାଦ୍ୟ ଦେଇ ନଥାଏ। ଆମକୁ ବିଶ୍ୱର ଖାଦ୍ୟ ଟୋକେଇ ହେବାକୁ ପଡ଼ିବ।

 ଯଦି ଆମକୁ ଉତ୍ପାଦନ ବୃଦ୍ଧି କରିବାକୁ ପଡିବ, ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଭଲ ବିହନ।

ମୁଁ ଆଇସିଏଆରର ବୈଜ୍ଞାନିକମାନଙ୍କୁ ଅଭିନନ୍ଦନ ଜଣାଉଛି ଯେଉଁମାନେ ପ୍ରୟୋଗଶାଳାରେ ନିରନ୍ତର ପରୀକ୍ଷଣ କରି ନୂତନ ବିହନ ପ୍ରସ୍ତୁତ କରୁଛନ୍ତି।

ଗତକାଲି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ, କେନ୍ଦ୍ର କ୍ୟାବିନେଟ ୧୪ଟି ଖରିଫ ଫସଲର ସର୍ବନିମ୍ନ ସହାୟକ ମୂଲ୍ୟ (ଏଏସପି) ବୃଦ୍ଧି କରିବା ପାଇଁ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। 

‘ବିକଶିତ କୃଷି ସଂକଳ୍ପ ଅଭିଯାନ’ର ଅର୍ଥ ହେଉଛି ବୈଜ୍ଞାନିକମାନେ ପ୍ରୟୋଗଶାଳାରୁ ବାହାରକୁ ଆସି କ୍ଷେତରେ ଚାଷୀଙ୍କ ମଧ୍ୟରେ ଯିବେ। ଗାଁରେ ଆପଣଙ୍କ ସହିତ ବସିବେ। 

 ଆଜିଠାରୁ ସମସ୍ତ ବୈଜ୍ଞାନିକ ପ୍ରୟୋଗଶାଳାରୁ ବାହାରକୁ ଆପଣଙ୍କ ଗାଁକୁ ଆସୁଛନ୍ତି। 

ମୁଁ ସାରା ଦେଶର ଚାଷୀମାନଙ୍କୁ ନିବେଦନ କରିବାକୁ ଚାହୁଁଛି ଯେ, ବୈଜ୍ଞାନିକମାନେ ଆପଣଙ୍କ ଗାଁକୁ ଆସୁଛନ୍ତି। କିଛି ସମୟ ବାହାର କରି ସେମାନଙ୍କ ସହିତ ବସି ଚାଷରେ ନୂତନ ପରୀକ୍ଷଣ ଶିଖନ୍ତୁ ଏବଂ ଉତ୍ପାଦନ ବୃଦ୍ଧି କରନ୍ତୁ।

 ମୁଁ ବୈଜ୍ଞାନିକମାନଙ୍କୁ କହିବାକୁ ଚାହୁଁଛି ଯେ, ଆପଣମାନେ କୃଷକମାନଙ୍କର ସେବା କରିବାକୁ ଯାଉଛନ୍ତି। ଏହା ଆପଣଙ୍କର ସୌଭାଗ୍ୟ ଯେ, ଆପଣମାନେ ଗାଁକୁ ଯାଇ ଚାଷୀଙ୍କ ସହିତ କଥାବାର୍ତ୍ତା କରିବାର ଏବଂ ସେମାନଙ୍କର ଫସଲ ଉତ୍ପାଦନ ବୃଦ୍ଧି କରିବାର ସୁଯୋଗ ପାଉଛନ୍ତି। ଏହାଠାରୁ ବଡ଼ ପୁଣ୍ୟ ଆଉ କିଛି ହୋଇପାରେ ନାହିଁ। 

ଅଧିକ ପଢ଼ନ୍ତୁ: ପରିବାର ପୋଷିବା ପାଇଁ ପାଠରେ ଡୋରି: ସ୍କୁଲ ଛାଡୁଛନ୍ତି ପିଲା

ମୁଁ ବାରମ୍ବାର ପ୍ରଭୁ ଶ୍ରୀଜଗନ୍ନାଥଙ୍କ ପାଦ ତଳେ ନତମସ୍ତକ ହୋଇ ପ୍ରାର୍ଥନା କରୁଛି, ହେ ଜଗନ୍ନାଥ, ଏହି ଅଭିଯାନ ଉପରେ ଆପଣଙ୍କର କୃପା ଏବଂ ଆଶୀର୍ବାଦ ବର୍ଷା କରନ୍ତୁ।

ବିକଶିତ କୃଷି ସଂକଳ୍ପ ଅଭିଯାନ କାର୍ଯ୍ୟକ୍ରମରେ ଶିବରାଜ ସିଂ ଚୌହ୍ୱାନ ‘ଅପରେସନ ସିନ୍ଦୂର’ କଥା ଉଠାଇଛନ୍ତି । ସେ କହିଛନ୍ତି ଯେ, ମୋଦୀଜୀଙ୍କ ‘ଅପରେସନ ସିନ୍ଦୂର’ ପାକିସ୍ତାନର ସମସ୍ତ ଆତଙ୍କୀ ଆଡ୍ଡାକୁ ଧ୍ୱଂସ କରିଦେଲା । ୩ ଦିନରେ ପାକିସ୍ତାନ ଆଣ୍ଠେଇ ପଡ଼ିଲା ।

ଅଧିକ ପଢ଼ନ୍ତୁ: ପିଓକେରେ ରହୁଥିବା ଲୋକମାନେ ଭାରତର ନିଜର

Shivraj Singh Chouhan